2023-10-02 11:02:33
Веб сайтларда ИИВ ТҚД Киберхавфсизлик маркази номидан сохта эълон жойлаштириб, пул талаб қилиб келган "хакер" қўлга олинди
————
Ички ишлар вазирлигига Тошкент шаҳри, Юнусобод туманида яшовчи
34 ёшли
М.А. исмли фуқаро мурожаат қилиб, номаълум шахс ундан товламачилик йўли билан
300.000 сўм миқдордаги пулларини ўзлаштириб олганлиги айтиб, ушбу номаълум шахсга чора қўришни сўраган.
Тезкор-қидирув департаменти Киберхавфсизлик маркази томонидан ўтказилган тезкор тадбирлар натижасида, ушбу жиноятни Тошкент шаҳри, Яшнобод туманида яшовчи
21 ёшли
Э.Б. исмли шахс содир этганлиги аниқланди.
Терговга қадар текширув давомида,
Э.Б.
зарарли дастурлардан фойдаланиб, фуқароларга порнографик мазмундаги сайтларга кирганлиги учун қурилмаси
“Ўзбекистон Республикаси ИИВ ТҚД Киберхавфсизлик маркази томонидан блокланиб, 300.000 сўм жарима солинганлиги” ҳақида
ёлғон хабар юбориб, улардан жаримани тўламаган тақдирда контактидаги танишларига
шарманда қилиш билан қўрқитиб, банк карта орқали электрон пул ўтказилишига эришиб келаётганлиги маълум бўлди.
Шунингдек,
Э.Б. жиноий фаолиятини мунтазам давом эттиришни мақсад қилиб,
эътиборга тушмаслик учун фуқаролардан
200-300 минг сўм атрофида
пул талаб қилиши аниқланди.
Ҳолат юзасидан
Э.Б.га нисбатан Ўзбекистон Республикаси Жиноят кодексининг
165-моддаси
1-қисми билан жиноят иши қўзғатилиб, у томонидан содир этилиб, фош этилмай қолган шу турдаги жиноятларга алоқадорлиги ўрганилмоқда.
Қонунга мувофиқ, Ўзбекистон Республикаси Жиноят кодексининг
165-моддаси
1-қисми бандидаги жиноий хатти-ҳаракатлар учун
3 йилдан
5 йилгача озодликдан маҳрум қилиш жазоси назарда тутилган.
Жиноятлар туркумидан.
Бизнинг каналларимиз:
𝐼𝑛𝑠𝑡𝑎𝑔𝑟𝑎𝑚 | 𝑇𝑒𝑙𝑒𝑔𝑟𝑎𝑚 |
𝑌𝑜𝑢𝑡𝑢𝑏𝑒
19.0K viewscyber102, 08:02