2021-01-16 19:18:55
Bestsellerlar haqida"Bu ikki element menga ovqatlardagi shakar va yog‘ (sugar and fat)ni eslatadi. Aytadilarki, ovqatlarda eng arzon masalliq shu ikkalasi ekan. Aksar ovqat shu ikkalasi sabab sotilar ekan. Shu ikkalasi ovqat industriyasining asosiy sotish vositalari ekan.
Oqibatda bunday asarlar sabab jamiyatning saviyasi tubanlashadi, xuddi ovqatdagi mazkur ikki element sabab hamma semirib, cho‘chqaga aylanib ketayotgandek."
Bu tepadagini Mahmud Usmon degan akamiz yozgandi fbda, aka nimani nazarda tutganini post oxirida tushunasiz)
Kecha Doctor‘s mind‘ bestsellerlar haqida post qoldirgandi. Bestsellerlar xitlar, to‘g‘ri.
Har davrning o‘z talabi bo‘ladi. Xitlar aynan shu talablar asosiga xit darajasiga chiqadi. Misol uchun, bir asr oldin bizni odamlar repni qabul qilolmasdi.
XXI-asrga kelib, kitoblar savdosida self-help kitoblarga talab nihoyatda oshdi. Chunki sen har doim tez omadli va baxtli bo‘lishni istaysan. Bundan tashqari ur-yiqit va fahsh kitoblar doim trendda.
Mana deylik, mening o‘rtoqlarim self-helplarga qanday qaraydi? O‘zi zo‘rg‘a majburlanib bir-bir badiiy o‘qib turadi(o‘sha ham 3-4 tasi), lekin "Boy ota, kambag‘al ota", "Muvaffaqiyat sirlari" va "Boy bo‘lishning sirlari" kitobini dunyodagi eng yaxshi kitoblardan sanaydi, chunki boshqa o‘qimaganam-da... Yana o‘qigan bo‘lsa ham, ularni bunchalik mushtoq bo‘lib o‘qimagan. Nafaqat mening o‘rtoqlarim, boshqa ko‘pchlik "kitobxonlar"da ham bu hol mavjud. Ular uchun muvaffaqiyat biron yerga yashirib qo‘yilgan "xazina" va bu kitoblar o‘sha yashiringan "xazina"ni xaritasi
Ur-yiqit va fahshni o‘qiydiganlarni ham tushunsa bo‘ladi - yashirib qo‘yilgan shokolad shirindir-a? Boshida real voqealarga asoslangan deyilgan-ku, anau Dostoevskiyni katta romanlarini ko‘rib, rangi oqargandan ko‘ra, shular yaxshi-ku, axir! Shokoladni sevmay bo‘lmaydi-ku, tushunsak-chi
Hay, biroz kulib o‘qinglar deyapman-da) Men bular bilan nima demoqchiman, hozirgi kunda bestseller - ko‘p sotiladigan xit kitoblar shu "Yaxshi uxlashning 101 ta siri", "Sevgisiga yetmagan bola" va "Yosh qizni sho‘r peshonasi" kabi kitoblar. Lekin, bundan tashqari badiiy, non-fiction, original self-help bestsellerlar ham mavjud. Ammo ularga talab bizda nihoyatda past. Bizda bugungi kunda bestseller deganda shunday o‘rtachadanam past, o‘qishga arzimaydigan lekin, ko‘p sotilgan kitoblar nazarda tutilishi kerak.
Ommani tanlovi sizga yaxshi foyda beradi deb o‘ylasangiz, siz ommaga qul bo‘lib yashab o‘tasiz. "Oqimda bo‘lma, oqim bo‘l".
O‘zingiz qiziqadigan sohada eng yaxshilarini o‘qishga urining. Klassiklarni seving va ardoqlang.
Kitoblarni bestseller bo‘lgani uchun ajratmang. Eng yaxshilar - eng qimmatlar emas. Eng yaxshilar - biz o‘zimizni topgan, tushungan va ruhan o‘stirgan asarlar.
@Bookvamper - Bestseller kitoblardan bo‘lsa, tashlab bering deydiganlarni yomon ko‘radigan kitobsimiruvchi
321 views16:18