UMR_YO'LLARIDA...

2023-01-31 06:25:28 Good morning Ochish/sharhlash

2023-01-30 21:50:08 #kun

Bugungi meditatsiya judayam oʻzgacha boʻldi. Judayam ich-ichimga kirib ketdim. Ongimning tubigacha borganday his qildim oʻzimni. Judayam yengillashdim. Meditatsiya menga yengillik beradi. Doimiy shug'ullanaman.

Bugungi kun ajoyib oʻtdi. Topshiriqlarning koʻp qismi bajarildi. Bu esa oʻzimga boʻlgan ishonchimni yanada oshiradi. Endi esa yangi kun uchun energiya yigʻish kerak. Ertaga ham qiladigan talaygina topshiriqlar roʻyhati tayyor. Har doim bir kun oldin rejalashtiraman. Ertalabdan turib harakat qilishga yaxshi.

Sizga osuda tun tilayman, o'zingizni koʻp seving!

@Dildaborimsiz Ochish/sharhlash

2023-01-29 10:43:40 ​#January
#day_29
#Alhamdulillah
#tavsiya
#audio_kitob

"Ex, kommunizm!
Hurriyat, adolat, inson huquqlari, taraqqiyot kabi jimjimador so'zlar bilan kelib bizni tobutga ham zor qoldirdi!"

"Dushmanga nisbatan adovatingiz ularga nisbatan adolatsizligingiz boʻlmasin"

"Boshimni otamning tizzalariga qo'yganimda "Shu" dedim. "Eng katta baxtlardan biri mana shu!" Boshim butunlay ishonchli joyda edi. Umrim bo'yi menga shunaqangi zavq beradigan lazzatni boshim qaytib ko'rmadi".

"Iskanja"
Omina Shenliko'g'li

Turk ijodkoridan yana bir ajoyib tuhfa. Kundan kunga turk yozuvchilariga qiziqishim ortib boryapdi. Turk yozuvchilari juda hissiyotli yozadi, keragidan ortiq deb oʻylardim. Keyin bilsam oʻzim shunaqa kitob oʻqigan ekanman. Ammo Omina Shenliko'g'li ijodiga alohida tasanno. Judayam keng va tasavvuriy yozar ekanlar. Shunchaki fantaziyani oʻzi boʻlib qolmagan diniy va dunyoviy bilimlarni umumlashtirishga harakat qilgan va uddasidan chiqqan.

Ushbu kitobda urush yillaridagi qiyinchiliklar, Islom dinining qanchalik mashaqqat bilan kommunizm changalidan qutulib qalblarga kirib kelganligi ochib berilgan. Asarda bir oila hayoti, aka ukalar bir biriga qanday mehribon va qanchalar vahshiy dushman bo'la olishi tasvirlangan. Eng mehribon ham eng jirkanch badfe'l ham inson boʻlishi mumkin. Qalbimizga yoqilgan yorugʻlik, sham nurigina bizni inson qilib turadi.

Asar bosh qahramoni Kaan meni eng koʻp fikrlashga, ichimdan bir ovoz baralla "oʻzingdan uyalsang boʻlardi" deyishiga sabab boʻldi. Inson zoti bu darajada bardoshli, matonatli boʻla olishi xayratlantirmay qoldirmaydi.

Oʻzida bor noz-neʼmatlardan lazzatlanib, tirikligi, iymon keltira olayotganidan, qalbida Alloh borligidan, U zot butun yaratib qoʻyganidan, yaqin insonlari yonidaligidan "Alhamdulillah" degancha shukur qila oladigan inson bu dunyodagi eng baxtli insondir!

Oʻzingizni seving!
Hayotni anglang!

P.s: kitobning audio shaklini mana shu yerdan topishingiz mumkin.

@Dildaborimsiz Ochish/sharhlash

2023-01-29 10:14:46 Ochish/sharhlash

2023-01-27 18:19:32 Bir necha kun oldin "Psychological alienation" zona haqida yozgandim.
Bu vaqtni oʻzim belgilagandim. Bir xillilik insonni ishtiyoqini oʻldiradi. Muhitni va odatlarni yangilab turish kerak. Maʼlum muddat tanaffus olish kerak har qanday soha uchun.

