BOSHLANG‘ICH TA'LIM

2021-01-28 17:36:46 Maktablarda xalq ta’limi tizimini boshqarishning axborot tizimi (ERP) va boshqa elektron tizimlari joriy etilmoqda

Xo‘sh, ERP tizimi o‘zi nima?
Undan ko‘zlangan asosiy maqsad?
Mazkur tizim doirasida nechta maktab qamrab olindi?
ERP’ni to‘laqonli ishga tushirish maqsadida kelajakda nimalar amalga oshirilishi rejalashtirilgan?

Ushbu savollarga batafsil javobni video orqali bilib olishingiz mumkin.

@boshlangich_talim_uz Ochish/sharhlash

2021-01-24 17:22:25 ОЗГИНА БЎЛСА ҲАМ АТО ЭТИШДАН ҲАЁ ҚИЛМАНГ

Ушбу ҳикояни донишмандлардан бири сўзлаб берди.
Мен бир куни туш кўрдим. Тушимда қувноқ ва шодон юрган ўликлар жамоаси ортидан кетаётган маъюс кекса чолга нигоҳим тушди.
Мен ундан:
- "Маҳзунлигингиз сабаби недандир?" деб сўрадим.
У жавобан:
- Анави шод-у ҳуррам юрганларга атаб аҳиллари яхшиликлар қилиб, садақалар улашиб турадилар. Менга атаб эса ҳеч ким садақа қилмайди.
Унга дедим:
- Зурриётингиз йуқми?
У:
- Нега энди, албатта зурриётим бор. Унинг иши дарёда. У матоларни ювиб, кун кечиради.

Донишманд ҳикоясида давом этиб деди:
- Мен уйқудан уйғонгач, дарё томон йўл олдим. Ва у ерда марҳумнинг ўғлини учратдим. Матоларни тош устига қўйиб «тор, тор» деб юваётган эмиш.
Ундан қизиқиб сўрадим:
- Ўғлим, бу нима деганинг?
У:
- Эҳҳ, ризқим торлигидан, етишмовчиликдан нолияпман-да ота, - деди.
Мен:
- Вафот этган отангга атаб ҳеч садақа қилдингми?, - деб сўрадим.
У:
- Дунё молидан ҳеч вақойим бўлмаса, қандай қилиб уларга садақа қилай?
Мен:
- Арзимаган оддий нарсанг бўлса ҳам чиқариб, садақа қилиб юборгин болам.
Йигит менинг гапларимдан ғазабланиб, челагидаги сувдан уч чўмич олдида, қирғоқ томон улоқтириб деди:
- Мана шу, отамга қилган садақам бўлсин. Мен бундан ортиқ нарсани садақа қилолмайман.

Шу туни мен яна ўша кекса одамни тушимда кўрдим. У жудаям масрур ва қувноқ эди. Мен ундан:
- «Ҳозир аҳволингиз қандай?» , деб сўрадим.
У деди:
- Ўғлим менга деб озгина сув атади. Сувнинг менга нафи тегиб, ғамимни парчалаб ювиб кетди.
Сўнгра мен Аллоҳдан ўғлимнинг ҳалол ризқини кенг қилишини сўраб дуо қилдим.
Шунда мен дедим:
- Ўғлингизни қуйган сувида сизга ажр ва савоб келтирадиган ҳеч қандай қимматбаҳо нарса бўлмаган эдику. Кошки эди бирон бир кишининг чанқоғини қондирган бўлса.
Кекса чол деди:
- Ўғлимнинг оз миқдордаги атаган суви дарёдан чиқиб қолган ва охирги нафасини олаётган миттигина балиқчага етиб бориб, уни дарёгача оқизиб кетди. Шундай қилиб, озгинагина сув хушсиз ётган балиқчани ўлимдан қутилиб қолишига сабабчи бўлиб қолди. Мана шу ўғлим томондан келган хайрлиги туфайли Аллоҳ таоло мени кароматлади. Мен эса Аллоҳ таолога дуо қилиб, ўғлимни бу дунёсида ҳам, охиратида ҳам хайрлик билан ризқлантиришини сўраб дуо қилдим.

