Fizika va kimyo fanlaridan milliy sertifikat imtihonlari o‘tka | Davlat test markazi

Fizika va kimyo fanlaridan milliy sertifikat imtihonlari o‘tkazildi

2022-yil 18-dekabr kuni fizika va kimyo fanlaridan milliy sertifikat uchun test sinovlari bo‘lib o‘tdi.

Test sinovlari respublikaning barcha hududlarida tashkil etilib, o‘zbek, rus va qoraqalpoq tillarida o‘tkazildi.

Unda 3 423 nafar talabgor ishtirok etdi va 10 nafar talabgor tartib-qoidani buzgani uchun test sinovidan chetlatildi.

Test sinovi natijalari yigirma ish kuni ichida e’lon qilinadi va eng yuqori ballning kamida 60 foizini to‘plagan talabgorlarga elektron sertifikat taqdim etiladi.

Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:

60-85 foiz — maksimal ballga nisbatan tabaqalashtirilgan (proporsional) ball;

86 foiz va undan yuqori — maksimal ball.

Shuningdek, milliy sertifikatga ega abituriyentga tegishli majburiy fan bo‘yicha eng yuqori ball beriladi.

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi