2022-11-02 09:41:24
O'qituvchining hurmati rivojlangan davlatlarda qandayligi haqida post o'qidim.To'g'risi o'qigan odamning ilk o'ylaydigani "bizda-chi".Shu xato savol.Chunki umumiy uchun berilishi noto'g'ri.Men-chi deb aytilsa,to'g'riroq bo'ladi.Birovlardan kutmaylik,o'zimiz hurmat qilaylik.O'zing hurmat qil,o'zing ko'kka ko'tar,shu yetarli.Undan uyog'i sen aralasha olmaydigan doira.Har kim o'zi qila oladigan yaxshi ishni bajarsin,jamiyatni kelib kimdir o'zgartirishini kutgan-cha.
Jamiyat birdaniga o'zgarib qoladigan narsa emas.Butun jamiyat shuni xohlasagina sodir bo'ladigan jarayon.
O'qituvchilarning hurmatsizlanishiga keladigan bo'lsak,bu menga tizimlashtirilgan jarayondek tuyuladi.Eng ko'p xo'rlanadigan,eng past ishlar majburlab qildiriladigan,bunga qarshi hech qanday qarshilik qila olmaydigan toifalar qanday qilib jamiyatda katta hurmatga erishishi mumkin axir?Kim o'zini "xo'rlab" o'qituvchi bo'lishni xohlaydi?Eng zo'r bilimli yoshlar qo'lidan kelgancha o'qituvchi bo'lmaydi,boshqa sohani tanlaydi.Boshqa sohalarga kuchi yetmagan,bilimsizroqlar esa majbur o'qituvchi bo'ladi(o'zi ich-ichidan xohlamasa-da,chunki biladi eng past kasb shu).Tarixan olib qarasak,Islom dini yuksak taraqqiy etgan yurtimizda ustozlarga munosabat juda havas qilarli bo'lgan,hozir maqtalayotgan rivojlanagan G'arb davlatlaridagi holat hech nima bo'lmay qoladi bunday hurmat oldi-da.
Lekin o'qituvchi zoti yillar davomida yerga urildi.Natija esa ko'rib turganingizdek daxshatli!
Allohga shukurki,so'nggi yillarda ustozlarga bo'lgan munosabat yaxshilana boshladi.Ustozlar yana oldingidek hurmat qilinishlari uchun islohotlar qilinyapti.Ammo ustozlarni xor holda ko'rgan bir nechta avlod allaqachon yetilib bo'lgan.
Davlatning qay darajada rivojlanishini bilish uchun undagi ustoz va ta'limga bo'lgan munosabatni kuzatish kifoya.
@by_Miraziz
40 viewsedited 06:41