⚜️ Dezayner blogi ⚜️

2023-03-10 18:30:32 ​​– Oʻzingni qachon baxtliroq his qilasan?
– Renderim oʻzimga yoqqanda!

p.s: Renderim oʻzimga yoqishi juda qiyin. Oʻzi hali jaa zoʻr qilolmayman ham. Hozircha... Ochish/sharhlash

2023-03-07 17:59:57 Ochish/sharhlash

2023-03-05 23:05:37 ​​Kulguli mavzudagi suhbatlar ortib borayotgandek. Va bu silliq qabul qilinmoqda. Hech kim senga aql oʻrgatishini yoqtirmaysan. Aslingni ham shunchaki yashirib qoʻya qolasan. Chunki seni tushunishadimi yoʻq-mi?!

Faqatgina eng yaqin bitta doʻsting bor, ugina asl seni yaxshi taniydi.
Yaqinlaring, qarindoshlaring bilan esa huddi koʻrinmas jarlikni ikki tomonida turgandeksan. Ular bilan faqatgina salom-alik qilib sogʻligini yuzaki soʻrab qoʻyasan. Shunda ham tasodifan koʻrishib qolsang, yoki, biror ish bilan qoʻngʻiroq qilsang.

Qachon yaqinlarimizni yaxshi koʻrishimizni tan olib ularga koʻproq vaqt ajratamiz? Qachongacha jarni narigi tomonida turamiz? Koʻpriklar qurishni qachon boshlaymiz?

@dezaynerdek Ochish/sharhlash

2023-02-26 18:26:24 Haddini bilishlik eng yaxshi, muhim bilimdir.

Hozirgi kunimizda nimagadir shu masalada ogʻriqlarimiz koʻpayib bormoqda. Jamiyat, atrofimizdagilar biz soʻramasakda bizga yoʻl koʻrsatish payida. Biz soʻramasakda bizga qanday yashash kerakligini tushuntirmoqchi, uqtirmoqchi boʻlishadi.

Balki bizda nimadir notoʻgʻridir va buni siz koʻrib turgandirsiz. Agarda shunday boʻlsa ham avvalo oʻzingizni bizning oldimizda kim ekanligingizga boqing. Haddingizni biling.

Bizda notoʻgʻri boʻlgan oʻsha narsani balki oʻzimiz ham juda yaxshi bilarmiz... Shuningdek, oʻzimizning kuchimizni, doiramizni, maqsadlarimizni, haddimizni yaxshi bilamiz.

@dezaynerdek Ochish/sharhlash

2023-02-13 20:26:30 Insonlarga sarflanayotgan vaqtingizni, ular sizdan olayotgan vaqtni qadr-qimmati qanchalik yuqori ekanligini hech oʻylab koʻrganmisiz?

Meni gʻazablantiradigan va ayni damda kuldiradigan - savollar, be'maza vedioroliklar, tuturuqsiz fikrlar yon atrofimdagilardan qanchalik oson tarqatilayotganidir. Nahotki, insonlar shunchalik yengillashib bormoqdalar?

@dezaynerdek Ochish/sharhlash

2023-02-05 02:05:32 ​​Sunʼiy intellekt haqidagi kinolarni koʻrib ularga nisbatan biroz boʻlsa ham ishonchsizlik va qoʻrquv paydo boʻlgandi.

Bugun oʻsha kinolardagi kelajakda yashayotganimiz va oʻsha tasvirlarni koʻrayotganimiz ham tobora aniqlashib bormoqda.

ChatGPT ni deb dasturchi doʻstlarim havotirda boʻlgandek, Midjourney sabab mening ham biroz tinchim buzilgan..))

Nima boʻlganda ham hammasi insoniyatning ogʻirini yengil qilish uchundir. Hammasi yaxshilikka.
Rizq Allohdandir.

Midjourneydan soʻraganimni esa u quyidagidek tasvirlab berdi
(photorealistic, football player, moon, earth)

@dezaynerdek Ochish/sharhlash

2023-02-03 23:21:19 Atrofimdagilar mendan kõp narsalarni sõrab turishadi (aqlli bola deb õylashsa kerakda, balki hammasiga kõzoynagim sabab... ).

Azizlarim men ensiklapediya emasman, savollaringizga bilimim va dunyoqarashim asosida javob beraman. Haa aytgancha men ham bilmaydigan narsalar bor, -bilmayman deb javob bersam hafa bõlib yurmang...

Agar siz gapirayotganingizda kõzlaringizga qarab turmayabmanmi demak, -hozir asabim joyida emas yoki “siz” va “savolingiz” meni umuman qiziqtirmaydi...

@dezaynerdek Ochish/sharhlash

2023-01-30 22:52:05 Hayotimdagi boʻlib oʻtayotgan barcha jarayonlar, hodisalar oʻz hatti-harakatlarim mahsulidir.

Faqatgina harakatlar bilan cheklanmasdan, oʻy hayollar, gʻoyalar, niyat va orzularni ham sherik ekanligini unutmasligim lozim.

Agar hozir bir vaqtlar ozru qilgan oʻrnimda ekanligimni hisobga olsam, navbatda qilayotgan orzularimni qilib boʻlmaydigandek koʻringanlari bilan bezayman.

@dezaynerdek Ochish/sharhlash

2023-01-30 19:37:07 Sizda ham shunday boʻladimi ?

– Gohida hammasidan charchab, hammasi oʻtkinchi ekanligini bilib, hammasidan voz kechib ketging keladi. Lekin ortga nazar solar ekansan, sendan umidvor boʻlib turgan Ota-onang borligini eslab, ularni oldida qarzdor ekanliging esinga tushadi...

– Otalarimiz bizlar uchun kunlarni tunlarga ulab, zaxmat chekib rizqimizni butlagan.
– Onalarimiz bizning uyqimiz halovatli bõlishi uchun tunlarni bedor õtqazishgan.
Õzlaridan kechib bizning baxtimiz uchun kurashishadi, biz baxtli bõlsak, ular baxtiyor bõlishadi.

Azizlar ota-onalarimizni qadriga yetaylik.

– Bilaman bu balandparvoz va juda kõp ishlatiladigan gaplardan, lekin eng togri gap.
Afsuski kõpchiligimiz faqatgina ularni yõqotgach qadriga yetamiz.

@dezaynerdek Ochish/sharhlash

2023-01-30 02:28:22 Eski bir kanalim bor edi. Maʼlum sabablarga koʻra hozir uni yurita olmayman. Shuning uchun u yerda yozganlarimni kun ora ushbu blogimga tashlab borishga qaror qildim. Ochish/sharhlash