Farangiz Baxtiyarovna

2022-12-29 09:28:05 #АРГОС_сарҳисоби
#Мутахассис_таҳлили

Бошқарувда гендер тенгликни таъминлаш: эришилган натижалар, устувор вазифалар

... Гендер тенгликка эришиш стратегиясининг мақсадли кўрсаткичлари доирасида бошқарув лавозимларида ишловчи хотин-қизлар улушида ўсиш тенденцияси кузатилиб ҳозирда улар солмоғи 27,7 фоизни ташкил этмоқда.

“Раҳбар аёллар мактаби” ўқув дастури доирасида 47 нафар хотин-қизлар ўқитилиб test.argos.uz платформасида тест синовларидан ўтказилди ҳамда Миллий кадрлар захираси базасига киритилди. Ўқув дастурининг 2-мавсумида яна 53 нафар хотин-қизларни ўқитиш режалаштирилган.

Қорақалпоғистон Республикаси Вазирлар Кенгаши Раиси ўринбосарлари, вилоятлар ва Тошкент шаҳар ҳокими ўринбосарлари ҳамда туман (шаҳар) ҳокимлари лавозимига 57 нафар, вазирлик ва идораларнинг раҳбар ўринбосари лавозимларига 19 нафар, “Салоҳиятли кадрлар захираси”га 100 нафар, шунингдек, “Ёш раҳбар кадрлар” захирасига 10 нафар хотин-қизлар саралаб олиниб, Миллий кадрлар захираси базасига киритилди...

Батафсил

Каналга уланиш — t.me/argos_uz Ochish/sharhlash

2022-12-29 07:33:56 Докторант (таянч докторант)лар ишдан бўшатилиши керакми?

1-савол. Докторантура (таянч докторантура) нима?
2020 йил 23 сентябрдаги “Таълим тўғрисида”ги қонуннинг 12-моддаси ва 2017 йил 22 майдаги ВМҚ 304-сон қарорига кўра докторантура — фан доктори (Doctor of Science DSc), таянч докторантура — фалсафа доктори (Doctor of Philosophy PhD) илмий даражасига даъвогар изланувчилар учун, “ишлаб чиқаришдан ажралган ҳолда” ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли.

2-савол. Докторантурада (таянч докторантура) ўқиш муддати қанча?
Олий таълимдан кейинги таълим институтларида ўқиш уч йилгача давом этади. Фалсафа доктори (PhD) ёки фан доктори (DSc) илмий даражасини олиш учун докторлик диссертациясини тайёрлаётган шахс уч йилни кутмасдан диссертацияни якунлаб муддатдан олдин ҳам ҳимояга чиқиши мумкин.

3-савол. Докторантурада (таянч докторантура) ўқишга кирган ходим ишлашга ҳақли эмасми?
Ўзбекистон Республикаси Конституциясининг 37-моддасига асосан, ҳар бир шахс меҳнат қилиш ҳуқуқига эга. Меҳнат кодекси 97-моддасига асосан, ходим билан тузилган меҳнат шартномасини “ходим докторантурага (таянч докторантура) ўқишга кирса меҳнат шартномаси бекор қилинади” деган асос йўқ. Демак ишлашга ҳақли.

4-савол. Унда “ишлаб чиқаришдан ажралган ҳолда ўқиш” дегани нимани англатади?
Ишлаб чиқаришдан ажралган ҳолда ўқиш ишдан бўшаш дегани эмас. “Ишлаб чиқаришдан ажралган ҳолда ўқиш” тушунчасининг моҳияти шундаки, ходим ўқиш давомида вазият тақозосидан келиб чиққан ҳолда бевосита ўзига юклатилган вазифаларни бажармайди.

5-савол. Ишлаб чиқаришдан ажралган ҳолда ўқиётган ходимларга қандай имтиёзлар бор.
Меҳнат кодексида докторантлар учун алоҳида имтиёз назарда тутилмаган. Кодексининг 67-моддасига асосан, ишлаб чиқаришдан ажралган ҳолда малакасини ошираётган ходимларга қонун ҳужжатларида назарда тутилган тартибда ва миқдорларда стипендия тўланди. Бироқ бу докторантларга тегишли эмас.

6-савол. Докторантлар (таянч докторантлар)га пул тўланадими?
Таянч докторантларга кичик илмий ходим, докторантларга етакчи илмий ходим лавозим маошининг базавий миқдорига тенглаштирилган миқдорда стипендия тўланади.

7-савол. Докторантура (таянч докторантура)га кирган ходим билан тузилган меҳнат шартномаси бекор қилинмайдими?
Иккита ҳолатда мумкин. Биринчи, МКнинг 99-моддасига асосан ходим ўқув юртига қабул қилинганлиги муносабати билан унинг ёзма аризасига кўра меҳнат шартномаси бекор қилинади. Иккинчи, МКнинг 89-моддасига кўра ходим билан меҳнат шартномаси у янги меҳнат шартлари асосида ишлашни давом эттиришни рад этганлиги сабабли бекор қилинади.