@Dildaborimsiz Ochish/sharhlash

2023-01-26 17:55:35 ​​#January
#day_26
#Alhamdulillah
#tavsiya

"Odamni ogʻziga kiradigan narsa xarom qilmaydi, odamni ogʻzidan chiqqan narsa xarom qiladi"

"Jangga ketayotganda maqtanmang, balki jang maydonidan qaytayotganda maqtaning"

"Oʻzingizni qabul qiling va seving, shu qatori bu olamni qanday boʻlsa shundayligicha qabul qiling va seving"

"Shuni tushunish zarurki, bizga bu dunyoda hech narsa tegishli emas, xatto fikrlarimiz ham. Hamma narsa bizga vaqtinchalik foydalanish uchun berilgan, shu jumladan hayot ham"

"Dardingni sev"
Valeriy Sinelnikov

Amaliyotchi psixoterapevt, psixolog. U koʻplab psixolog metodlarni ishlab chiqqan. Xulosalar ajoyib boʻldi. Sogʻlik dunyodagi barcha boylikdanda qimmatroq turadi. Har birimiz oʻz sogʻligimizga masʼulmiz. Lekin bizda aynan oʻzbek ongida to kasal bo'lmaguncha shifokorga borish nooʻrin deb oʻylash dominantasi o'rnashib qolgan. Kasallikdan koʻra uni oldini olgan ming chandon yaxshiroq.

Kitobda oʻz-oʻzini nazorat qilish, oʻz-oʻzini davolash haqida ajoyib usullar va tajribalar keltirilgan. Shifokor bemorlar bilan toʻgʻridan-toʻgʻri suhbat jarayonini kiritgan.

Shifokor aytayotgan nazariyalarni men oldin ham eshitganman, boshqa koʻp kitoblarda oʻqiganman jumladan "Gʻayriixtiyoriy ong moʻjizalari", "Sir", "Tortishish kuchi kaliti".

Agar siz tanangiz bilan bogʻlana olsangiz, uni tinglashni oʻrganib olsangiz hayotingizda moʻjizalar sodir boʻla boshlaydi. Oʻzimning boshimdan oʻtgan bir misol, oʻzim ham sababini aytib berolmaydigan sababsiz, surunkali toqat qilib boʻlmaydigan ogʻriq beradigan kasallikka yoʻliqqandim. Shifokorlar ham tashxis qoʻyib berisholmadi. Toshkentdan tortib eng zoʻr degan shifokorlarga ham koʻrindim va aytgan muolajalarini qildim. Hech qanday foyda boʻlmadi. 2 yildan ortiq davom etdi bu holat. Axiyri shifokorlardan umid yoʻqligini bildim. Va oʻzimga oʻzim yordam berolaman deb oʻzimni ishontirdim. Menda bu kasallik hech qachon boʻlmaganini, ogʻriq ham bermasligi oʻzimga oʻqtirdim. Unga eʼtibor ham bermay qoʻydim. Ishonasizmi moʻjiza sodir boʻldi, oradan 3 oy vaqt oʻtib kasal boʻlganim ham esimdan chiqib ketibdi. Ogʻriq butkul yoʻqolib, butunlay tuzalgandim. Mana sizga oʻziga ishonish va oʻz oʻzini davolash qanchalik samarali ekanligiga isbot. Kitobda bunday misollarning juda koʻpi haqida maʼlumot olasiz.
Oʻqing va xulosa chiqaring!

Oʻzingizni seving!

@Dildaborimsiz Ochish/sharhlash

2023-01-25 19:34:35 Yolg'izlikni his qilish tabiiy. Yolg'izlik sizning "yutqazgan" yoki "zaif" ekanligingizni anglatmaydi.
Bu sizning inson ekanligingizni anglatadi.
Insonligingizdan voz kechmang...

@Dildaborimsiz Ochish/sharhlash

2023-01-25 11:12:57 "Psychological alienation" daman ancha kundan beri. Bu zonadan qutulishning muhitni oʻzgartirishdan boshqa chorasi yoʻq. Muhitni oʻzgartirib ilk qadamni tashlaganingizdan boshlab yengillik his qilasiz. Bu zona assotsiatsiyasi koʻpincha telefon boʻladi(yaqin insonlarini yoʻqotish, kuchli qoʻrqish, umidsizlik ham bular bir birga bogʻliq).

@Dildaborimsiz Ochish/sharhlash

2023-01-24 08:47:20 Choyni shakarsiz ichsangiz ham shukrsiz ichmang.
Shukr hayotning shakaridir...

@Dildaborimsiz Ochish/sharhlash

2023-01-20 20:29:26 Kutishni biladiganlar uchun hamma narsa oʻz vaqtida keladi...

@Dildaborimsiz Ochish/sharhlash