Farida Afro'z official

2021-01-27 22:14:24 #давоми

Тасбеҳ 99

30. Ер айланиб чарчамагунча,
Қуёш ёниб, совимагунча,
Сени севавераман.


31. Келсанг, агар, бугун кел,
Менинг кечам ҳам, эртам ҳам,
Ҳозир!


32. Боласидан илҳақ бўлаётган
Ота-
Одам Атодир.


33. Виждонинг қийнамаса,
Билки, сен –
Ё телбасан ёки авлиё!


34. Ақлим етмаганларини
Вақтга
Бердим.


35. Узоқ яшамоқдан кўра,
Тўғри яшамоқ,
Афзал экан.


36. Қўлингни бер,
Кафтингдан тутай, бармоғинг ўпай,
ВАҚТ.


37. Бир ҳовуч сувман, кафтингда,
Тўкиб юборсанг...
Тўлқинман!


38. Илонларнинг феъли ўзгарди,
Ганж сақламоқ эди юмуши,
Энди эса яшар қўйинда.


39. Кимдир сени севса, севгандир,
Мени ҳам биров севар, эҳтимол,
Бир-биримиз севолмадик, лек.

Фарида Афрўз

@Farida_Afroz Ochish/sharhlash

2021-01-26 21:39:02 Аҳмади Эверест

Сиз ўшасиз,
ўша - ўша нигоҳларингиз,
Ёндирмоқни кўзлар ҳамон чўғли қароқлар.

Йиллар ўтди,
лекин бир бор йўқламадингиз,
Хаёлларим хотирамдан сизни сўроқлар.

Шукур, мана,
кўришмоқ ҳам бўларкан насиб,
Сочингизга эрта қиров қўнибди, ажаб.

Менга оғир,
сизга ҳам ҳеч бўлмабди осон,
Демак, ҳамон ўша дард-ла юрибсиз яшаб.

Сочларингиз -
мени қўмсаб оттирган тонглар,
Сочларингиз - мен айлаган тавофларимдир.

Сочларингиз -
ёзолмаган мактубларингиз,
Сочларингиз - мен битмаган жавобларимдир!

(«ИЗТИРОБ КўЙЛАГИ» (1990 йил) китобидан)

Фарида АФРЎЗ

@Farida_Afroz
@Ahmadi_Everest Ochish/sharhlash

2021-01-24 17:47:19 Аҳмади Еверест

Тун…
Ёмғир..
Сеҳрли кеча…
Қурбақалар мисоли ҳофиз…
Жўровоз куйлар….

Тун…
Ёмғир..
Сеҳрли кеча…
Иссиқ бағир…
Қайноқ бўса,
Лабни куйдирар…

Тун…
Ёмғир..
Сеҳрли кеча…
Юрак чопар мисли чавандоз,
Қон кўпирар, томирга сиғмас,
Эврилишлар гўзал, бепардоз.

Тонг…
Қуёш..
Сеҳрли саҳар…
Ёмғир тинар, тинар эҳтирос,
Эриниб уйғонар тўхтаб қолган вақт…

Фарида Афрўз

@Farida_Afroz Ochish/sharhlash

2021-01-24 01:50:33 7 SAVOL

Loyiha mehmoni
Shohista Isoqova

Shohista Isoqova 17-Oktyabr kuni nega yana yashagisi keldi ???

Oydin

premiera intervyu

Rasmiy kanalimiz

@Khamdamov_rasmiy

#7savol
#7soni Ochish/sharhlash

2021-01-21 18:25:43 Маънавият – танангдан бошқа ҳамма нарсангдир. Яъники, ақлу ҳушинг, фаҳму фаросатинг, идрок ва онгинг, илму салоҳиятинг, шуур-тафаккуринг, одобу фасоҳатинг, шарму ҳаёнг, ору номусинг, ишқу муҳаббатинг ва ҳоказо... Ochish/sharhlash

2021-01-21 18:25:16 Маънавият – танангдан бошқа ҳамма нарсангдир. Яъники, ақлу ҳушинг, фаҳму фаросатинг, идрок ва онгинг, илму салоҳиятинг, шуур-тафаккуринг, одобу фасоҳатинг, шарму ҳаёнг, ору номусинг, ишқу муҳаббатинг ва ҳоказо... Ochish/sharhlash

2021-01-21 17:13:15 Тарозининг икки палласи

Китоб – тафаккуринг пучмоқларини очади, яшнатади. Шунинг учун ҳам ҳамма аср одамлари уни эъзозлаб, мўътабар қиладилар. Худди нон каби кўзга суртадилар. Ёт ва жоҳиллар нигоҳидан яширадилар, керак вақтда тиллога ҳам алишмайдилар. Бир китоб учун отилганларни, жон фидо қилганларни биламиз. Улар кимлар эди? Албатта, маърифатли маънавиятчилар эди

Батафсил: http://parliament.gov.uz/uz/events/opinion/33404/

Facebook | Telegram | YouTube |Instagram Ochish/sharhlash

2021-01-21 16:47:48 Тун…
Ёмғир..
Сеҳрли кеча…
Қурбақалар мисоли ҳофиз…
Жўровоз куйлар….

Тун…
Ёмғир..
Сеҳрли кеча…
Иссиқ бағир…
Қайноқ бўса,
Лабни куйдирар…

Тун…
Ёмғир..
Сеҳрли кеча…
Юрак чопар мисли чавандоз,
Қон кўпирар, томирга сиғмас,
Эврилишлар гўзал, бепардоз.

Тонг…
Қуёш..
Сеҳрли саҳар…
Ёмғир тинар, тинар эҳтирос,
Эриниб уйғонар тўхтаб қолган вақт…

Фарида Афрўз

@Farida_Afroz Ochish/sharhlash

2021-01-20 17:45:36 Бугун, Ўзбекистон Ёзувчилар уюшмасида бўлиб ўтган «Биринчи китобим» номли тақдимотдан лавҳа!

@Farida_Afroz Ochish/sharhlash

2021-01-20 17:29:03 #давоми

Тасбеҳ 99


20. Сендан айрилиб,
Ўзимни
Топдим!


21. «Оч қолдими, бегим?..»
Эрини ўйлайди аёл,
Кетмонига суяниб.


22. Ҳали сени боплайман росса,
Ҳали шундай ўчим оламан,
Сени унутиб...


23. Ғийбатларинг мени ўстирар,
Маломатлар чўзар бўйимни,
Яхшиямки, сен борсан, ҳасад.


24. Авлиё ҳассасини ерга санчди:
Тупроқ кулди,
Хасса кўкарди.


25. Сенга раҳмат, айрилиқ,
Яхшиямки, сен борсан, ҳижрон,
Шоир бўлдим.


26. Бир буюк,
Ҳайкалга скрипка чаларди...
Ўзини даврага тайёрламоқда.


27. Нима қилдинг, нима топдинг?
Нима орттирдинг,
Йўқотиб бораётган одам?!


28. Бунча у қудратли,
Бунча ёқимли -
Айтмаган сўзинг.


29. Бармоғимга узук эмас,
Кишан тақдим, деб ўйлади у,
Ўзича.

Фарида Афрўз

@Farida_Afroz Ochish/sharhlash