Нурсултон Рўзибоев UFC даги иккинчи жангини америкалик Седрик Дюмага қарши ўтказди.
Дастлабки раундда фақат стойкада ва асосан қўл билан зарбалар алмашинуви бўлди. Рўзибоев фаолроқ эди. Эпизодлардан бирида Дюма кўзини ушлаб қолди. Рефери аралашмади. Нурсултон ҳужумни давом эттирди ва рақибини нокаутга учратди!
Шу тариқа Рўзибоев иккинчи жангида ҳам биринчи раундда нокаут билан ғалаба қозонмоқда, табриклаймиз! Жангдан кейин Дюма ҳамюртимизга эътироз билдирмоқчи бўлди, Нурсултон эса октагонда рефери борлиги ва у жангни тўхтатмаганини айтди. Реванш ҳақида ҳам гап борди, бироқ фикримча Рўзибоев юқорига юришини давом эттиравериши керак.
t.me/Davron_Fayziev