Донишманд ўз қовлида давом этиб деди:
- Орадан бир неча ойлар ўтгач, йигитни мол-давлати ортиб, бой ва бадавлат бўлиб кетганига ўзим гувоҳи бўлдим.

Озгина бўлса ҳам ато этишдан ҳаё қилманг. Маҳрум қолишдан, озгина бўлса ҳам берилган садақа хайрлироқдир.
Ота онанинг меҳри уларнинг вафотидан сўнг ҳам давом этаверар экан. Чунки Аллоҳ азза ва жалла ота онамиз вафот этгандан кейин ҳам уларнинг меҳри бизга етиб туриши учун бизга бир эшикни очиб қўяр экан.

@boshlangich_talim_uz Ochish/sharhlash

2021-01-10 14:27:57 Халқ таълими вазирлиги фарзандини мактабга юбормайдиган ота-оналардан уйида зарур шарт-шароит яратиб беришларини сўрайди

Ҳурматли ота-оналар!

Куни кеча III чоракдан барча мактабларда ўқув жараёнлари тўлиқ анъанавий шаклга ўтказилиши тўғрисидаги хабарнома ижтимоий тармоқларда кўплаб тушунмовчилик ва эътирозларга сабаб бўлмоқда.

Айтиш жоизки, мамлакатимизда мактаблар 2020 йил сентябрь ойидан санитар-эпидемиологик талабларга жавоб берган ҳолда босқичма-босқич фаолиятини тиклади.

Қишки таътилдан аввал, республика ўқувчиларининг 90 фоизи анъанавий таълимга қайтди. Қолган 10 фоиз ўқувчиларни ҳам келажагига бефарқ бўлмай, уларни ҳам мактаб таълимига бевосита қамраб олиш мақсад қилинган эди.

Халқ таълими вазирлиги ҳавотирга ўрин йўқ эканлигини, уйида касаллик тарқалишига ҳавотир катта бўлган, кекса одамлари бор ҳамда саломатлигида сурункали хасталиги бўлган ўқувчиларнинг таълим олиши учун параллель равишда “Онлайн-мактаб” лойиҳаси ҳам давом эттирилишини маълум қилади.

Бундай оилалар аввалги чоракдагидек ўқишларини уйидан давом эттиришларига имконият яратилади.

Азиз ота-оналар!

Ўқувчилар ўртасида ўтказилган сўровномаларда уларга карантин даврида ўқитувчилари ва тенгдошлари билан ўзаро бевосита мулоқот етишмагани аниқланди.

Мактабга бормаётган ўқувчилар эса афсуски, ана шундай имкониятдан маҳрум бўлиб қолмоқда, бола учун дўстлари билан доимий мулоқотда бўлиш ва улар билан бир жамоа бўлиб таълим олиш жуда муҳим, ҳеч қандай энг замонавий технология айнан шу муҳитни бола учун таъминлаб бера олмайди.

Шу ўринда фарзандини мактабга юбормайдиган ота-оналардан, уларнинг вақтини бесамар ўтказмасликлари ҳамда уйда таълим олишлари учун барча зарур шарт-шароитларни яратиб, уларни тўлиқ назоратга олишларини сўраб қоламиз.

Манба: Халқ таълими вазирлиги телеграм канали.

@boshlangich_talim_uz Ochish/sharhlash

2021-01-09 18:08:37 III чоракдан барча мактабларда ўқув жараёнлари тўлиқ анъанавий шаклга ўтказилади

Хабарингиз бор, 2020-2021 ўқув йилининг биринчи ярим йиллигида ўқув жараёни юртимиздаги эпидемиологик вазиятни инобатга олган ҳолда, ота-оналарнинг ихтиёрига кўра анъанавий ва масофавий шаклда олиб борилди.

Халқ таълими вазирлиги юртимизда эпидемиологик вазият барқарорлашгани, иккинчи чорак якунига қадар 90 фоиздан ортиқ ўқувчилар анъанавий шаклда таълим олиш мақсадида мактабга қайтганини инобатга олиб, 2021 йилнинг 11 январидан (III чорак) барча мактабларда ўқув жараёнлари тўлиқ анъанавий шаклга ўтказилишини маълум қилади.

