2022-07-06 08:24:12
#Savol: (Alisher)
Assalomu alaykum akalar. Men Jiz Politexnika instituti Sirtqi bo'lim EE yo'nalishi talabasiman. O'z yo'nalishimda ish topa olmayapman. Amaliyotda tajribam yo'q. Yaxshi elektrik bo'lishim uchun maslahat bersangizlar.
#Javob:
Va alaykum assalom, bu javobim nafaqat siz uchun, boshqa bitiruvchilar uchun ham.
Iyun oyida elektr ta’minoti mutaxasisligi bo’yicha institut kollejni bitirishadi. Elektriklikka ishga joylashgani, malakasi yo’q elektrik kimga kerak, ayniqsa 3-4 ta savol bilan bilimlarini tekshiradi, tamom, bo’sh joy yo’q deydi. Bo'sh ish o'rinlari xaqidagi e'lonlarni xammasida kamida 3 yil ish staji bo'lsin deydi.
Bir nechta joyda suhbatdan o’tganingizdan keyin bilasizki, 4 yillik o’qishdan keyin hech narsa bilmayman degan xulosaga kelasiz, chunki o’quv jarayoni quyidagi tizim bo’yicha o’tgan: darsga kelasiz o’qituvchi (5 skorostda) darslikdan iloji boricha ko’proq leksiyani aytadi, siz esa ulgurib yozib qolishga harakat qilasiz. Darsdan chiqib o’zingizga savol bering, bugun nimani bildim deb. Boshda hech narsa qolmaydi.
Semestr yakunida esa qancha ko’p bal yiqqaningizni hisoblaysiz. Qiziq-a qancha bilim olingani emas, zachyotkaga qo’ydirgani qancha bal yiqqaningiz muhim.
Haqiqatdan sohangiz bo’yicha foydali ma’lumot beradigan bir nechta o’qituvchi bo’lganda edi, boshda biron narsa qolar edi. Biz o’qiganda malakali ustozlar bor edi, oylik pastligidan ular ham bilim yurtini tark etishgandi. Ular kitobdagi leksiyaga yopishib olishmasdi, ayrimlari yaqin do’stdek gaplashardi.
Aytish kerakki oliy o'quv yurtida sizga faqat elektr sohasini egallashingiz uchun fundament vazifasini bajarib beradi xolos. Zavodlarimizda ko'pgina kuchli elektromontajchilarni mustaqil o'rganib professional darajaga chiqqanini uchratamiz ular zavodga ishga kirib olish uchun faqat texnikum diplomi bo'lgan xolos. Ayrim korxonalarda elektriklarni 90% ishga kirganidan keyin ko'rib yurib o'rganishadi.
Birinchi ish joyingiz kelajakda qanday darajadagi elektrik bo’lishingizda muhim o’rin tutadi. Chunki institutda sizga o’rgatishmagan narsalarni amaliyotda ishdagi ustozlarda o’rganish imkoniyati bo’ladi. Qanday qilib bo’lmasin iloji boricha katta zavodlarga ishga joylashing.
Xo'sh qanday o'rgansa bo'ladi unda?
O'sha institut diplomi bilan ishga kirgandan keyin o'rganadi, aksariyat bitiruvchilar, har holda bizda shunday. Chunki ishga kirgandan keyin, to'g'ridan to'g'ri amaliy bajarib ko'rasiz.
Har bir korxonani o'zini, ish xususiyati, nozik taraflari bo'ladi, Oliy ma'lumotli ekansiz deb, o'qishdan keyin birdan mustaqil ish bajarishga ruxsat bermaydi.
Shuning uchun ishlashga ruxsatnoma, guvohnoma olish uchun, ikki oy rosa o'qiysiz, imtihon topshirasiz, atrofingizda hammasi tajribali, yoshi katta hamkasb elektriklar, so'rab yetarlicha o'rganasiz, undan keyin mustaqil ishlashga ruxsat beradi. Ish faoliyatingizda yildan yilga tajribangiz oshib boraveradi. Shu sababli ishga kirgandan keyin tez o'rganadi.
Hamma elektrik ham avval boshdan kuchli bo'lmaydi, ishdagi vaziyat sizni o'rganishga taqozo etadi. Amaliy malakani egallash. Deyarli ko'p sonli elektriklar dastlabki malaka, ko'nikmalarini, korxonada soha bo'yicha ishlab egallashadi. Tajribali ishchilar bilan muloqot qilib, birgalikda ish bajarib ko'rib yurib, o'z tajribasini orttirib boradi.
Kitob oʻqisangiz, kitobda eng mayda elementlargacha boshdan oyoq tushuntiriladi. Kitobda avvalo sizda elektron nima, atom, zaryad, kuchlanish, tok, zanjirda tokning harakati haqida tasavvur va tushuncha hosil boʻladi. Har bir elementni hisob-kitobi bor Om qonuni Kirxgof qonunlarini, formulalarni bilmasdan oʻrganish qiyin masala. Asosan fizika kitobini elektr bo'limini oʻrganib chiqish kerak.
Elektrotexnika boʻyicha videodarslarni koʻrishni oʻzi bilan oʻrganish qiyin, chunki Youtubedagi darslarda men oʻzim ham oʻqigan oʻrgangan narsalarimni uchdan birini, asosiy joylarini koʻrsatib beraman xolos, vaqt chegaralangan ko'p gapirsa video hajmi kattalashib Mb ko'payib ketadi.
@ELCOM_ELEKTRONIKA
873 viewsShahobiddin, edited 05:24