Doniyor Qori

2024-04-20 07:06:26 ​ ХОЛИС_ЭСЛАТМА

"Ойдин кечалар"нинг кундузларидаги рўзалардан бебаҳра қолманг!

Ойдин кечаларда, яъни ҳар Қамарий ойнинг 13-, 14- ва 15-кунлари нафл рӯза тутишнинг фазилати ҳақида эшитган, билган ҳамда амал қилишни истаган ӯқувчиларимизнинг баъзилари бизга шу кунлар бошланишидан сал олдинроқ эслатиб қӯйишимизни илтимос қилишган эди.
Шунга жавобан энди "Аййамул бийз", яъни оқ кунлар бошланишидан уч ё тӯрт кун олдиндан эслатма бериб борамиз.

Ушбу Шаввол ойининг уч кун нафл рӯза тутиш тавсия этилган оқ кунлар 22-23-24 апрель, яъни душанба, сешанба ва чоршанба кунларига тӯғри келади. ИншаАллоҳ, эртага якшанба кечаси саҳарликка туриб, душанба кунидан нафл рӯзани бошлаймиз.

Бу хабарни эшитганлар яқинларига ҳам юбориб, эслатиб қӯйишса, икки карра кӯпроқ савобга эга бӯладилар. Чунки Расулуллоҳ саллаллоҳу алайҳи васаллам: «Ким яхшиликка далолат қилса, унга (ҳам) амал қилувчининг савобидек ажр (мукофот) ёзилади», деб айтганлар.
(Муслим ривояти).
Валлоҳу аълам
Дониёр Файз
@doniyorqori Ochish/sharhlash

2024-04-11 18:51:45 Яна эслатиб ӯтамиз

Кимки Рамазон ойининг баъзи кунларида узрли сабаб рӯза тутмаган бўлса, қазосини тутишдан олдин Шавволнинг олти кунини тутиб, қазосини кейинроқ тутиб берса ҳам бўлади. Чунки Рамазон ойининг қазосини кечиктирса ҳам бӯлади, аммо Шаввол ойидаги 6 кун нафл рӯза бир ой ичида чиқиб кетади.
Шунингдек, Оиша розияллоҳу анҳо ҳам Рамазон қазосини Шаъбон ойида тутганликлари қазодан олдин нафл тутиш жоизлигига далолат қилади. Чунки Оиша розияллоҳу анҳо албатта Шаъбонгача нафл рўзалар тутганлар.
Демак, Рамазон қазосининг вақти кенг олинган бӯлиб, уни исталган ойларда тутиш мумкин. Аммо Шаввол ойида тутиладиган 6 кун нафл рӯзасининг фазилати фақат шу ойгагина хосдир.
Изоҳ: Бироқ, "қазо рӯзани исталган ойларда тутиш мумкин экан" деб уни бемалол чӯзиб юриш ҳам яхши эмас. Аслида, мана шу Шаввол ойи ичида, ҳам қазо рӯзаларни, ҳам Шавволнинг 6 кун рӯзасини адо қилиш мумкин. Дарҳақиқат, Рамазон рӯзаси ФАРЗ бӯлиб, унинг қазосини узрсиз равишда кечиктириб бӯлмайди.
Зеро, Ибн Аббос розияллоҳу анҳумодан ривоят қилинган ҳадисда Набий соллалоҳу алайҳи васаллам: "...Аллоҳнинг (ҳаққини) адо қилинглар, чунки Аллоҳ вафо қилинишга ҳақлироқдир», дедилар.
(Бухорий (1852) ривояти).
Валлоҳу аълам

Эслатма: Шаввол ойидаги олти кун нафл рӯза шу ой ичида оралаб тутилса ҳам жоиздир. Унинг кетма-кет (пайдар-пай) бӯлиши шарт эмас.

Дониёр Файз

@doniyorqori Ochish/sharhlash

2024-04-09 18:11:00 #ДУО

Холис Аллоҳ йўлида бошқа яқинларингизга ҳам улашинг

@doniyorqori Ochish/sharhlash

2024-04-09 18:07:00 ​#Ийди_Рамазон_муборак_бӯлсин

Бисмиллаҳир Роҳманир Роҳийм
Ийди Рамазон муборак бўлсин!

Аллоҳ таоло сизу биздан ушбу ойдаги барча солиҳ амалларимизни қабул қилсин. Муборак Рамазонда гуноҳларидан покланиб, тақвоси зиёда бўлиб, дўзахдан жони озод этилган бандалар қаторида қилсин..

Ҳайит кунига доир тавсиялар:

Ҳайит ўқилгунга қадар албатта Фитр садақаси чиқаринг. Фитр садақаси қарими-ёшми, эркакми-аёли, бойми-фақирми эканлигидан қатъи назар, ҳар бир жон бошидан чиқарилади. Ҳатто чақалоқлар номидан ҳам фитр берилиши мақсадга мувофиқдир.