Айтиш жоизки, ўқувчиларнинг соғлигини ҳимоялаш бўйича ўз вақтида кўрилган чоралар натижасида ўқув йилининг биринчи ярим йиллиги давомида анъанавий шаклда таълим жараёни йўлга қўйилган мактабларда эпидемиологик вазиятнинг барқарорлиги таъминланди.

Таҳлиллар шуни кўрсатмоқдаки, икки чорак давомида масофавий таълим олиш жараёнида ўқувчиларнинг дарсларни тўлиқ ўзлаштиришларига етарли имконият бермади, айрим ҳолатларда ўқувчилар телевизион дарсларни кўриш ва ўрганиш ўрнига вақтини бесамар ўтказиш ва ота-оналар томонидан етарли назорат этилмаслиги оқибатида вояга етмаганлар ўртасида ҳуқуқбузарлик ҳолатлари ҳам кузатилди.

Шу боис, ота-оналардан фарзандларининг келажаги учун ўз вақтида билим олишларига шароит яратишлари ва мактабга юборишларини сўраб қоламиз.

Ўз ўрнида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари барча умумтаълим мактабларида қишки мавсумда иссиқлик тизимини барқарор ишлаши, ўқувчиларнинг соғлигини ҳимоялаш билан боғлиқ ташкилий чораларни кўриш, санитария-гигиена ва дезинфекция воситалари билан таъминлашлари талаб этилади.

@boshlangich_talim_uz Ochish/sharhlash

2021-01-06 16:41:42 1 ФЕВРАЛДАН МАКТАБ ХОДИМЛАРИ ҚАНЧА ОЙЛИК ОЛАДИ?

Мактаб директори:
2 млн 895 минг 519 сўм (400 ўқувчигача)
3 млн 091 минг 715 сўм (401-880 ўқувчигача)
3 млн 278 минг 418 сўм (881-1600 ўқувчигача)
3 млн 467 минг 983 сўм (1600дан ортиқ)

Директор ўринбосарлари: (ММИБДЎ, ЎТИБДЎ)
2 млн 704 минг 330 сўм (400 ўқувчигача)
2 млн 895 минг 519 сўм (401-880 ўқувчигача)
3 млн 091 минг 715 сўм (881-1600 ўқувчигача)
3 млн 278 минг 418 сўм (1600дан ортиқ)

Директорнинг ҳўжалик ишлари бўйича ўринбосари:
1 млн 251 минг 639 сўм (401-880 ўқувчигача)
1 млн 360 минг 574 сўм (881-1600 ўқувчигача)
1 млн 473 минг 637 сўм (1600дан ортиқ)

ЧҚБТ раҳбари:
1 млн 493 минг 075 сўм (400 ўқувчигача)
1 млн 596 минг 402 сўм (401-880 ўқувчигача)
1 млн 709 минг 293 сўм (881-1600 ўқувчигача)
1 млн 825 минг 106 сўм (1600дан ортиқ)

1 апрелдан ЧҚБТ раҳбари:
2 млн 90 минг 399 сўм (400 ўқувчигача)
2 млн 193 минг 726 сўм (401-880 ўқувчигача)
2 млн 306 минг 617 сўм (881-1600 ўқувчигача)
2 млн 422 минг 430 сўм (1600дан ортиқ)

Ёшлар етакчиси – 2 млн 90 минг 399 сўм

Ижодий-маданий масалалар бўйича тарғиботчи – 2 млн 90 минг 399 сўм

Психолог – 1 млн 881 минг 359 сўм

Ўқитувчилар – 2 млн 90 минг 399 сўм

Олий тоифали ўқитувчи – 2 млн 881 минг 828 сўм

Биринчи тоифали ўқитувчи – 2 млн 607 минг 826 сўм

Иккинчи тоифали ўқитувчи – 2 млн 340 минг 317

Ўрта махсус маълумотли ўқитувчи – 1 млн 954 минг 033 сўм

Мактаб лаборанти (1 ст)– 1 млн 34 минг 211 сўм

Мактаб фарроши – 747 минг 300 сўм

Кадрлар бўйича менежер (инспектор) – 786 минг 867 сўм

Кутубхоначи (ўрта махсус) – 994 минг 752 сўм
Кутубхона мудири (ўрта махсус) – 1 млн 147 минг 151 сўм
Кутубхоначи (олий маълумотли) – 1 млн 47 минг 106 сўм
Кутубхона мудири (олий маълумотли) – 1 млн 251 минг 639 сўм

