Milliy sertifikat

2023-02-03 15:52:33 TOEFL ITP va TOEIC imtihonlari uchun talabgorlarni ro‘yxatga olish boshlandi

Davlat test markazi huzuridagi Ilmiy-o‘quv amaliy markazi tomonidan TOEFL ITP va TOEIC imtihonlari uchun talabgorlarni onlayn ro‘yxatga olish boshlandi.

Talabgorlarni ro‘yxatga olish https://my.dtm.uz/ilmiy/service havola (“Ilmiy markaz” bo‘limi) orqali amalga oshirilmoqda va 13-fevralga (to‘lovni amalga oshirish 14-fevral soat 10:00) ga qadar davom etadi.

Imtihonlar esa 15-fevral kuni soat 14:00 Toshkent shahrida Davlat test markazi binosi (Bog'ishamolko'chasi 12-uy) da kompyuterda elektron tarzda o‘tkaziladi.

TOEFL ITP va TOEIC imtihonlaridan muvaffaqiyatli o‘tgan talabgorlarga ETS tashkilotining xalqaro sertifikatlari taqdim etiladi.

TOEFL ITP va TOEIC sertifikatlari xalqaro tan olingan sertifikatlar bo‘lib, mazkur sertifikatlarga ega bo‘lgan talabgorlar Prezidentning PQ-5117-son qarorida belgilangan imtiyozlardan foydalanishlari mumkin bo‘ladi.

Imtihonlar bo‘yicha to‘liq ma’lumot va qo‘llanmalar:

TOEFL ITP — ma’lumot | qo‘llanma;
TOEIC Listening and Reading Test — ma’lumot | qo‘llanma;
TOEIC Speaking and Writing Tests — ma’lumot | qo‘llanma.

Murojaat uchun:
- (95) 515-68-68


Ilmiy markazning telegram kanali:
@dtmilmiymarkaz Ochish/sharhlash

2023-02-03 15:52:30 Chet tilidan yozish va gapirish ko‘nikmalarini baholash bo‘yicha malaka oshirish kursi

“Chet tilidan yozish va gapirish ko‘nikmalarini baholash” bo‘yicha malaka oshirish kursi uchun talabgorlarni ro‘yxatga olish boshlandi.

Malaka oshirish kursi 24 soatga mo‘ljallangan bo‘lib, 13-20-fevral kunlari Zoom platformasi orqali onlayn tarzda bo‘lib o‘tadi.

Unda tinglovchilarga chet tilidan yozish va gapirish ko‘nikmalarini baholash bo‘yicha nazariy va amaliy mashg‘ulotlar (o‘zbek tilida) o‘tkaziladi.

Malaka oshirish kursida ishtirok etish istagini bildirgan talabgorlar 10-fevral kuniga qadar my.dtm.uz sayti orqali onlayn ro‘yxatdan o‘tib, (to‘lovni amalga oshirish 10-fevral soat 10:00) kursda ishtirok etishlari mumkin.

Murojaat uchun telefon: (95) 507-70-72.

Ilmiy markazning telegram kanali:
@dtmilmiymarkaz Ochish/sharhlash

2023-02-03 15:52:23 Ingliz tilini bilish darajasini aniqlash bo‘yicha ko'p darajali (multilevel) repetitsion (mock exam) test sinovi.

2023-yil 14-fevral kuni Ilmiy-o‘quv amaliy markazi tomonidan ingliz tilini bilish darajasini aniqlash bo‘yicha repetitsion (mock exam) test sinovi o‘tkaziladi.

Test sinovlari barcha hududlarda tashkil etiladi va birinchi bo‘lib ro‘yxatdan o‘tgan hamda to‘lov (100 000 so‘m) ni amalga oshirgan talabgorlar test sinovida ishtirok etish imkoniyatiga ega bo‘ladi.

Test sinovida ishtirok etish istagini bildirgan talabgorlar 9-fevral(to'lovni amalga oshirish 10-fevral soat 10:00) kuniga qadar my.dtm.uz havola orqali ro‘yxatdan o‘tishlari mumkin.

