Салимов

2022-08-07 11:55:31 Facebookxon Nurulloh Sharif sahifasidan:
Twitter audiochatda hokimlar vakolati haqida muhokamalar bo'lgan, ...1:55:00 dan boshlangan suhbatda Bakiroo Konstitutsiya komissiyasi va umuman boshqa amaldorlarga qattiqqina “shapaloq” tortib yubordi.
Suhbat yozib olingan, eshitib ko‘ringlar:

https://twitter.com/i/spaces/1BdxYwEMwnoGX

Bakirooning chiqish qismini ilova qilamiz Ochish/sharhlash

2022-08-05 23:32:08 Муҳрим аканинг туғилган кун тортидан еёлмадим( нақ 3 киши «олинг» деганди. Ochish/sharhlash

2022-08-05 22:54:49 Муҳрим аканинг туғилган кун тортидан еёлмадим( нақ 3 киши «олинг» деганди. Ochish/sharhlash

2022-08-05 22:49:39 Баҳс ва баҳсчилардан тобора узоқлашиб боряпман, воқеликларни лайт версияда кўриб, чигалликлар бўлмаслиги тарафдаман.

Бу кайфият майда тортишувлардан тортиб манави вазиятгача тегишли.

Уришиб-талашиб эмас, оддийроқ, тинчроқ ва кўпроқ яшайлик. Ochish/sharhlash

2022-08-05 17:32:08 Дарё’дан бугун пул беришди. Биринчиси Ochish/sharhlash

2022-08-04 19:34:47 Шу кунларда Сенатимиз раиси кўп-кўп уришиб беряпти. Бу гал Беҳзод Мусаев (ССВ раҳбари) унинг нишони бўлди.

Ўтган ҳафта «миллий қадриятларни ўғил-қизларга сингдириб боришда янги концепция» таклифини берган Хотин-қизлар қўмитаси раҳбари Зулайҳо Маҳкамова Норбоевадан дакки эшитганди. Ochish/sharhlash

2022-08-04 12:09:19 Мен Шерзод Асадовга ҳавас қиламан. Хабарларим ўқилмай туриб ҳам шейр бўлаверса. Ochish/sharhlash

2022-08-04 10:38:41 Самарқанд аэропортида Россиядан белгиланган меъёрдан ортиқча спиртли ичимликлар олиб кирилаётгани аниқланибди.

Расмга диққат билан қарасангиз, Z ва V белгиларини кўриш мумкин) Ochish/sharhlash

2022-08-03 22:14:14 Иқтисодчи ака Отабек Бакиров Телеграм каналида «Ҳожатхонада ушланган жиноятчи» деган эсдалик-пост қолдирганди. Унда Тошкентда «мелиса қўлига тушавериб безор бўлган вилоятликлар» ҳақида сўз борган. Кўчада кечки пайт шунчаки кетаётган бўласан ва ҳуқуқ ҳимоячилари (!) сени рейд доирасида олиб кетишади.

Бу постни журналист Азиза Қурбонова ҳам ўқиб, ўз бошидан ўтган шунга ўхшаш воқеани келтирибди. Унинг турмуш ўртоғи памперс олгани кўчага чиққан ва яна ўша формали акалар паспортсиз юргани (қара, Карл, дўконга паспорт оволиш керак!) учун идорасига олиб кетмоқчи бўлган.

Яна бир ҳолатда доктор қариндоши «Шуҳрат» тарафда рўпарасидан икки қиз келаётганида мелисаларга тўқнаш келган ва капалак-мижоз сифатида улар участкага олиб кетилган.

*****

Ўтган йили ишдан тунда (1:30 эди) шерикларим билан уйга қайтаётсам, ходимлар тўхтатди. «Хавфсиз пойтахт» ойлиги кетаётганди. Аввалига ҳужжатларимизни сўради, ҳаммаси бор эди, кўрсатилди. Шунда ҳам ишида давом этиб, ҳамма еримизни титиб кўрди — фойдаси йўқ, тоза.

Лекин барибир улар билан бирга кетишимиз кераклиги айтилди. Бир томондан уйқу босаётганди, лекин нима бўлишига қизиқдим. Чиққач яна худди шу жойга ташлаб кетиш шарти билан машинага ўтирдик.

Йўлда икки ходим сўкиниб гаплашар, рейдда ҳужжат учун одам топилганини (бизни) айтиб ҳам қўярди.

15 дақиқа юргач, етиб келдик. Ҳудудга кирсам, ичиб олганлар, сўкинаётган аёллар — манзара хунук. Бизга эса худди жиноятчидек муомала қилиняпти.

Расмга ҳам олди. Жеркиб берарди гапи ўртасида. 30 дақиқача бемақсад туришдан сўнг бирдан ҳамма ходимлар сергак тортиб қолди. Билсам, ўша зонанинг каттаси келиб қолибди. Ходимлар шошиб, биз кетишимиз мумкинлигини айтган.

Барига индамай гувоҳ бўлганман — на журналист эканимни (бу айтилса, аниқ сергак тортишади) ва на бундай қилишга ҳаққи йўқлигини айтганман. Сабаби улар нима қилишига қизиққандим.

«Миранда қоидаси» амалиётини Янги Ўзбекистоннинг Янги Конституциясига киритиш таклиф қилинган. Унда айнан ушланувчи шахсга нега ушланаётгани аниқ тушунтирилиб, ҳуқуқлари айтилиши кўзда тутилади.

П.С. Ҳикоя деганда бошқа қизиқроқ нимадирни куттириб қўйган бўлсам узр) Ochish/sharhlash

2022-08-03 21:36:10 Ҳали кун тугамадими (шунча ухлаб турсам ҳам)?

Салдан кейин бир ҳикоя айтиб бераман. Кутингиз) Ochish/sharhlash