8-савол. Янги меҳнат шартлари деганда нима назарда тутилади?
МКнинг 119-моддасига асосан, докторант иш берувчи билан келишиб тўлиқсиз иш куни ёки тўлиқсиз иш ҳафтаси белгилашга ҳақли. Бу меҳнатнинг янги шарти ҳисобланади. Ўрнатилган янги шарт асосида меҳнат шартномаси бекор қилинмайди. Ходим 0,5 ёки 0,25 ставка асосда ишлаши ҳам мумкин.

Хулоса: докторантурага ўқишга кирган ходимлар иш ва докторантурани бирга олиб боришга шароит мавжуд бўлса ишдан бўшамасдан, тўлиқсиз иш вақти режимида ишлашга ҳақли. Ишдан бўшаб қўйганлар ҳам иш берувчига мурожаат қилиб тўлиқсиз иш режимида (0,5 ёки 0,25 ставка) ўриндош эмас асосий штатда ишлашга ҳақли. Сабаби докторантура иш эмас, балқи ўқиш ҳисобланади.

Манба Ochish/sharhlash

2022-12-27 20:38:40 Энди вазирликлар ўзига тегишли соҳадаги қўмита, агентлик ва инспекцияларга раҳбарлик қилади.

Бу эса муайян битта соҳадаги барча давлат органларининг ЯГОНА СТРАТЕГИК ЙЎНАЛИШДА ТИЗИМЛИ ФАОЛИЯТ юритишини таъминлайди ҳамда соҳани комплекс ривожлантиришга хизмат қилади.

“ОНЛАЙН ҚАБУЛ”, “ВИРТУАЛ ТАШРИФ” каби замонавий технологияларга асосланган масофавий усулларни қўллаш - давлат хизматчиларини, айниқса, сиёсий лавозимлардаги раҳбарларнинг қийматли вақтларини муҳим қарорлар қабул қилишга кўпроқ сафарбар этишга ҳамда янада кўпроқ фуқароларнинг масалаларини ҳал қилишга имкон беради.

Бу орқали эса натижадорлика йўналтирилган ихчам ва самарали бошқарувга ўтишимиз ҳамда мамлакатимизда ҳар бир ИНСОН МАНФААТИ ва қадрини улуғлашга, пировардида эса ХАЛҚНИ РОЗИ ҚИЛИШга эришишимиз мумкин бўлади.





@Farangiz_Zaynobiddinova Ochish/sharhlash

2022-12-24 19:38:02 Президентимизнинг 2022 йилдаги фаолиятида энг муҳим ва ёрқин воқеалар Ochish/sharhlash

2022-12-24 08:37:55 Тугатилаётган 12 та давлат бошқаруви органлари рўйхати

 Президент фармонига кўра:

Алкоголь ва тамаки бозорини тартибга солиш ҳамда виночиликни ривожлантириш агентлиги – Қишлоқ хўжалиги билан боғлиқ вазифа ва функциялари Қишлоқ хўжалиги вазирлигига, саноатни ривожлантириш билан боғлиқ вазифа ва функциялари эса Инвестициялар, саноат ва савдо вазирлигига ўтказилмоқда;

Вазирлар Маҳкамаси ҳузурида Хорижий тилларни ўрганишни оммалаштириш агентлиги – вазифа ва функциялари тегишинча Мактабгача ва мактаб таълими вазирлиги ҳамда Олий таълим, фан ва инновациялар вазирлиги орасида тақсимланмоқда;

Инвестициялар ва ташқи савдо вазирлиги ҳузуридаги Халқаро ҳамкорлик ва ривожланиш агентлиги – вазифа ва функциялари Инвестициялар, саноат ва савдо вазирлигига ўтказилмоқда;

Молия вазирлиги ҳузуридаги Суғурта бозорини ривожлантириш агентлиги – вазифа ва функциялари Иқтисодиёт ва молия вазирлигига ўтказилмоқда;

Молия вазирлиги ҳузуридаги Давлат-хусусий шерикликни ривожлантириш агентлиги – вазифа ва функциялари Иқтисодиёт ва молия вазирлигига ўтказилмоқда;

Сув хўжалиги вазирлиги ҳузуридаги Сув хўжалигида капитал қурилиш лойиҳаларини амалга ошириш агентлиги – вазифа ва функциялари Сув хўжалиги вазирлигига ўтказилмоқда;

Тиббий-ижтимоий хизматларни ривожлантириш агентлиги – вазифа ва функциялари Рақобатни ривожлантириш ва истеъмолчилар ҳуқуқларини ҳимоя қилиш қўмитасига ўтказилмоқда;

Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги – вазифа ва функциялари Рақобатни ривожлантириш ва истеъмолчилар ҳуқуқларини ҳимоя қилиш қўмитасига ўтказилмоқда;

Ветеринария ва чорвачиликни ривожлантириш давлат қўмитаси ҳузуридаги “Ўзбекчорванасл” агентлиги – вазифа ва функциялари Ветеринария ва чорвачиликни ривожлантириш қўмитасига ўтказилмоқда;

Вазирлар Маҳкамаси ҳузуридаги Таълим сифатини назорат қилиш инспекцияси – вазифа ва функциялари тегишинча Мактабгача ва мактаб таълими вазирлиги ҳамда Олий таълим, фан ва инновациялар вазирлиги орасида тақсимланмоқда;