Ҳайитдан олдинги оқшом қуёш ботишидан бошлаб то ҳайит намозини ўқиш учун имом минбарга кўтарилгунча масжид, уй, кўча-кўй, бозор ва бошқа жойларда жаҳрий (овоз чиқариб) такбир айтиш мустаҳабдир. Такбирнинг кўриниши қуйидагича: Аллоҳу Акбар, Аллоҳу Акбар, Ла илаҳа иллаллоҳу, Аллоҳу Акбар, Аллоҳу Акбар ва Лиллаҳил Ҳамд..

Ҳайит намозига чиқишдан олдин уйда бир нечта хурмо еб олиш суннатдир..
Ҳайит намози учун ғусл қилмоқ, хушбўйланмоқ ҳамда энг яхши либосларини киймоқ – ҳайит одобларидандир. Илло аёллар зийнатли либосдан ва хушбўйланишдан сақланишлари лозим.

Ҳайит намозини қолдирмасликка, унга оила аъзоларингизни ҳам олиб чиқишга ҳарис бўлинг..

Ҳайит – сиз ва яқинларингиз ёдида фақат ҳайит намози билангина эсда қолмасин.. Ҳайит куни – хурсандчилик, ўзаро ҳамдардлик, қалбларни поклаш, қариндошлар, танишлар ва қўни-қўшнилар билан алоқани мустаҳкамлаш учун ҳам зўр фурсатдир. Ундан унумли фойдаланинг..

Ҳайит – буюк неъмат бўлиб, унинг шукрини адо этишимиз лозим.. бу эса Аллоҳ таъоло рози бўлажак амалларни қилиш билан бўлади..

Ҳайит билан боғлиқ хурсандчиликлардан бири – шу муносабат билан қариндошлар, дўст-ёрлар ва қўни-қўшниларга ҳадия улашмоқдир.

Аллоҳ таъоло бу кунда қалбингизни меҳр-оқибат ва шодлик билан тўлдиргани каби, шунингдек, тақво ва иймон билан ҳам лиммо-лим қилсин.

http://myurls.co/doniyorqori Ochish/sharhlash

2024-04-09 17:49:00 Ochish/sharhlash

2024-04-09 17:20:00 #ТАКБИР

«Аллоҳу акбар, Аллоҳу акбар, Аллоҳу акбар, Лаа илаҳа иллаллоҳ, Аллоҳу акбар, Аллоҳу акбар ва лиллаҳил-ҳамд».

Аллоҳ таоло айтади:

«..Бу (рӯза тутадиган) ҳисобни тўлдиришингиз ҳамда ҳидоятга бошлагани учун Аллоҳга такбир (ҳамду сано) айтишларингиз ва шукр қилишларингиз учундир».
("Бақара" сураси,185-оят)

Изоҳ: Рамазоннинг охириги куни кун ботганидан бошлаб то ҳайит намозига қадар такбир айтиш мустаҳаб амал ҳисобланади.
Бу такбирни ҳатто аёллар ҳам ӯзлари эшитадиган паст овозда айтишлари мумкин.
Валлоҳу аълам

@doniyorqori Ochish/sharhlash

2024-04-09 09:07:35 Билмаганларга улашиб қӯйинг!

@doniyorqori Ochish/sharhlash

2024-04-08 18:11:54 #Холис_эслатма Ochish/sharhlash

2024-03-30 03:43:00 ҚАДР КЕЧАСИДА ҚИЛИНАДИГАН ИБОДАТЛАР Ochish/sharhlash

2023-11-25 05:25:54 ​​​​​​​​#ЭСЛАТМА

"Ойдин кечалар"нинг кундузларидаги рўзалардан бебаҳра қолманг!

Ойдин кечаларда, яъни ҳар Қамарий ойнинг 13-, 14- ва 15-кунлари нафл рӯза тутишнинг фазилати ҳақида эшитган, билган ҳамда амал қилишни истаган ӯқувчиларимизнинг баъзилари бизга шу кунлар бошланишидан сал олдинроқ эслатиб қӯйишимизни илтимос қилишган эди.
Шунга жавобан "Аййамул бийз", яъни оқ кунлар ушбу Жумадул аввал ойининг уч кун нафл рӯза тутиш тавсия этилган оқ кунлар 27-ноябрь, душанба кунидан бошланади. Яъни, якшанба кечаси саҳарликка турилади ва душанба, сешанба, чоршанба кунлари уч кун нафл рӯза тутамиз, иншаАллоҳ.
Бу хабарни эшитганлар яқинларига ҳам холис эслатиб қӯйишса, икки карра кӯпроқ савобга эга бӯладилар.
Зеро, Расулуллоҳ саллаллоҳу алайҳи васаллам: «Ким яхшиликка далолат қилса, унга амал қилувчининг савобидек ажр (мукофот) ёзилади», деб айтганлар.
(Муслим ривояти).

Дониёр Файз

@doniyorqori Ochish/sharhlash