@xalq_talimi_xodimi Ochish/sharhlash

2021-01-05 05:23:50 #YANGILIK USTOZJONLAR

ENDI OʻQITUVCHILAR USTAMA OLISH UCHUN MAQOLA YOZISHLARI SHART EMAS

Maʼlumki, ilgari oʻqituvchilar 823-sonli qaror boʻyicha ustama olish uchun albatta biron-bir jurnal yoki gazetada maqolasi chiqqan boʻlishi kerak edi. Chunki, 823-sonli qaror boʻyicha oʻqituvchi baholanayotgan oʻquv yilida ommaviy axborot vositalari, taʼlimga oid veb-saytlardagi chiqishlari, ilmiy-metodik jurnallardagi hamda turli konferensiyalarda maqolalar, tezislar, konsepsiyalar, istiqbolli rejalari bilan qatnashish orqali taʼlim-tarbiya jarayonini yanada yaxshilashga oid ishlari boʻlishi talab etilardi.

Yaqinda, bloger Isroil Tillaboyev ham 823-sonli qarorga oʻzgartirish kiritilayotganligi haqida xabar berib, baholash mezonidan #maqola yozish bandi #olib tashlanishi mumkinligini aytgandi.

Sababi, 823-sonli qarorning aynan shu bandi ijtimoiy tarmoqlarda juda koʻplab muhokamalarga sabab boʻlgandi. Oldingi 823-qaroriga koʻra, tizimida koʻpchilik oʻqituvchilar sifatli dars oʻtish, bola bilan koʻproq ishlash oʻrniga darsini ommalashtirish, maqola yozish (koʻp hollarda yozdirish) bilan ovora boʻlib qolayotgandi.

Haqiqatdan ham ustama olish uchun oʻqituvchilarning maqola yozib chiqishi oʻzini oqlamadi. Sababi, #maqolalar #pulga yozdirildi. Oʻqituvchi oʻzi mehnat qilmadi. Buning ortidan esa turli xil koʻrinishdagi jurnal va boʻlar-boʻlmas konferensiyalar koʻpayib, koʻpchilik oʻqituvchilarning pullari havoga sovurildi. Chunki, oʻqituvchilar maqolasi bilan bu konferensiyada qatnashsa, maqolaning bir beti uchun 15-20 ming soʻm miqdorda pul toʻlanardi.

Nihoyat, Hukumat qarori bilan Vazirlar Mahkamasining “Umumiy oʻrta taʼlim muassasalarining oʻrnak koʻrsatgan xodimlarini moddiy ragʻbatlantirish tartibini takomillashtirish toʻgʻrisida” 2019-yil 30-sentyabrdagi 823-son qaroriga oʻzgartirish va qoʻshimchalar kiritildi.

Yangi qarorda maqola yozish bandi olib tashlandi. Endi asosiy eʼtibor oʻqituvchining chiqargan sinfi, oʻquvchi bilan ishlashi, seminarlarda dars oʻtishi, tashkil etgan ochiq darslari, oʻtkazgan tadbirlarining sifati, oʻquvchilarning oʻzlashtirish samaradorligi, xalqaro tadqiqotlarga oʻquvchilarni tayyorlab borishi, oʻquvchilarining fan olimpiadalarida qatnashishi va ish stajiga qaratiladi.

P.S: Endi oʻqituvchilar kimlargadir pul berib gazeta va jurnallarda maqola chiqarish va umuman samara bermaydigan tezislar yozib konferensiyalarda qatnashishi shart emas.

https://t.me/boshlangich_talim_uz

@ustozlar_uchun2 Ochish/sharhlash

2021-01-04 12:36:28 Педагог-ходимларни Директор жамғармаси орқали моддий рағбатлантириш тизими такомиллаштирилди

Маълумки, умумий ўрта таълим муассасаларининг ўрнак кўрсатган ходимларини моддий рағбатлантириш, жумладан Директор жамғармасидан фойдаланиш Вазирлар Маҳкамасининг 2019 йил 30 сентябрдаги 823-сон қарори асосида ташкил этилиб келинган.

