ДРАБЛЛАР | қисқа ҳикоялар

2022-08-02 15:32:46 ДЎСТ

– Мен сени дўстинг бўлмоқчиман!
– Бор-е..
– Илтимос, мени ўзингга дўст қил.
– Йўқ, кет..
– Дўстинг бўлай...
У унинг ортидан тинмай юраверди. Ташқаридан қараганлар унинг бу инсонда нима иши бор экан, деб ҳайрон бўлишлари табиий эди.
– Кел, дўст бўламиз!
– Йўқ, дедим-ку!
– Дўст бўлсак, яхши эди-да..
У тинмай ушбу таклифини қайтараверди, у таслим бўладиганга ўхшамасди.
– Мен дўстинг бўлишни хоҳлайман...
– Йўқ, бўлмайди!
– Дўст бўлақолайлик!
– Бўлмайди...
– Дўстинг бўлай!
– Йўқ, дедим-ку!!! - у бироз овозини баланд қилди, - кет, дедим, бор!
У хафа бўлди.
– Мен шунчаки, дўстинг бўлишни хоҳлагандим..
У хафа бўлганини сезиб қолди.
– Хафа бўлма, мен сен билан дўст бўлолмайман...
– Нега, нега мен билан дўст бўлолмайсан?
– Мен сен билан дўст бўлганимдан кейин, сен ҳақингда қайғуришим керак, сени ўзимни яхши кўргандек яхши кўришим керак, яхши ва ёмон кунингда сен билан бирга бўлишим керак, булар ҳали бошланиши, - деди ҳалиги бир дона ҳам дўсти йўқ одам, - мен буни уддалай олмасам керак деб қўрқаман, кечир, - деди-ю, дўстлик таклиф қилган одамдан узоқлашди...

Аҳмад Али Муҳаммад

Драбллар | қисқа ҳикоялар Ochish/sharhlash

2022-07-18 19:29:38 Қисқа ҳикоялар танлови

Ватан, Озодлик, Тинчлик мавзуларида ёзилган митти ҳикоялар 20 август кунига қадар @oyinauz_bot манзилида қабул қилинади.

Батафсил: http://oyina.uz/kiril/announcement/61

Расмий саҳифаларимиз

Web-site | Telegram | Facebook | YouTube Ochish/sharhlash

2022-07-16 16:41:48 "Ali va Nino": Batumicha hayot yoxud ishq afsonasiga o'zbekcha qarash

Qurbon Said "Ali va Nino"da ikki din vakillarining bir-biriga oshiqligi orqali o‘sha jamiyatning xarakterini, muammolarini ko‘rsatib berishga urinadi. Ishq bilan omuxta qilingan vatan tushunchasini odamning ensasi qotmaydigan bir shaklda e’zozlashga undaydi...

Batafsil o'qish:

https://telegra.ph/Ali-va-Nino-07-14

Qora qalam - adabiyot haqida! Ochish/sharhlash

2022-05-12 15:05:03 Оғриқли хотира

2-ўрин (Менимча, 1-ўринга арзирли ҳикоя)
 
Зийрак беш кундан бери овқат емас, нуқул ҳаллослаб югурар, кўзлари мўлтираб ғингширди. Доктор чақирдик, аммо итимизнинг аҳволи ўнгланмади. Айтишларича, унга заҳарли дори едиришган, шу боис жон беролмай қийналаётганди...
 
Бобом урушда жароҳатланган оёғини судраганча оқсоқланиб уйга кириб кетди. Бироздан сўнг ов милтиғини кўтариб чиқди ва кўзларини очишга-да мадори қолмаган Зийракка тўғрилади. Ит қочмади, тек қотди. Аммо бобомнинг милтиқ тутган қўллари дағ-дағ қалтирай бошлади. Ранги ўчди. Сўнг гурсиллаб супага ўтириб қолди. Бақувват қўллари билан аввалига қулоқларини ёпди, кейин бошини чангаллади.
 
– Йўқ, йўқ, дўстим, Маъруф бундай қилолмайман. Сен, албатта, яшайсан! Бўлди, гапирма. Етказиб бораман... етказаман. Фақат чида, чидасанг бўлди. Чида дўстим, чида. –  Бобом бир муддат жимиб қолди. – Дўстим, мени кечир...
 
Бобом шундай деб бирдан чуқур “уҳ” тортди ва милтиқни олди-да, итни шарт отиб ташлади...
 
