Davlat test markazi

2023-07-06 18:32:51 Kirish imtihonlarini iyul oyida boshlash rejalashtirilmayapti

Bu degani imtihon avgust oyida boshlanishi ehtimoli yuqoriligini anglatadi.

Iyul oxirida deyarli barcha abituriyentning ruxsatnomasi shakllantiriladi. Bilim va malakalarni baholash agentligi qancha abituriyent ruxsatnoma yuklab olgan-olmaganini tekshirib boradi. Ruxsatnomani olmagan abituriyentlarga qo‘shimcha sms-xabarlari yuborilishi mumkin.

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi Ochish/sharhlash

2023-07-06 16:54:15 Tibbiyot yo‘nalishlaridan "super-kontrakt" olib tashlanishi mumkin

Sog‘liqni saqlash vaziri Amrillo Inoyatov tibbiyot yo‘nalishlarida "super-kontrakt" bilan o‘qitishni bekor qilish bo‘yicha taklif ishlab chiqilib, hukumatga kiritilganini ma’lum qildi.

Vazirga ko‘ra, tibbiy ta’lim to‘la transformatsiya bo‘ladi. Bunda:

" Talaba endi ikki bosqichda imtihon topshiradi. Uchinchi kurs tugaganidan keyin fundamental fanlar bo‘yicha birinchi imtihonni topshiradi. Ushbu imtihonni o‘sha oliy ta’lim muassasasi o‘qituvchilari emas, umuman boshqa tashkilot [vakillari] oladi. Fundamental fanlar imtihonidan o‘tgan talaba 4−5−6-kurslarda klinik fanlar bo‘yicha o‘qitiladi va keyin ikkinchi marta imtihon topshiradi. Talabaning ham fundamental, ham klinik fanlarni to‘liq xalqaro darajada egallaganidan keyin ishlashiga ruxsat beriladi".

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi Ochish/sharhlash

2023-07-06 13:03:47 #zoʻr_yangilik

Rasman: Endi pedagog kadrlarni tayyorlash toʻliq davlat grantiga oʻtkaziladi

Sirdaryolik saylovchilar bilan uchrashuvda prezidentlikka nomzod Shavkat Mirziyoyev bakalavr pedagog kadrlar tayyorlash toʻliq davlat grantiga oʻtkazilishini aytdi.

Shuningdek, bu yoʻnalishdagi magistratura kvotalari ham 2 karra oshiriladi. Oliy taʼlimga kirishda yoshlarning maktabda oʻqigan baholari ham inobatga olinib, kelgusi yildan abituriyentlar 3 ta asosiy va 2 ta qoʻshimcha fanni tanlab, test sinovlaridan oʻtadi va uning natijalariga qarab oliygoh, taʼlim yoʻnalishi va taʼlim shaklini tanlash imkoniyatiga ega boʻladi degan nomzod.

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi Ochish/sharhlash

2023-07-06 12:33:43 #ana_xolos

Rasman: Endi mutaxassislik fani 2 tadan 3 taga koʻpaytiriladi

“Kelgusi yildan abituriyentlar 3 ta asosiy va 2 ta qoʻshimcha fanni tanlab, test sinovlaridan oʻtadi va uning natijalariga qarab oliygoh, taʼlim yoʻnalishi va taʼlim shaklini tanlash imkoniyatiga ega boʻladi” — prezidentlikka nomzod Shavkat Mirziyoyev.

Maʼlumot uchun: hozirda test sinovlarida 2 ta asosiy (mutaxassislik) va 3 ta qoʻshimcha (majburiy) fandan savollar beriladi.

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi Ochish/sharhlash

2023-07-06 10:52:50 Nima uchun grantda oʻqiganlar diplom olishdan oldin 3 yil ishlashi kerak?

“Davlatning puliga oʻqigani uchun davlat uchun ishlab berish kerak”, dedi Oliy taʼlim vazirligi masʼul xodimi.

Bitiruvchilarning diplomini 3 yil OTMda ushlab turishdan bizga foyda yoʻq. Bunga bitiruvchiga ham, davlatga ham zarar keltirmaydigan biror yechim topiladi.

Xorijda oʻqimoqchi boʻlgan yoshlarga diplomi muammosiz berilyapti.

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi Ochish/sharhlash

2023-07-06 09:12:19 #statistika

Qancha abituriyent roʻyxatdan oʻtdi?

6-iyul soat 09:00 holatiga koʻra, 209 ming 387 nafar abituriyent onlayn roʻyxatdan oʻtdi.

Shundan, 107 ming 027 nafari avvalgi yil bitiruvchilari, 102 ming 360 nafari joriy yilgi bitiruvchilardir. Avvalgi yil bitiruvchilari testda qatnashish uchun 165.000 soʻmdan toʻlov qilishmoqda

Oxirgi 24 soat ichida 28.079 nafar abituriyent roʻyxatdan oʻtgan. Bu yil OTMlarga 1 mln 260 ming abituriyent hujjat topshirishi kutilmoqda.