Инвестициялар ва ташқи савдо вазирлиги ҳузуридаги Инвестиция лойиҳаларини ишлаб чиқиш маркази – вазифа ва функциялари Инвестициялар, саноат ва савдо вазирлигига ўтказилмоқда;

Соғлиқни сақлаш вазирлиги ҳузуридаги Инновацион соғлиқни сақлаш миллий палатаси – вазифа ва функциялари Соғлиқни сақлаш вазирлигига ўтказилмоқда. Ochish/sharhlash

2022-12-23 23:48:57 Вазирлар Маҳкамаси тизимини қуйидаги вазирликлар ташкил этади:

Инвестициялар, саноат ва савдо вазирлиги;

Иқтисодиёт ва молия вазирлиги;

Тоғ-кон ва геология вазирлиги;

Қурилиш ва уй-жой коммунал хўжалиги вазирлиги;

Камбағалликни қисқартириш ва бандлик вазирлиги;

Олий таълим, фан ва инновациялар вазирлиги;

Мактабгача ва мактаб таълими вазирлиги;

Табиат ресурслари вазирлиги;

Ёшлар сиёсати ва спорт вазирлиги;

Қишлоқ хўжалиги вазирлиги;

Сув хўжалиги вазирлиги;

Рақамли технологиялар вазирлиги;

Адлия вазирлиги;

Транспорт вазирлиги;

Маданият ва туризм вазирлиги;

Мудофаа вазирлиги;

Энергетика вазирлиги;

Соғлиқни сақлаш вазирлиги;

Ташқи ишлар вазирлиги;

Ички ишлар вазирлиги;

Фавқулодда вазиятлар вазирлиги. Ochish/sharhlash

2022-12-23 23:48:30 Президент фармони билан 2023 йил 1 январидан:

Ҳукуматда амалдаги 8 нафар Бош вазир ўринбосари ва 3 нафар Бош вазир маслаҳатчиси лавозимларидан фақат 4 нафар Бош вазир ўринбосари қолдирилмоқда.

Бош вазир ўринбосари бир вақтнинг ўзида вазир ёки бошқа раҳбарлик лавозимини эгалламайди ҳамда вазирликлар ва бошқа давлат идоралари фаолиятини тўғридан-тўғри бошқармайди.

Вазирлар Маҳкамасининг ижро этувчи тузилмасида амалдаги 269 та штатдан 120 таси қолади. Вазирлар Маҳкамаси аппарати тугатилмоқда.

Унинг ўрнига Ҳукумат раҳбари фаолиятини ҳуқуқий, ташкилий-техник, ахборот-таҳлилий ва протокол жиҳатдан таъминлайдиган Бош вазир котибияти ташкил қилинмоқда. Ochish/sharhlash

2022-12-20 18:39:28 Мурожаатнома - ўтган давр сарҳисоби ва таҳлили ҳамда келгуси марралар учун устуворликлар ва аниқ вазифаларни белгилашда муҳим аҳамиятга эга.

Бугунги Мурожаатномада Давлат раҳбарининг илмга бўлган эътибори, “нажот таълим ва илмда, келажак эса муаллимларга боғлиқдир” деган жумлалари ёш олима сифатидаги шижоатимни янада кучайтирди.

Президентимиз 2023 йилдаги энг устувор йўналишларнинг биринчиси сифатида “Ихчам ва самарали давлат бошқарув тизимига ўтиш”ни таклиф қилди.

Бунда “қўл бошқаруви”дан аниқ натижага ишлайдиган тизимли бошқарувга ўтиш, давлат аппаратида такрор функцияларни бажарувчи кераксиз штатлар ва ташкилотлардаги юқори марказлашувни бартараф этиш тўғрисида вазифаларни таъкидлади.

Шунингдек, ҳозирда янги маъмурий ислоҳотлар тўғрисидаги фармон имзолагангани ҳамда ушбу ҳужжатга асосан вазирлик ва идоралар сони ҳозирги 61 тадан 28 тагача камайтирилиши, давлат хизматчилари сони босқичма-босқич 30-35 фоизга қисқартирилишини айтиб ўтди.

Давлат хизматчиси сифатида шуни англадимки: эндиликда, фаолиятимизда натижадорлик устувор бўлади ҳамда тизимда билимли, фидоий, халқ билан конструктив мулоқот ўрната олган ва касбий компетенцияларини замон билан ҳамнафас равишда доимий ривожлантириб борувчи энг салоҳиятли кадрларгина фаолият юритиши ва “Давлат фуқаролик хизмати тўғрисида”ги қонун билан кафолатланган “ҳуқуқий мақом” ва ижтимоий ҳимояга эга бўлиши мумкин бўлади.

@Farangiz_Zaynobiddinova Ochish/sharhlash

2022-12-20 13:42:28 Президентимиз Шавкат Мирзиёев 2023 йилни “Инсонга эътибор ва сифатли таълим йили” деб эълон қилдилар.

@yoshdavlatxizmatchilari Ochish/sharhlash

2022-12-20 13:40:15 Ochish/sharhlash