Мастура Бўриева

Драбллар | қисқа ҳикоялар Ochish/sharhlash

2022-05-10 12:36:14 “Қисқа ҳикоялар” танлови ғолиблари аниқланди (рўйхат)

Портал ботига икки юздан зиёд ижодий ишлар келиб тушди. Айтиш керакки, аксарият иштирокчилар қисқа ҳикоя ўрнига иншо, қатра, шеър, баён ҳамда катта ҳажмдаги ҳикоялар йўллаган.

Батафсил: https://oyina.uz/kiril/posts/6292

Расмий саҳифаларимиз

Web-site | Telegram | Facebook | YouTube Ochish/sharhlash

2022-05-09 20:31:16 Куйиклар

Уруш. Новвойхонада ишлаб қайтган акаларининг тугуни белига боғлиқлигини кўриб, сингилларнинг кўзида парчаланган умид аста-секин томчилай бошлади. Ака айбли бошини эгди:
– Кечиринглар, бугун бирорта ҳам нон куймади...

Аржумандбегим

Драбллар | Қисқа ҳикоялар Ochish/sharhlash

2022-04-29 10:07:01 Диққат, танлов!

Яқинлашиб келаётган 9 май – Хотира ва қадрлаш куни муносабати билан Oyina.uz портали "Қисқа ҳикоялар" танловини эълон қилади.

Хотира, қадр ва тинчлик мавзусида ёзилган митти ҳикоялар 8 май кунига қадар @oyinauz_bot манзилида қабул қилинади.

Ҳакамлар ҳайъати томонидан аниқланган уч нафар ғолиб диплом ва эсдалик совғалар билан тақдирланади.

Расмий саҳифаларимиз

Web-site | Telegram | Facebook | YouTube Ochish/sharhlash

2022-02-01 12:11:44 Қардош эллар билан адабий алоқалар

Ўзбек ёш ижодкорлари
Темурмалик ЎКТАМОВ,
Аслиддин МУСТАФО,
Нодир ҚУЛМАТОВ,
Лобар ЖАББОР,
Нигора МУҲАММАД,
Аржумандбегим,
Нилуфар УЛУҒБЕКОВНА,
Сухроб АЗИМИЙ,
Нурияхоним,
Қобилбек ЗИЁ,
Эзоза ИСМАТОВА,
Эркин ШОНАЗАРОВ,
Дилобар АСЛИДДИН қизи,
Нуриддин ЗИЁ ларнинг митти ҳикоялари Қирғиз Республикасининг "Агартуу айдыңы" ("Маърифат зиёси") нашрида қирғиз тилида эълон қилинди.

Таржимон: Нодирбек Йўлдош.


http://ruhesh.kg/ky/category/show/news/2569/ozbek-zhash-kalemgerlerinin-chakan-angemeleri

Драбллар | қисқа ҳикоялар Ochish/sharhlash

2022-01-31 20:53:14 Туҳфа

Шифокор касаллик варақасига бепуштлик хулосасини қўйганини кўрганида унчалик сиқилмаган экан...
Азоблиси буни турмуш ўртоғига айтиш бўлди...
Эрини бақириши, жаҳл қилиб, уйдан қувиб солишини кутганди. Аниқроғи шунга тайёргарлик кўриб нарсаларин тугиб қўйишга ҳам улгурганди...
... У кутгандай бўлмади... Эри аввалгидан меҳрибон, ғамхўр бўлгандек туюлди наздида.
Қанча дашномларга чидашмади. Ўзику тақдирига тан берган бўлсада, эрининг ортидан отилаётган сўзлар юргагига тиғдай ботарди...
Ўғлининг туғилган кунида меҳмонларни кузатиб, ошхонада идиш юваётган мунис аёл шу хотираларни ўйлаганча, берган туҳфаси учун яратганга шукрона айтишдан тўхтамасди.

Қувончбек Каримов

Драбллар | қисқа ҳикоялар Ochish/sharhlash

2022-01-30 09:05:21 Йиртиқ пайпоқ

Ҳассага таяниб зўрға юраётган отасини боғда айлантиришга олиб келганидан ғурурланиб кетаётган башанг кийинган аёл катта миқдордаги пул ҳақида гапириб кимларгадир буйруқ берар, одамлар эса бир "Дада тезроқ юринг" дея қистаётган башанг кийинган аёлга, бир оёғидаги орқаси очиқ поябзалидан пайпоғи, пайпоғининг йиртиғидан эса товони кўриниб турган юпун кийинганидан совуқда қалтираётган чолга ҳайратланиб тикилишарди.

Саида Ибодинова

Драбллар | қисқа ҳикоялар Ochish/sharhlash