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi Ochish/sharhlash

2023-07-05 11:49:01 "Oliy hamshiralik ishi"da tibbiy ma’lumoti yo'qlar ham o'qishiga ruxsat berildi

Shu paytgacha "Oliy hamshiralik ishi" yo‘nalishiga hujjat topshirish uchun o‘rta maxsus tibbiy ma’lumot bo‘lishi talab qilingan.

Qabul komissiyasi bayoni bilan, endi “Oliy hamshiralik ishi” bakalavriat ta’lim yo‘nalishiga hamshiralik, akusherlik ishi va feldsherlik bo‘yicha o‘rta maxsus, kasb-hunar tibbiy ma’lumotga ega bo‘lmagan abituriyentlar ham ro‘yxatdan o‘tishi mumkin.

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi Ochish/sharhlash

2023-07-05 11:38:51 Rasman: Qaysi sohalarda maqsadli qabul ajratilmoqda?

2023/2024-oʻquv yilida davlat oliy taʼlim muassasalari bakalavriatining kunduzgi taʼlim shakli davlat granti asosidagi qabul kvotalari doirasida quyidagi sohalarda oliy maʼlumotli kadrlarga ehtiyoj yuqori boʻlgan hududlar uchun maqsadli qabul belgilangan:

Sogʻliqni saqlash
Pedagogika
Veterinariya
Ijtimoiy ish

Maqsadli qabul nima degani oʻzi?

Maqsadli qabul  – bu maʼlum bir taʼlim yoʻnalishida muayyan hududlar (masalan, Qashqadaryo viloyati, Qarshi shahri, Shahrisabz tumani) uchun alohida ajratilgan davlat granti asosidagi qabul.

Misol uchun, Andijon viloyatiga ajratilgan joy uchun namanganlik abituriyent yoki bir tumanga ajratilgan joy uchun boshqa tumandagi abituriyentlar maqsadli qabulda qatnasha olmaydi.

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi Ochish/sharhlash

2023-07-05 07:53:30 ​​ Rasman: Sirtqi taʼlim shaklidagi 5 yillik pedagogik staj 14 ta yoʻnalishga emas, faqat 5 ta yoʻnalish uchun talab etiladigan boʻldi

Maʼlumki, Prezidentning 2022 yil 22 iyundagi PQ-289-son qaroriga muvofiq pedagogika sohasidagi taʼlim yoʻnalishlariga sirtqi taʼlim shakli boʻyicha oʻqishga taʼlim tizimida pedagogik faoliyatga oid kamida besh yillik ish stajiga ega boʻlgan shaxslar qabul qilinadi.

Davlat komissiyasining tegishli bayoni bilan sirtqi taʼlim shakliga pedagogik faoliyatga oid kamida 5 yil ish stajiga ega boʻlgan abituriyentlar qabul qilinadigan bakalavriat taʼlim yoʻnalishlari roʻyxati tasdiqlandi.

Bular:

boshlangʻich taʼlim;
tasviriy sanʼat va muhandislik grafikasi;
musiqa taʼlimi;
jismoniy madaniyat;
texnologik taʼlim.

Bunda ushbu taʼlim yoʻnalishlarining sirtqi taʼlim shakliga xalq taʼlimi tizimida kamida 5 yil ish stajiga ega boʻlib, hozirda ushbu tizimda faoliyat koʻrsatib kelayotgan pedagog xodimlar abituriyent sifatida roʻyxatdan oʻtishi belgilandi.

Boshqa taʼlim yoʻnalishlari uchun esa pedagogik faoliyatga oid kamida 5 yil ish staj talab etilmaydi va ularga istalgan abituriyent onlayn roʻyxatdan oʻtishi mumkin.

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi Ochish/sharhlash

2023-07-04 10:43:22 So‘nggi 6 yillik baholar OTMlarga joriy yilgi qabulda inobatga olinmaydi

2023-yil 3-iyul kuni Prezidentning “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF–107-son farmoni qabul qilindi.

Mazkur farmon bilan Prezidentning 2020-yil 6-noyabrdagi “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora tadbirlari to‘g‘risida”gi PF-6108-son farmoniga o‘zgartirish kiritildi.

Unga ko‘ra majburiy 11 yillik ta’limning so‘nggi 6 yillik baholari o‘rtacha ko‘rsatkichini oliy ta’lim tashkilotiga kirish imtihonlarida inobatga olish 2 yilga kechiktirildi.

Demak, joriy yilda majburiy 11 yillik ta’limning so‘nggi 6 yillik baholari oliy ta’lim tashkilotlariga kirish imtihonlarida inobatga olinmaydi.

Batafsil ma'lumot
https://t.me/+_63cw3JC-dkwNDdi
https://t.me/+_63cw3JC-dkwNDdi Ochish/sharhlash