2022-10-07 09:13:01
Kitobga mehr qanday paydo bo'lgan?Kichkinaligimdan,go'dakligimdan ham desam bo'ladi,onam bizga ertaklar o'qib berar edilar.Kitoblardagi rasmlarni ko'rsatib unga qiziqtirardilar.Kechasi ertak eshitmasak,uxlay olmas edik.Katta bo'lavergach,kechki ertaklarni kutishga sabr qila olmay qoldim.O'zim kitoblarni o'qishni boshladim.Eslayman,1-2-3-sinflarimda 4-5ta ertaklar kiritilgan kichik kitoblar o'qir edim.Do'kon borsak,onamga ertak kitob oldirardim.4-sinfdan boshlab,Xudoyberdi To'xtaboyevning bolalar uchun yozilgan kitoblari mutoalasiga o'tdim.6-sinflar edi,chamasi,sarguzasht kitoblar hamda jiddiyroq romanlarga qiziqa boshladim.8-9-sinflardan boshlab ibratli asarlarni o'qiy boshladim.So'nggi yillarda esa,shu paytgacha o'qiganlarim menga oddiydek tuyuldi.Endi falsafiy,tarixiy ham muqaddas dinimiz va uning tarixiga oid asarlarni o'qishga kirishdim.
Va bugun taqdir taqozosi bilan hayot kitobini o'qiyapman.
O'qishni boshlash uchun doim imkon bor.Eng qiyini boshlash,lekin buni uddalasangiz,hammasi o'z o'rni bilan ketadi,o'qish sizning asosiy ishingizga aylanadi.
65 viewsedited 06:13