Тошкентдаги «Шовотландия» кафесидаги ёнғинда беш киши ўлди
Тошкентдаги "Шовотландия" кафесига ўт қўйилиши ортидан мазкур кафеда ишлаб, ўша ернинг ўзида яшаб келган 5 киши ҳалок бўлди. ИИВнинг билдиришича, кафега “қасддан ўт қўйган” шахс қўлга олинган. У Самарқанд вилояти Тойлоқ туманида яшовчи С.Ф., бўлган.
“Қасддан ўт қўйган шахс «Матиз»да манзилга келиб, бино деворларига шиша идишдаги суюқликни сепиб, сўнг яна бир идишдаги суюқликни бино ичкарисига отган. Аланга чиқишини кузатиб, ёнғин содир бўлгач воқеа жойини яширинча тарк этган”,-дейилади ИИВ билдирувида.
Аввалроқ Озодлик 27 февраль куни соат 03:51 да Чилонзор туманида жойлашган «Шовотландия» кафесида ёнғин чиққан ҳақида хабар берган эди.
https://t.me/bugunuz kanaliga obuna bo'ling!
Bizga xabar yo'llash uchun @ozodnews