Ўтган ўқув йили давомида қарор билан тасдиқланган Низом талабларини амалиётга қўллаш жараёнида устамларни белгилаш бўйича ортиқча қоғозбозлик, ўқитувчилар фаолиятини баҳолаш мезонларида бир қатор ноаниқликлар яққол кўзга ташланди.

Айрим нормалардаги мавҳумликларни аниқлик киритиш лозимлиги умумий ўрта таълим муассасаларининг ўрнак кўрсатган ходимларини моддий рағбатлантириш тартибига тегишли ўзгартириш ва қўшимчалар киритиш заруратини юзага келтирди.

Шунинг учун, Ўзбекистон Республикаси Вазирлар Маҳкамасининг 2020 йил 31 декабрдаги “Вазирлар Маҳкамасининг “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида” 2019 йил 30 сентябрдаги 823-сон қарорига ўзгартириш ва қўшимчалар киритиш ҳақида” 831-сонли қарори қабул қилинди.

Киритилган ўзгартириш ва қўшимчаларга асосида қуйидагилар кўзда тутилган:

умумтаълим мактабларидаги педагог, психолог ва кутубхона ходимлари фаолиятини очиқ маълумотлар орқали баҳолаш;
халқаро фан олимпиадаларга ўқувчиларни тайёрлаб бориш учун ўқитувчиларда мотивацияни орттириш;
ўқувчиларни халқаро баҳолаш тадқиқотларига тизимли равишда тайёрлаб борадиган ўқитувчиларга ҳар ойлик 100 фоизлик устамалар белгилаш;
мактабларда таълим сифатини оширишга қаратилган методик хизматни яхшилашни рағбатлантириш мақсадида фан метод бирлашмалари раҳбарлари учун ҳар ойлик устамаларни 5 фоизда 10 фоизга ошириш;
битирувчиларни олий таълим муассасаларига ўқишга киришга пухта тайёрлаш, касбга йўналтириш ва бандлигини таъминлаш борасида мактаб раҳбарларини рағбатлантириш;
педагогик жамоалар ва таълим муассасалари ўртасида соғлом рақобат муҳитини яратишга эришиш кўзда тутилган.

Бундан ташқари, янги қарорга асосан:

умумтаълим мактабларидаги психолог ва кутубхона ходимларига устама белгилашда ушбу устамага лойиқ кўрилган ходимлар 50 фоиздан ошмаслик чеклови бекор қилинди;
мактабларнинг фан йўналишлари бўйича услубий бирлашмалари раҳбарлари базавий тариф ставкаларига устама белгилашда аниқ 6 турдаги мезон белгиланди;
баҳолаш мезонларининг шаффофлашуви ва қисқариши натижасида жами мезонлар сони мақбуллаштирилиб, 20 фоизга камайди;
устама олиш учун талабгорлар томонидан тўлдирилиши керак бўлган ҳужжатлар сони 60 фоизга камайиб, эндиликда талабгор фақатгина 3 номдаги ҳужжатни тўлдириши назарда тутилмоқда.

Ўйлаймизки, Директор жамғармасидан фойдаланиш тартибига киритилган ўзгартириш ва қўшимчалар мактабларда фаолият кўрсатаётган ходимлар, жумладан, ўқитувчилар меҳнатини муносиб раҳбатлантиришга хизмат қилади.

@xalq_talimi_xodimi Ochish/sharhlash

2021-01-03 20:01:48 Ertadan boshlab ID-kartalarni berish boshlanadi!
2011-yilgi namunadagi biometrik pasportlarni ID-kartalarga almashtirish jarayoni 2021-yil 4-yanvardan boshlanadi.
Buning barcha texnik imkoniyatlar shay holatga keltirilgan. Uning narxi BHMning 89 foizini, yaʼni 198 ming 470 soʻmni tashkil etadi.
ID-kartalari zarur hujjatlar va maʼlumotlar qabul qilib olingandan soʻng bir ish kuni mobaynida rasmiylashtirib beriladi.
ID-kartalar ikki bosqichda beriladi. 2021-yil 1-yanvardan 2022-yil 31-dekabrgacha davom etadigan 1-bosqichda ixtiyoriylik asosida 16 yoshga toʻlganda hamda qonunchilikda koʻzda tutilgan boshqa sabablarga koʻra ID-kartalar beriladi.
2023-yil 1-yanvardan 2030-yil 31-dekabr oraligʻida ID-kartalar fuqarolarga majburiy tartibda almashtiriladi.
Oʻzbekiston fuqarosining 2011-yil namunadagi biometrik pasporti 2031-yil 1-yanvardan boshlab haqiqiy emas, deb hisoblanadi.

