2022-yil 26-27-noyabr kunlari chet tilini bilish darajasini aniqlash test sinovlarining yozma(tinglab tushunish, o‘qish, yozma ish) qismi bo‘lib o‘tgan edi.
Test sinovlarining yozma qismida ishtirok etgan talabgorlar uchun 29-30-noyabr va 1-7-dekabr kunlari gapirish ko‘nikmasini baholash imtihonlari tashkil etildi.
Imtihonlar barcha hududlarda Davlat test markazi tomonidan maxsus ishlab chiqilgan dastur orqali elektron tarzda o‘tkazildi.
Unda test sinovlarining yozma qismida qatnashgan 8 ming nafardan ziyod talabgor ishtirok etdi.
Test natijalari 15-dekabr kuni my.gov.uz saytida e’lon qilinadi va talabgorlar “Mening arizalarim” bo‘limi orqali o‘z natijalarini bilishlari mumkin bo‘ladi.
Davlat test markazining rasmiy sahifalari: Telegram | Facebook | Instagram | YouTube
