Даврон Файзиев

2021-03-12 18:43:17 Тўғри танлов.

Баҳром ака Ёқубов вафот этибти. Аллоҳ раҳмат қилсин. Яхши режиссёр эди. Бу инсон билан боғлиқ бир воқеани айтиб бермоқчиман. ТВда ишлаган дастлабки йилларимда Баҳром акани Телефильм биносида кўриб турардим. 2004 йил эди, бир кун уларнинг номидан пробага чақиришди, фильмга бош рольга. Актёрликка умуман қизиқмасам ҳам бордим (биринчи ва охирги марта). Ассистентлари бир неча ракурсда расмга олди. Кейин асосан суҳбат бўлди. Бу соҳадан анча узоқлигимни айтдим. Қаҳрамон сенга ўхшаган йигит, шунинг учун жуда роль ўйнамайсан ҳам, керак бўлса актёрлик масаласида йўл-йўриқ кўрсатамиз дейишди. Майли дедим. Бўлди, яхши, маъқул, телефон қилиб чақирамиз дедилар Баҳром ака. Хоп деб кетдим. Бир неча ҳафта ўтгач ёрдамчиси телефон қилиб - Баҳром ака кейинги лойиҳаларига чақирмоқчилар сизни, бунисига актёрскийни битираётган бир йигит тасдиқланди, деб айтди. Роль ўйнашга мойиллик бўлмаса ҳам озгина кўнглимдан ўтди ва кейинчалик чақиришса ҳам бормайман деган хаёл келди. Ростдан ҳам уёғига бошқалардан ҳам ана шундай таклифлар бўлса рад этганман, қизиқишим йўқлигини айтиб келганман. Қўлимдан келишига кўзим етмаган ишга киришмайман ўзи.
Дарвоқе, кейинчалик “Сарвиноз” деб номланган ўша фильм анча машҳур бўлди. Баҳром Ёқубов ўшанда тўғри қарор ва танлов қилган. Чунки фильмда яхши роль ижро этган ҳолда, истеъдодли дебютант актёр Улуғбек Қодиров кашф қилинган.

https://t.me/Davron_Fayziev Ochish/sharhlash

2021-03-12 13:06:39 Ochish/sharhlash

2021-03-11 19:50:14 Superligadan keyin Pro liga ham qaytmoqda. Yangi mavsum boshlanyapti

Pro liganing 2021-yilgi mavsumiga qur’a tashlash marosimi 12-mart kuni bo'lib o'tadi. Qur’a tashlash marosimini soat 18:45 dan boshlab UZREPORT TV telekanali orqali jonli efirda tomosha qiling!

Rasmiy sahifalarimiz

@UzReport_uz | @UZREPORT_SPORT | @FUTBOLTV Ochish/sharhlash

2021-03-11 18:23:35 Жалолиддин Машарипов Шабаб Ал Аҳли жамоасидаги дебют голини урди. Аввалги учрашувларда асосан голларга ассистентлик қилган футболчимиз энди ўзи ҳам рақиблар дарвозасини ишғол қилишни бошлади. Чиройли гол.

https://t.me/Davron_Fayziev Ochish/sharhlash

2021-03-11 09:52:19 ​​Ўта таъсирчан инсонларга кўриш тавсия этилмайдиган ўйин

Англиянинг 20 карра чемпиони Италиянинг 18 карра чемпионига қарши. Чемпионлар лигасини 3 бор қўлга киритган клуб ана шу турнирда 7 марта ғалаба қозонган жамоага қарши. Яна ўнлаб титулларга эга Европа футболи гигантлари тўқнашуви.
Манчестер Юнайтед - Милан.