https://t.me/boshlangich_talim_uz Ochish/sharhlash

2021-01-03 20:01:48 Эртадан бошлаб ID-карталарни бериш бошланади!
2011 йилги намунадаги биометрик паспортларни ID-карталарга алмаштириш жараёни 2021 йил 4 январдан бошланади.
Бунинг барча техник имкониятлар шай ҳолатга келтирилган. Унинг нархи БҲМнинг 89 фоизини, яъни 198 минг 470 сўмни ташкил этади.
ID-карталари зарур ҳужжатлар ва маълумотлар қабул қилиб олингандан сўнг бир иш куни мобайнида расмийлаштириб берилади.
ID-карталар икки босқичда берилади. 2021 йил 1 январдан 2022 йил 31 декабргача давом этадиган 1-босқичда ихтиёрийлик асосида 16 ёшга тўлганда ҳамда қонунчиликда кўзда тутилган бошқа сабабларга кўра ID-карталар берилади.
2023 йил 1 январдан 2030 йил 31 декабр оралиғида ID-карталар фуқароларга мажбурий тартибда алмаштирилади.
Ўзбекистон фуқаросининг 2011 йил намунадаги биометрик паспорти 2031 йил 1 январдан бошлаб ҳақиқий эмас, деб ҳисобланади.

https://t.me/boshlangich_talim_uz Ochish/sharhlash

2021-01-03 15:23:57 #Eslatma

OʻQITUVCHILAR 1-YANVARDAN BOSHLAB USTAMA OLISHLARI MUMKIN

Maktablarda ishlaydigan xodimlarga direktor jamgʻarmasi mablagʻlari hisobidan toʻlovlar hisoblash yangi yildan davom etadi. 

2021-yil 1-yanvardan boshlab, oʻqituvchilarga direktor jamgʻarmasi mablagʻlari hisobidan toʻlovlar hisoblanishi davom etadi.

Chunki, byudjet tashkilotlarida ishlaydigan xodimlarga direktor jamgʻarmasi mablagʻlari hisobidan toʻlovlar hisoblanishi toʻxtatib turilishiga oid hukumat qaror loyihasi tayyorlanmadi. Yaʼni, qoʻshimcha toʻlovlarni toʻlamaslik boʻyicha hech qanday koʻrsatma berilmadi.

Xabaringiz bor dastlab, Vazirlar Mahkamasining 2020-yil 16-apreldagi 232-sonli qarori bilan oʻqituvchilarga beriladigan qoʻshimcha ustamalarni 2020-yilning 16-aprelidan 1-oktyabriga qadar toʻxtatib turish belgilangan edi.

Keyinroq esa “2020-yil uchun Oʻzbekiston Respublikasi Davlat byudjetining barqarorligini taʼminlash va xarajatlarini maqbullashtirish chora-tadbirlari toʻgʻrisida”gi Hukumat qarori bilan bu muddat 1-yanvargacha uzaytirildi.

Umumiy qilib aytganda oʻqituvchilar aprel oyidan buyon qoʻshimcha ustamalarni olmayotgan edi.

Ayni paytda muddatni yana uzaytirish boʻyicha biror harakat yoʻq. Demak, hukumatning amaldagi qarori boʻyicha toʻlovlar hisoblanishini toʻxtatib turish 1-yanvardan boshlab oʻz kuchini yoʻqotdi.

Ana endi pedagog xodimlar 2021-yil 1-yanvardan boshlab, direktor jamgʻarmasi mablagʻlari hisobidan toʻlanadigan qoʻshimcha toʻlovlarni olishlari mumkin.

https://t.me/boshlangich_talim_uz Ochish/sharhlash