Ўзбекистонда ҳуқуқий демократик давлатчилик қуришдаги энг катт | Файзбоғ (ТемурМалик)

Ўзбекистонда ҳуқуқий демократик давлатчилик қуришдаги энг катта муаммо нима? Муаммо сиёсий тизим ичида, олий ҳокимият тармоғи доирасидаги либерал қатламнинг йўқлигида, заифлигида, маргиналлигида. Ҳокимиятдагиларнинг мутлақ аксарияти – авторитар консерваторлар. Яъни улар авторитаризмни мутлақ тўғри деб билишади ва уни миясига жойлаб, онгида бошқа қараш эшикларини ёпиб олишган. Шунинг учун ҳам улар авторитар консерваторлар.

Ҳокимиятдаги кўпчилик авторитар консерваторлар бўлар экан, давлат, истаса-истамаса, авторитаризмдан чиқиб кета олмайди, бир-икки қадам узоқлашиб, яна қайтаверади. Натижада давлат ҳуқуқий-демократик майдонга кира олмайди, қўрқади, иккиланади... Ҳар сафар ҳокимият алмашганда давлат “бу сафар ўзгараман” дейди, лекин йиллар ўтиб яна авторитар қаттиққўллик томон оғишаверади...

Гарчи олий ҳокимият қаттиққўл авторитаризм томон оғишишни истамасада, бундан тўсиб турадиган куч бўлмаганидан кейин, давлат фақат ўша томон силжиб бораверади. Қаттиқ авторитаризм гравитациясидан қочиб қутилиш учун жуда катта куч ва уриниш керак. Ундан тўсувчи сиёсий синф керак. Чунки қаттиқ авторитаризмнинг гравитацияси миллионлаб инсонларнинг миясига жойлашган.

Камолиддин Раббимов

@fayzboguz