Murojaat uchun telefonlar:
(95) 507-70-72
(95) 515-68-68

Ilmiy markazning telegram kanali:
@dtmilmiymarkaz Ochish/sharhlash

2023-02-02 15:27:53 Oliy ta’lim muassasalariga kirish imtihonlari qanday o‘tdi?

YUNISEFning “U-Report” loyihasi tomonidan Korrupsiyaga qarshi kurashish agentligi hamda Bilim va malakalarni baholash agentligi bilan hamkorlikda so‘rovnoma o‘tkazildi.

So‘rovnoma yoshlarning oliy ta’lim muassasalarining bakalavriat ta’lim yo‘nalishlariga kirish imtihonlari jarayoniga munosabatini o‘rganish maqsadida tashkil etildi.

So‘rovnomada eng ko‘p Qashqadaryo viloyatida yashovchi fuqarolar ishtirok etdi. Ishtirokchilarning 44 foizi 15-19 yosh, 25 foizi 20-24 yosh, 17 foizi 25-30 yosh oralig‘idagi yigit-qizlardir.

So‘rovnoma ishtirokchilarining 68 foizi joriy yilgi OTMlarga kirish imtihonlari shaffof o‘tganini e’tirof etdi.

Batafsil: https://uzbekistan.ureport.in/opinion/3171/

Telegram | Facebook | Instagram | YouTube Ochish/sharhlash

2023-02-02 12:51:52 Nostrifikatsiya va apostil xizmatlarini ko‘rsatish bo‘yicha ma’lumot

Ma’lumki, Prezidentning 2022-yil 21-dekabrdagi PF-269-son farmoni bilan Ta’lim sifatini nazorat qilish davlat inspeksiyasi tugatilib, uning vazifa va funksiyalari Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi orasida taqsimlanishi belgilangan.

Shu sababli Oliy ta’lim, fan va innovatsiyalar vazirligi tomonidan vazirlik huzuridagi Bilim va malakalarni baholash agentligiga nostrifikatsiya va apostil xizmatlarini ko‘rsatish bo‘yicha funksiyalarni qabul qilib olish choralarini ko‘rish topshirig‘i berilgan.

Hozirgi kunda Bilim va malakalarni baholash agentligi tomonidan nostrifikatsiya va apostil xizmatlarini ko‘rsatish uchun axborot bazasini qabul qilib olish, u asosida axborot tizimi ishlab chiqish va uni tegishli axborot tizimlari bilan integratsiya qilish bo‘yicha ishlar amalga oshirilmoqda.

Mazkur jarayonlar ma’lum vaqt talab etishini inobatga olgan holda ushbu xizmatlarni mart oyida ishga tushirish choralari ko‘rilayotganini ma’lum qilamiz.

Telegram | Facebook | Instagram | YouTube Ochish/sharhlash

2023-01-31 10:54:57 Prezident qarori bilan Oliy taʼlim, fan va innovatsiyalar vazirligida tayinlovlar amalga oshirildi.

Komiljon Karimov Oliy taʼlim, fan va innovatsiyalar vazirining birinchi oʻrinbosari lavozimiga;

Shahloxon Turdiqulova Oliy taʼlim, fan va innovatsiyalar vazirining oʻrinbosari lavozimiga;

Sarvarxon Buzrukxonov Oliy taʼlim, fan va innovatsiyalar vazirining oʻrinbosari lavozimiga;

Olimjon Toʻychiyev Oliy taʼlim, fan va innovatsiyalar vazirligi huzuridagi Innovatsion rivojlanish agentligi direktori lavozimiga;

Majid Karimov Oliy taʼlim, fan va innovatsiyalar vazirligi huzuridagi Bilim va malakalarni baholash agentligi direktori lavozimiga tayinlandi.

Sadoqat Siddiqova boshqa ishga oʻtishi munosabati bilan oliy va oʻrta maxsus taʼlim vazirining oʻrinbosari lavozimidan ozod etildi.

