Chetda Ta'lim

2022-08-01 12:04:06 Salom Kelajak Egalari Salomatmisizlar ?

Biz qaytdik. Yoz oyini bekor o'tkazmasdan sayohat qildik, dam oldik, oldinga katta rejalar tuzdik. Tez orada yana siz uchun muhim bo'lgan ma'lumotlar, hamda yangidan yangi mavzularni ulashishni boshlaymiz.

Sizlarchi ? Nimalar bilan band bo'ldingiz ? Izohlarda javoblaringizni qoldiring...

Biz bilan qolganingiz uchun rahmat Ochish/sharhlash

2022-06-02 03:38:17 Salom kelajak egalari


Uyg'oqlar bormi ??? Dunyoning top oliygohlaridan bo'lgan University College Londonda tabiat qo'ynida kafe bor. Vaqtingiz bo'lsa kirib o'ting. Judayam mazzali shirinliklar, ichimliklar bor. Boshqa talabalar bilan fikr almashish esdan chiqmasin

#nog'iybat Ochish/sharhlash

2022-06-01 10:47:18 Garvard universitetiga grant asosida qabul qilingan Nilufar Ko'chimova


Ushbu intervyuda juda qimmatli ma'lumotlar berilgan.


Manba: BBC Uzbek (Youtube kanali) Ochish/sharhlash

2022-06-01 10:34:15 A-Level kursiga o'xshash bo'lgan International Baccalaureate (IB) tayyorlov kursi ham bor.


IB Shvetsariyada ishlab chiqilgan bo'lib, xalqaro ta'lim beriladigan kurs hisoblanadi. Bu kurs diplomi ham ko'plab universitetlar tomonidan qabul qilinadi. Ushbu kursning A-Leveldan farqi bu kursda ko'proq fanlar kengroq o'rgatiladi. Bunda siz 6ta fanni o'qib, o'rganib imtixon topshirasiz. Undan tashqari sizda kurs oxirida diplom ishi bo'lib o'tadi.


Endi savol tug'iladi. Qaysi birini tanlash kerak. Ikki kursni tamomlab ham siz xohlagan top universitetlaringizga topshirishingiz mumkin. Ikkala kursda ham ta'lim xalqaro darajada juda sifatli beriladi.


Eng to'gri qaror bu o'quvchiga qaraladi. Masalan o'quvchi hamma fandan juda yaxshi, va qaysi yo'nalishga kirishni yokida o'qishni aniqlamagan bo'lsa unda IB kursi unga mos keladi. Sababi ushbu kursda keng qamrovli ta'lim bo'lib, ko'proq fanlardan dars o'tiladi.

Agarda o'quvchi aniq sohasini tanlagan hamda ma'lum bir belgilangan fanlarni yaxshi o'zlashtirgan, va kelajakda o'qiydigan sohasini fanlarini oldindan chuqur o'zlashtirmoqchi bo'lsa unda unga A-Level kursi mos keladi.


Toshkentda IB kursini taqdim etadigan maktablarni bu yerdan ko'rishingiz mumkin.


https://www.international-schools-database.com/in/tashkent Ochish/sharhlash

2022-06-01 09:58:57 A-Level tayyorlov kursini onlayn ham o'qish mumkin.


Moskvada A-Level kursini onlayn tarzda o'qish mumkin bo'lgan platformani topdim. Kontrakt narxi 7000$ atrofida ekan.

https://www.educate-online.io/interhigh?lng=en


Undan tashqari o'zimizda ham bor ekan. The British School of Tashkentda A-Level kursi bor ekan. Bu yerda oflayn formatda bo'ladi. Yillik to'lov saytda keltirilishicha 173,700,000 so'm ekan.

https://www.nordangliaeducation.com/en/our-schools/uzbekistan/tashkent/british Ochish/sharhlash

2022-06-01 09:53:47 Salom kelajak egalari

Bugun siz bilan Oksford universitetiga kirishning 2-bosqichi haqida gaplashamiz.

Universitet uchun tayyorlov kursini tanlash.

A-Level (tayyorlov kursi)


MDH davlatlari shuningdek O'zbekistonda ham universitetgacha bo'lgan ta'lim 11 yil hisoblanadi. Buyuk Britaniyada esa boshqacharoq. Ularda 11-yil ta'limdan so'ng o'quvchilar majburiy 2-yil Universitetga tayyorlov kurslarini o'qiydilar. Bu xalqaro talabalarga ham tegishli. Agarda siz Angliyaning universitetlariga kirmoqchi bo'lsangiz unda siz 2 yillik A-Level yokida International Baccalaureate (IB) kurslarini tamomlashingiz kerak.


