ekologuz🇺🇿

2021-02-10 18:48:26 ​​МОРАТОРИЙ УЗАЙТИРИЛИШИГА ҚАРАМАСДАН САМАРҚАНДДА ЧИНОР КЕСИЛДИ

Самарқанд вилоятининг Самарқанд туманида жойлашган "Сулфакабутак" маҳалласининг Сулфакабутак ва Х.Ғиёсов кўчалари кесишган қисмида, яъни чойхона бурчагида 2021 йил 7 февраль куни 1 туп қимматбаҳо чинор дарахти кесилгани ҳақидаги хабар юзасидан экологик рейд ўтказилди. Чинор дарахти кесилган манзилга Ўзбекистон Экологик партияси Самарқанд вилояти партия ташкилоти ходимлари, вилоят Экология ва атроф-муҳитни муҳофаза қилиш бошқармаси ходимлари етиб келишди. Ҳақиқатдан ҳам 1 туп чинор дарахти тагидан кесилган ва тўнкаси илдизи билан ковлаб олиб ташланган. Ўрганиш давомида маълум бўлишича, ушбу чинор дарахти кўчани кенгайтириш мақсадида туман автойўл корхонаси бошлиғи С.Алиев ва бошқа масъуллар топшириғига асосан ноқонуний тарзда кесиб ташланган.

Ўзбекистон Экологик партияси ноқонуний равишда қимматбаҳо чинор дарахтини кесган шахсларга ва топшириқ берган масъулларга тегишли қонуний чора кўрилишини, шунингдек, кесилган дарахт ўрнига компенсация тариқасида 100 туп кўчат экилишини таъминланишини сўраб қолади.

Эслатиб ўтамиз, Ўзбекистон Республикаси Президентининг
3 февралдаги №ПФ-6155-сон фармонини 24-банди, б-қисмига мувофиқ республикада давлат ўрмон фондига кирмайдиган дарахт ва буталарнинг қимматбаҳо навлари кесилишига жорий этилган мораторийнинг амал қилиш муддати 2021 йил 31 декабргача узайтирилган. Шунингдек, ноқонуний кесилган дарахт ва буталар учун уч йил давомида парваришлаш шарти билан 100 туп кўчат экиш мажбурий этиб белгиланди.

Н.Обломуродов
Ўзбекистон Экологик партияси
Марказий Кенгаши Ижроия қўмитаси раиси

Каналимизга уланинг .
Присоединяйтесь к нашему каналу
https://t.me/ekologuz Ochish/sharhlash

2021-02-10 17:30:14 Дарахт шохига илиниб қолган Чўл бургутини давлат инспектори қутқариб олди

Бугун, Тошкент шаҳар Юнусобод тумани 18 мавзе, 31 кўп қаватли уй олдидаги дарахт шохига Чўл бургути учиш вақтида мувозанатини йўқотиши сабабли, осилиб қолганлиги аниқланган.

Давлат инспекторлари зудлик билан қушни қутқариш чораларини кўриш учун, махсус техникаларни жалб этишган. Ўрнатилган махсус техника ёрдамида дарахт шохига илиниб қолган қушни қутқариб, Тошкент ҳайвонот боғи маъмуриятига қонуний тарзда ҳужжатлаштирган ҳолда топширишган. Айни дамда Чўл бургутининг ҳолати яхши бўлиб, назоратга олинган.

Ҳурматли юртдошлар қушлар она табиатимизнинг неъматидир. Улар бизнинг ҳимоямизда, уларга эътиборли бўлиб, асраб авайланг.

Каналимизга уланинг .
Присоединяйтесь к нашему каналу
https://t.me/ekologuz Ochish/sharhlash