Telegram | Instagram | Facebook | YouTube Ochish/sharhlash

2023-01-30 12:51:52 Matematika va biologiya fanlaridan milliy sertifikat uchun talabgorlarni ro‘yxatga olish boshlandi

2023-yil 30-yanvar kuni matematika va biologiya fanlarini bilish darajasini baholash test sinovlari uchun talabgorlarni ro‘yxatga olish boshlandi.

Ro‘yxatga olish my.dtm.uz saytining “Milliy sertifikat” bo‘limi orqali amalga oshirilmoqda va 8-fevral (to‘lov qilish 9-fevral) ga qadar davom etadi.

Test sinovi esa 2023-yil 19-fevral (yakshanba) kuni bo‘lib o‘tadi va o‘zbek, rus, qoraqalpoq tillarida o‘tkaziladi.

Bunda talabgorlar ro‘yxatdan o‘tish vaqtida test topshirish tili sifatida o‘zbek, rus va qoraqalpoq tillaridan birini tanlaydi.

Shuningdek, talabgorlar o‘zlariga qulay bo‘lgan hududni tanlab, mazkur hududda test sinovida ishtirok etishlari mumkin.

Test sinovi barcha hududlarda tashkil etiladi va talabgorlar test sinovi o‘tkaziladigan joylar sig‘imidan kelib chiqqan holda ro‘yxatga olinadi.

Bunda biror hudud to‘lgan taqdirda test topshirish hududini o‘zgartirib, boshqa hududda test sinovida ishtirok etish mumkin bo‘ladi.

Telegram | Facebook | Instagram | YouTube Ochish/sharhlash

2023-01-29 15:19:31 Ochish/sharhlash

2023-01-27 14:33:17 Muddatli harbiy xizmatchilarning bilim darajasini aniqlash uchun test sinovlari o‘tkazilmoqda

2023-yil 26-yanvar kuni barcha hududlarda muddatli harbiy xizmatni o‘tayotgan harbiy xizmatchilar uchun test sinovlari boshlandi.

Test sinovida talabgorlarga 40 ta jangovar tayyorgarlik, 20 ta ma’naviy-ma’rifiy tayyorgarlik, 10 ta matematika, 10 ta fizika fani bo‘yicha va 20 ta mantiqiy test topshiriqlari berilmoqda.

Bunda har bir to‘g‘ri javob uchun:

jangovar tayyorgarlik bo‘yicha — 1,2 ball;
ma’naviy-ma’rifiy tayyorgarlik bo‘yicha — 1,1 ball;
matematika bo‘yicha — 1 ball;
fizika bo‘yicha — 1 ball;
mantiqiy savollar bo‘yicha — 1 ball beriladi.

Test sinovlar 11-fevralga qadar davom etadi va 24 mingdan ziyod harbiy xizmatchining bilimi sinovdan o‘tkaziladi.

Youtube orqali ko‘rish (HD formatda)

Telegram | Facebook | Instagram | YouTube Ochish/sharhlash

2023-01-27 08:58:18 Ona tili va adabiyot fanidan milliy sertifikat imtihonida ishtirok etadigan talabgorlar diqqatiga!

Ma’lumki, 2023-yil 29-yanvar (yakshanba) kuni barcha hududlarda ona (o‘zbek, rus, qoraqalpoq) tili va adabiyot fanidan milliy sertifikat imtihonlari o‘tkaziladi.

Shu sababli 23-yanvar kuni my.dtm.uz sayti (“Milliy sertifikat” bo‘limi) orqali test sinovida ishtirok etish uchun ruxsatnomalarni berish boshlandi.

Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

Talabgorlar test sinovi o‘tkaziladigan binolarga 08:30 dan boshlab shaxsini tasdiqlovchi hujjat (pasport) asosida kiritiladi va test sinovlari 10:00 da boshlanadi.

Test sinovida talabgorlarga 45 ta topshiriq va ularni ishlash uchun javoblar varaqasini to‘ldirish bilan birga 3 soat vaqt beriladi.

Test sinovi natijasi bo‘yicha eng yuqori ballning kamida 60 foizini to‘plagan shaxslarga 3 yil muddatga amal qiluvchi sertifikat taqdim etiladi.

Telegram | Facebook | Instagram | YouTube Ochish/sharhlash