A-Level bu 2 yilik Angliyaning majburiy universitet uchun tayyorlov kursi hisoblanadi. Ushbu kursni tugatib siz Angliyaning to'liq maxsus ta'limi atestatini olasiz, bu esa sizga Angliyaning universitetlariga kirishga yo'l ochadi. Bu kursdan asosiy maqsad o'quvchilarni universitetga tayyorlashdir. Ushbu kursda topshirgan imtixoningiz javoblariga qarab universitetga qabul qilishingiz yokida kira olmasligingiz mumkin.


Ushbu kurs sizga ko'plab imkoniyatlarni ochadi. Bu kurs diplomi Angliyaning top universitetlaridan tashqari AQSH, Kanada, Avstraliya, Yangi Zelandiya, Hindiston, Singapur, Tailand, Misr, JAR, Germaniya, Ispaniya oliygohlari tomonidan ham qabul qilinadi.

Ushbu kursda o'qib siz Angliyaning ta'lim tizimi haqida bilib, unga moslashasiz. Bu esa kelajakda sizni Angliya universitetlarida o'qishingiz uchun ham qulayliklar yaratadi.

Eng katta qulaylikaridan biri, bu kursni siz onlayn o'qishingiz mumkin. Bu esa katta xarajatlardan sizni qutqaradi.


Ushbu kurs 45 ta fanni o'z ichiga oladi. Siz ulardan 3-6 tasini tanlab, o'qib imtixon topshirasiz. Muhim narsa, siz tanlaytdigan fan keyinchalik universitetdagi yo'nalishingiz bilan bog'liq bo'lishi kerak. Chunki siz topshiradigan imtixon natijalari siz tanlagan universitet yo'nalishiga kirishingiz uchun kerak bo'ladi.


Bu kurs ikki qismdan AS hamda A2 lardan iborat. Har birini 1 yil o'qib siz imtixon topshirasiz. A+, A, B, C, D, E kabi baholar qo'yiladi. Imtixon natijalari juda muhim. Sababi siz Angliyaning top universitetlariga kirmoqchi bo'lsangiz unda siz A+, A ga topshirishingiz kerak bo'ladi.


A-Levelga kirish uchun talablar:

- 16 yoshdan oshgan bo'lish
- Maktab diplomi (baholar 4 dan pas bo'lishi kerak emas)
- IELTS dan 5 yokida TOEFL dan 500
- Maktab o'qituvchilari tomonidan tavsiyanoma (sizni maqtab yozilgan ) Ochish/sharhlash

2022-05-29 14:05:09 Salom kelajak egalari


Sizlarga eng to'gri hamda aktual ma'lumotlarni berish maqsadida, aynan usha davlatda o'qiyotgan talabalarni jalb qilishga harakat qilyabmiz.


Ushbu kelayotgan hafta Janubiy Koreyada 100% lik grant asosida o'qiyotgan hamyurtimiz bilan intervyu tashkillashtiramiz. Koreyada o'qish, kirish imxtixonlari, qanday qilib grant yutish mumkin, u yerda yashash sharoitlari, xalq madaniyati, ham o'qib ham ishlash mumkinmi va boshqa muhim savollarga javob topamiz.


Sizni qiziqtirgan savollaringizni izohlarda qoldiring Ochish/sharhlash

2022-05-27 10:05:02 Manga qiziq emas Oksford manga Kembrij kerak, yokida Manchester universiteti kerak, yokida boshqa universitet haqida ma'lumot chiqsa kein o'qiman deganlar uchun.


Ushbu bosqichlar butun Angliyaning o'qishlariga kirish niyatida bo'lganlar uchun juda muhim hamda foydali. Amerikaning yokida dunyoning boshqa universitetlariga kirish xohishida bo'lganlar uchunam muhim. Sababi ko'p top universitetlarda so'raladigan narsalar, yokida bilimlar ko'pincha o'xshash. Bularni bilish orqali sizga har qanday o'qish uchun tayyorlanish ancha onson kechadi Ochish/sharhlash

2022-05-27 09:58:06 ltimos yuqoridagi linklarga albatta kirib ko'ring. Sababi Alloh nasib qilib o'qishga kiradigan bo'lsez, yokida niyat qilgan bo'lsez, yaqin 6-10 yil aynan shu vebsaytdan foydalanasiz. Oldindan ko'zingiz o'rganib, qaysi ma'lumot qayerda joylashganligini bilib borish juda foydali bo'ladi.


Bu Oksford universtitetining rasmiy vebsayti Ochish/sharhlash