АВТОМАШИНА ҲАЙДОВЧИСИ НЕГА ЖАРИМАГА ТОРТИЛДИ.
Фарғона вилоят Экология ва атроф муҳитни муҳофаза қилиш бошқармаси Риштон туман бўлимига фуқаро томонидан Риштон тумани "Воҳим" МФЙ ҳудудига давлат рақами 40 У 695 НА бўлган автомашина орқали белгиланмаган жойга чиқинди ташланаётганлиги акс эттирилган фотосуратни илова қилган мурожаатига асосан, туман бўлими инспекторлари ИИБ ходимлари билан тезкор суриштируви натижасида ушбу хуқуқбузарликни содир этган шахс Риштон тумани "Бўстон" МФЙ да яшовчи фуқаро Х.Д эканлиги маълум бўлди.
Мазкур ҳолатга кўра хуқуқбузарга нисбатан Ўзбекистон Республикаси МЖтКнинг 91- моддаси прим 1-қисмига асосан 300 000 сўм миқдорида маъмурий жарима қўлланилди.
Фарғона вилоят Экология бошқармаси матбуот хизмати
