Салимов

2022-07-21 19:21:27 Такси 13 600, картада 13 400. Бироз юраман, ўзгарса керак. Ochish/sharhlash

2022-07-17 22:05:44 Мен учун очганимиздан бери қадрдон бўлган Bugun.uz’дан кетдим

1,5 йил давомида сайтни кўтариш, уни танитиш учун қанчадир миқдорда меҳнат қилдим. Бир йилтиллаган имкон бўлса ҳам, ундан фойдаланишимизни истаб ишладим.

Шунга яраша жамоа ҳам, раҳбарият ҳам ижод томонлама бир-биримиз билан жуда яхши фаолият олиб бордик. Ишлаш учун муҳит яхши бўлди.

Таассуротлар шу қадар кўпки, эртага шунчаки унутилиб кетмайди. Оилам аъзосига айланган ҳамкасбларим ҳаётим давомида хотирамда қолади.

Бироз феълим оғир, адолатсизлик бўлса ёниб кетадиган, баъзида айбим билан муросага кела олмайдиган одамман, шуларни қабул қилиб, тушуниб ишлаганларга раҳмат.

Шунча илиқликлардан узоқлашиш, ишданмас, оиладан кетиш оғриқли, лекин ҳеч кимни ҳеч қаерга боғлаб қўймаган.

Раҳмат ҳаммаси учун. Бир сўз демай хайрлашиш инсофдан бўлмаса керак деб ёзилди бу пост. Саломат бўлинглар

@elsalimov Ochish/sharhlash

2022-06-07 22:58:25 Ёзмоқчи бўлганларим цензурамдан ўтолмайди. Савия ва салмоқ йўқ деб қайтавераман. Ёзишни ўргатадиган устоз керак. Ochish/sharhlash

2022-04-25 19:19:02 Билмадим, онаси шуғулланади, мен 40 та санаб берганман

Вилоятга қайтаётгандим. Ҳайдовчи билан илм ҳақида гаплашиб қолдик. Ўғлини мақтай бошлади. Фарғонадаги президент мактабида 6-синф экан. Хурсанд бўлдим аввалига. Кейин ҳаммаси бошқача тус олди.

Ўғли 3-4 ой тайёрланган экан киришга, лекин билим+омад етмабди. Бир иложини қилайлик, деб суриштирса, давоси 40 та кўки эканини айтишибди. 30 тасини бирдан, қолганини ўғли битиргунча берса бўлди экан.

Ўзи-чи, қизиқадими ўқишга, деб сўрадим. Ҳа, боради-келади, ўқийди, онаси шуғулланади, мен пулини бердим, деди. Кетидан “бориш-келишиям ҳар куни чиқим” деб қистириб ўтди.

Айтишича, тартиб қаттиқ экан: “у мумкинмас, бу мумкинмас, сўкинсанг ҳам ҳайдаласан, баҳонг ёмон бўлса ҳам, ҳайдаласан…”

Ўзим мана шундай талаблар қўйган мактабда ўқиганим учун ғайритабиий туюлмади. Таърифининг охири хунук тугади, буни ёзмайман.

Бу воқеадан хулоса олдим: ёзда коррупция ҳақида ота-оналардан куйиб-пишиб айтганларини эшитгандим, пул бўлиб кетди, деганларни. Лекин адолат яхши: худди ўша ҳайдовчининг ўғли кирган жойга қишлоқдаги устозимнинг ҳам қизи кирган ўтган йилда, бир тийинсиз. Айтиб ўтишим керак.

Жамиятда илмга эътибор жуда кучли эмас, айниқса, қишлоқ ҳудудларида. Боланинг илмига сармоя киритиш ҳақида энди-энди ўйлай бошлаяпти одамлар. Иккинчиси, коррупцияга кўпчилик рози. Шусиз иш битмайди, деган қатъий хулосага келган.

Синглим ҳам президент мактаблари агентлигида ўқийди, билими билан кирган. Айтсам, ишонгиси келмади у кишининг.

Таълим — нажот. У — келажак. Ёшликдан тўғриликка ўргатиб, болага илм аслида нега кераклигини тушунтира олган, йўлинг пул билан очилади, деб ниҳолни зарарламаган ота-оналар кўпайсин.

@elsalimov Ochish/sharhlash