Тўғри, баҳс Европа лигасидан жой олган, аммо бу қарама-қаршилик бемалол Чемпионлар лигасини ҳам безаши мумкин. Улар 10 та ўзаро расмий учрашув ўтказган бўлса, барчаси айнан Чемпионлар лигасига тўғри келади. Ва бирор марта дуранг ўйнашмаган. Ҳисоб тенг 5:5. Ана шундай бэкграунд билан бугунги ўйинга етиб келишмоқда. Ўхшашликлар тугамади. Иккиси ҳам чемпионликни соғинишган ва чемпионатда иккинчи поғонада кетишмоқда. Бу дегани бугунги даражаси тенг ва фаворит йўқ.

Ўзи аслида бу маълумотлар шарт эмасди, шундоқ ҳам ностальгия ўлчови меъёридан ошмоқда. Ўта таъсирчан мухлислар кўриши соғинч кўз ёшларига олиб келиши мумкин. Класикани ва барча нарсанинг ўта сифатлисини яхши кўрадиганлар, яъни эстетлар учун совға. 22:55 да FUTBOLTV дан қабул қилиб оласиз. Биргаликда кўрамиз.

https://t.me/Davron_Fayziev Ochish/sharhlash

2021-03-10 10:20:42 Холанд ва Мбаппе

Аввалги бахслар энди йўқ. Роналду ва Мессини аллақачон бир-биридан ажралмас феноменларидек қабул қилишган ва солиштирмай қўйишган. Спорт бу рақобат, бир даврда айнан икки даҳо ўйнашида ҳам рамзий маъно бор. Буёғига барча кутаётгани ҳам алоҳида Пеле ёки Марадона эмас, айнан икки супер футболчи пайдо бўлиши ва ўзаро курашиши. Асосий даъвогарлар бор. Холанд - Мбаппе. Статистика бўйича ўшалар темпида кетишмоқда. Шуниси етарли. Тўлиқ ўхшаш энди эртак бўлиб кетади. Бунинг устига иккиси ҳам болаликдан Роналду мухлиси. Янги форматдаги атлетлар. Идеал жисмоний кўрсаткичлар. Улар Криштиано моделини танлаб шу йўлдан юришган. Яъни, одамзотнинг меҳнат қилиш имкониятлари чўққисини забт этишмоқда. Ундан ортиғини организм кўтара олмаса керак.
Месси мухлислари буни тўғри қабул қилишлари керак. Чунки Леога ўхшашга интилиш бефойда. Месси бўлиб туғилиш керак.

Бу давр такрорланмайди, кутманг.

https://t.me/Davron_Fayziev Ochish/sharhlash

2021-03-09 18:01:18 "Chelsea" muxlislari uchun ochilgan:

Eng tezkor
Eng katta
Eng sifatli

"Chelsi" klubining rasmiy kanaliga obuna bo'ling! Ochish/sharhlash

2021-03-09 09:51:09 Ремонтада?

Порту биринчи ўйинда 2:1 ҳисобида Ювентусни мағлуб этди. Жавоб учрашувида меҳмондаги гол эвазига Ювенинг имконияти ёмон эмас. Гол уриш ва ўтказмаслик. Муаммо шундаки Порту кучли ҳимояга эга. Гуруҳ босқичида атиги 3 та гол ўтказди. Пепе иккинчи ёшлик даврини ўтказмоқда. Консейсау Порту анъанасини давом эттириб, тажриба ва истеъдодларни уйғунлаштирди, Европа даражасида рақобатли жамоа юзага келтирди.

Андреа Пирло ўйин олдидан хотиржам. Биринчи ўйинда ўз хатоимиз сабаб ютқаздик деб айтди. Портуни яхши ўрганиб чиққани ва ҳар бир чизиқни алоҳида бартараф эта олишини таъкидлади. Роналду формада. Йўқотишлардан фақат Де Лигт. Лацио спаринг-шерик бўлишни уддалади. Демак, Турин ремонтадага, яъни муаммони бартараф этишга тайёр.

Интригага бой Ювентус - Порту учрашувини бугун тунги 01:00 да UZREPORTTV орқали биргаликда томоша қиламиз.

https://t.me/Davron_Fayziev Ochish/sharhlash