Asosan Oʻzbekistonda yashaydigan boʻlib, relokatsiya (hoo, men | Dengiz ortidan

Asosan Oʻzbekistonda yashaydigan boʻlib, relokatsiya (hoo, men ham balki relokantdirman?) qilayotganimda “endi @dengizortidan’ni nima qilaman?”, deb oʻylagandim. “Agar Amerika Oʻzbekiston uchun dengiz ortida boʻlsa, demak, Oʻzbekiston ham oʻsha dengizning ortida, faqat narigi ortida”, degan falsafiy xaspoʻshlash bilan kanalning nomini oʻzgartirmadim.

Bugun @azamov_com kanalini ochdim. U shaxsiy blogim boʻladi. Obuna boʻling.

Bu kanalda esa Amerikani eslaganimda, u yerga yoki boshqa mamlakatlarga sayohat qilganimda yozaman. Trevl bloʻg, karoʻchi.

P.S. “Relokant” soʻzi haqida bir ogʻiz: gʻaroyibgina ikkiyuzlamachi dunyomizda yana “ekspat” degan soʻz ham bor. U yuqori malakali “migrant”larga nisbatan ishlatiladi. Amerikalik hamkorim esa meni “inpat” deydi, chunki AQShdan kelgan boʻlsam ham ildizim, pasportim shu yerniki.

@dengizortidan