2022-08-29 17:30:23
#IndependentCommission_uz
Komissiya aǵzaları Joqarǵi Keńes penen birgelikte Bas prokuraturadan ayrım puqaralardıń qamaq bas sharasın jeńillewine almastırıwdı soradı Aldın xabar bergenimizdey, Qaraqalpaqstanda bolıp ótken waqıyalardı ǵárezsiz túrde úyrenip atırǵan Komissiya tárepinen islegen qılmıslarınan pushayman bolǵan, qarawında jas óspirim perzentleri bar, sonıń menen birge xojalıq hám sociallıq jaǵdayı tómen sonday-aq, shańaraqta jalǵız baǵıwshı bolǵan puqaralar dizimi qáliplestirilgen edi.
Hár biri menen óz aldına ótkerilgen sáwbet dawamında olar jaǵdaydı jaqsı ańlamaǵan halda jalǵan maǵlıwmatlar tásirine túsip qalǵanın hám islegen qılmısına shın kewilden pushayman ekenligin bildirip ótti. Ásirese, hayallar perzentlerin júdá saǵınǵanın hám bolıp ótken waqıyalardan durıs juwmaq shıǵarǵanın málim etken edi.
Qaraqalpaqstan Respublikası Joqarǵı Keńesi Komissiya aǵzaları tárepinen qáliplestirilgen dizimdegi shaxslarǵa jergilikli rayon keńesleri deputatların jámiyetshilik kepilligi tiykarında biriktiriw usınısın qollap -quwatladı.
Joqarıdaǵılardan kelip shıǵıp, Komissiya hám Joqarǵı Keńes tárepinen islegen qılmıslarınan pushayman bolǵan, qarawında jas óspirim perzentleri bar, sonıń menen birge xojalıq hám sociallıq jaǵdayı tómen sonday-aq, shańaraqta jalǵız baǵıwshı bolǵan puqaralarǵa insanıylıq principi tiykarında qamaq bas sharasın jámiyetshilik qadaǵalawı hám úy qamaǵı formasındaǵı bas sharaǵa almastırılıwın sorap Bas prokuraturaǵa usınıs kirgizildi.
Eskertip ótemiz, Komissiya tiyisli Nızamǵa muwapıq, Qaraqalpaqstanda júz bergen waqıyalardı úyreniwde ǵárezsiz hám mámleket keńseleri tárepinen onıń iskerligine aralasıwına jol qoymaǵan halda xalıq hám jámiyetshilik pikirin úyreniwge zárúr dep bilgen hár qanday jaǵday hám maǵlıwmatlardı alıw huqıqına iye.
kanalǵa qosılıń
@commissionuz
Facebook | Twitter
1.7K views14:30