TʜE EɴD

2023-04-30 20:38:31 Juda ko'p qo'shiqni ma'nosiga qarab eshitaman. Shuning uchun pleylistim o'zbekcha nahorbop qo'shiqlarga to'lgan. "Ayvoningda paxta" deb ham nahorlarda aytishadi, lekin biror kas e'tibor bermaydi. Og'riqli va og'ir ashulalar.

Bu qo'shiqni esa mag'zini chaqish qiyin emas. Zerikib qolmadinglar degan umiddaman. Agar hafsala qilsam, ertaga Navoiy va Maxtumquli'dan o'qiymiz. Shunaqa qaytish "The EnD"da.. Ma'qulmi?

@The_end_rasmiy Ochish/sharhlash

2023-04-30 20:25:32 Ushbu musiqa she'rining muallifi Cho'lpon ekanligini bilarmidingiz? 1921-yilda yozilgan ushbu she'r "Bormayman dedi" kuyi uchun yozilgan. Kuyni topa olmadim, lekin she'rning mazmuniga e'tibor bersangiz - so'zlar naqadar katta kuch ekanligini yana bir karra tushunib yetasiz.

Buni hazillarga ko'p aralashtirishadi, lekin bir so'zlariga ahamiyat beringda. Bir tarafdan shunchaki uxlab yotgan pariga shunchalik ta'rif berish mumkinmi deysiz, ikkinchi tarafdan nega uyqu haqida kesatiqlar borligi sizni fikrlashga chaqiradi.

@The_end_rasmiy Ochish/sharhlash

2023-04-30 20:05:32 Qarang nima topdim. Klip olib yuborsa bo'larkan) reaksiya so'ramasam hech kim bosmayapti, nima qilish kerak-a?

Begona

Soat sakkiz yarim. Chiqasan uydan.
Archalar, teraklar tizilar safga.
Sog'inch tushlarimga xuddi o'xshaysan -
Shoshib borarkansan bekat tarafga.

Bir kiftingga xiyol egilgan boshing,
Odiming quvadi biri birini.
Xayoling zabt etgan olamlar oshib
Menga tashlamaysan ko'zing qirini.

Yog'dung yetganmidi - sog'inib yeldim -
Shu'langning ortidan - qalbim yoqqani:
Umrim bo'yi uzun yo'l bosib keldim,
Senga armon bilan bir bor boqqani.

Usmon Azim, 25-10-2020y Ochish/sharhlash

2023-04-30 19:53:08 Iltijo

Na bir zohidman-u, na bir orifman,
Men ham Haq yo'lidan toygan gunohkor.
O'zimning holimdan o'zim voqifman,
Afv etgil, Allohim, xatolarim bor.

Hayqira bilaman o'z nafsim uchun,
Dastimga hech kimsa sololmas raxna.
Na iymonim butun, na ilmim butun,
haqimni bilaman, bilmayman Haqni.

Tavbaga borganda toyguvchi tilim,
Bandalik rutbam shu jonimga oro.
Sajdaga boshimni so'ng egib keldim,
Istig'for aytaman, Parvardigoro.

Uyingda itoat aylagan yo'sin,
Marhamat kutadi Sendan qullaring.
Bariga Qodir zot, Senga hamd bo'lsin,
Imtihon yo'liga bizni yo'llading.

Sinovda sobit qil, Mehribon Zotsan,
Toki iymonimiz bo'lsin mustahkam.
Boshlar-ku fanoda egik uyatdan,
Uyotlig' bo'lmaylik huzuringda ham!

Xurshid Abdurashid Ochish/sharhlash

2023-04-30 19:40:09 Gunohim ko'p bo'ldi, tavbam oz bo'ldi,
Bir xato soz bo'ldi, keyin boz bo'ldi.
Rabbim, oldingda men uyotlig'durman:
Tavbam avvalgidan iqtibos bo'ldi.

Xurshid Abdurashid Ochish/sharhlash

2023-04-30 08:31:22 O'rmonga o't ketayotganda suv tashigan chumolilar haqida eshitganmisiz? Ya'ni, hech yo'q chumolilar o'z pozitsiyalarida sobit turishgan. Bugun referendum, siz ham boring. Ovoz bering. Natija qanday bo'lishidan qat'iy nazar, pozitsiyangizni bildirib keling.

Bahonada menga o'xshab maktabni ko'rib kelarsiz, balki. Nostalgiya. Keyin har safar reaksiya so'rash erish tuyuladi, shunga e'tiborli bo'laylik azizlar. Befarq bo'lmaylik, har bir rekasiya - motiv :)

@Tingla_Hayot Ochish/sharhlash

2023-04-29 20:33:55 Yana bu shaharda keldik yuzma-yuz,
Nailoj, boshqa bir shaharimiz yoʻq.
Balki biz baxtiyor boʻla olardik,
Ehtimol, baxtlimiz, xabarimiz yoʻq..

Ramiz Ravshan Ochish/sharhlash

2023-04-29 19:17:34 Kichkina kanalimda (@Khon_Live) ora-orada she'rlar tashlab turaman. Shuni "The EnD"da davom ettirmoqchiman. - shu reaksiya 100 tadan oshsa boshlaymiz.

@The_end_rasmiy Ochish/sharhlash

2023-04-29 07:13:54 Obunachilar nega chiqib ketyapti degan savolga javob. Nomni o'zgartiramiz shekilli Ochish/sharhlash

2023-04-28 20:44:27 Xohish bo'lsa albatta, xohish yo'q. Qachon to'xtashni ham bilish kerakdir balki.. Ochish/sharhlash