​​Ажойиб янгилик. Ўрмон хўжалиги давлат қўмитаси ўзининг генде | ekologuz🇺🇿

​​Ажойиб янгилик. Ўрмон хўжалиги давлат қўмитаси ўзининг гендер стратегиясини ишлаб чиқиб, ҳар бир хўжаликда гендер етакчисини тайинламоқда. Гендер етакчиларининг маошига 30% қўшимча ҳақ тўланар экан. Шунингдек, “ўрмон бекаси” лавозимини жорий этиш учун ҳам ҳаракат бошланган. Бундан ташқари Қўмита тассаруфидаги 76 та мавжуд хўжаликлардан бири, яъни Деҳқонобод ўрмон хўжалигининг раҳбари аёл, Раъно Бозорова.

Айнан Р.Бозорованинг саъй -ҳаракати билан 9 йил илгари парокандаликка учраган хўжалик қайта тикланган, браконьерлик деярли йўқ қилинган. Сувсиз ҳолатда бу ерда кўчатчилик етиштириш, ўрмонларни асраш борасида намунали ишлар қилинмоқда. Бундан хулоса хўжаликларга кўпроқ аёлларни раҳбар қилиб қўйиш лозим. Зора, ўрмонларимизнинг кесилиши камайса. Экология ва атроф-муҳитни муҳофаза қилиш давлат қўмитаси ҳам Ўрмон хўжалиги давлат қўмитасидан ибрат олиб, ўзида ва тасарруфидаги бошқармаларда гендер тенглиги сиёсатини амалга оширса, бошқармаларнинг бир-иккитасига аёлларни раҳбар қилиб қўйса зора табиатимиз янада яхшироқ муҳофаза қилинармиди?

Қўшни Қозоғистонда аллақачон бу тажриба қўлланилмоқда. “Барса келмес”табиий давлат қўриқхонасининг раҳбари Зауреш Алимбетова қисқа муддатда қўриқхонадаги браконьерлик ҳолатини бартараф этиб, экоинспекторларнинг моддий-техника ҳолатини яхшилашга, табиатни муҳофаза чораларини кучайтиришга, ҳайвонларни кўпайтиришга эришган. Бугунги кунда Гендер тенглиги сиёсати Ўзбекистон Республикасининг асосий йўналишлардан бирига айландиАтроф-муҳит муҳофазаси соҳасида ҳам мазкур сиёсатнинг тамойилларига риоя қилинади, деган умиддамиз.

Каналимизга уланинг @ekologuz Каналимизга савол ва экомуаммолар учун мурожаат @eklguz_bot