EconomStat

2022-08-29 18:17:46 Дунё мамлакатларидаги ҳозирги кундаги инфляция даражаси.

Дунёдаги нархларнинг ўсиши фонида инфляция даражаси ҳам ортиб бормоқда. Бугунги кунда инфляция даражасининг энг катта кўрсаткичи Зимбабведа 257%ни ташкил этаётган бўлса, Японияда энг паст – 2,4%ни ташкил этмоқда.

Ўзбекистонда эса 2022 йилнинг июль ойи якунига кўра 12,3%ни ташкил этмоқда.

Айрим иқтисодчиларнинг фикрича, юқори даражадаги инфляция иқтисодий ўсишни пасайтиради. Демак, 2022 йил якунида дунё иқтисодиётининг ўсишининг камайишини кузатишимиз мумкин. Ochish/sharhlash

2022-08-25 14:30:19 Энг катта бозор капиталига эга компанияларнинг топ 10 талиги (1979-2021 йилларда).

Топ-10 таликнинг ўзгариши тарихини кузатар эканмиз, катта ёшдагилар ўша даврларда ушбу тарихни ўз ҳаётларида ҳис қилганларини айтишлари мумкин. Яъни, АҚШ компаниялари тарихда ҳар доим ҳам “мутлақ лидер” бўлмаганлар, 80-йилларда Япония компаниялари маълум вақт давомида етакчилик қилган ва АҚШнинг Японияга нисбатан “савдо уруши” яна уларнинг етакчилигини таъминлаган. Бугунги кундаги Хитойга қаратилган “босим”нинг ҳам сабабини шу тарихий тажриба орқали билиб олишимиз мумкин.

Эътиборли жиҳат, Россиянинг “Газпром”и ҳам маълум вақт топ 10 таликда “гуллаб яшнаган”, (Ўзбекистондан мигрантлар оқими кучайган давр ҳам ўша даврга тўғри келади), лекин яна ўша геосиёсий ўйинлар “Газпром”ни пастга тушиб кетишига сабаб бўлган.

Яна бир эътиборли жиҳат, топ 10 таликдаги АҚШнинг яккаҳокимлиги бўлмаган пайти 2010 йилга тўғри келади, бу 2008 йилдаги инқирозга боғлиқ бўлса керак. Ушбу даврда топ 10 таликдаги давлатлар “ранг баранг” бўлиб, жаҳон бозоридаги “сиёсат аралашмаган, энг соф рақобат бўлган давр” деб ҳисоблаш мумкин. Ochish/sharhlash

2022-08-23 18:52:58 Ўзбекистон ўрик етиштириш бўйича дунёда 2 – ўринни эгаллайди.

Дунёда энг йирик ўрик етиштирувчи давлатлар Туркия ва Ўзбекистон ҳисобланади. Улар дунё бўйича етиштирилган ўрикнинг мос равишда 22,4% ва 14,2%ини етиштирадилар.

Манба: FAO

Download: Microsoft Excel Ochish/sharhlash

2022-08-23 18:13:56 Ўзбекистон дунёда етиштирилаётган олманинг 1,3 фоизини етиштиради.

БМТнинг Озиқ-овқат ва қишлоқ хўжалиги ташкилоти (ФАО)нинг 2020 йил якуни бўйича маълумотларига мувофиқ, дунё бўйича етиштирилаётган олманинг қарийб ярмини Хитой етиштиради.

Ўзбекистон эса дунёда олма етиштириш бўйича 11-ўринда бўлиб, 2020 йилда 1,1 млн.тоннa олма етиштирган.

Манба: FAO

Download: Microsoft Excel Ochish/sharhlash

2022-08-23 10:15:56 Фойдали қазилмаларни ишлаб чиқариш бўйича Ўзбекистоннинг дунёдаги улуши

2020 йил якунига кўра, Ўзбекистон дунёда ишлаб чиқарилаётган ураннинг 7,33 фоизини, олтиннинг 3,26 фоизини, табиий газнинг 1,25 фоизини ишлаб чиқармоқда.

Шунингдек,
Уран (Uranium) ишлаб чиқариш бўйича дунёда 5-ўринда;

Рений (Rhenium) бўйича 6-ўринда;

Теллур (Tellurium) бўйича 7-ўринда;

Висмут (Bismuth) ва Олтин (Gold) бўйича бўйича 9-ўринда;

Палладий (Palladium) бўйича 10-ўринда;

Молибден (Molybdenum) ва Кадмий (Cadmium) бўйича 11-ўринда;

Кумуш (Silver) бўйича 16-ўринда ва

Табиий газ бўйича 17-ўринда туради.

Манба

Download: Microsoft Excel Ochish/sharhlash

2022-08-12 07:13:00 90-йилларда Ўзбекистон Хитой билан деярли бир хил даражада бўлган.

90-йилларда Ўзбекистонда аҳоли жон бошига тўғри келадиган ЯИМ ҳажми кўрсаткичи Хитойдаги кўрсаткич билан деярли бир хил даражада бўлган.

2021 йилга келиб мазкур кўрсаткич бўйича ўртадаги фарқ 6,3 бараварни ташкил этмоқда.

1995 йилдан 2021 йилгача муддатда Хитойдаги аҳоли жон бошига ЯИМ ҳажмининг номинал ўсиши 20,6 бараварни, Ўзбекистонда - 3,4 бараварни ташкил этган.

Манба: Жахон банки

Download: Microsoft Excel Ochish/sharhlash