2021-02-20 06:44:12
PALTOCHA
'ahraton qish. Oynaday muziagan asfalt ko'cha. Uning chetida bir kampir" cfiydiragancha turib, o'tgan mashinalarga q o i ko'taradi. Uzoqdan bo'sh
mashina ko'ringandi, kampir sirg'ana-sirg'ana uning qarshisiga chiqdi. "Volga" g'iyqillagancha siypanib to'xtadi. Kabinadan haydovchining barmoq o'qtalib
bo'g'ilgancha allanima degani eshitildi. Jonholatda kampir mashinaga yopishdi,
yalinib-yolvorgach, basavlat kiyingan haydovchi ilojsiz eshikni ochdi.
— Qayerga borasiz, xolamoyi?
Shartta mashinaga o'tirib olgan kampir uzoqqa imo qildi.
— Vaqtim ziq, xolamoyi. Tushadigan joyingizni ayting.
— Esginam qursin, — deb kampir peshonasiga urdi. U bundan bir soatcha
burun allaqaysi avtobus bekatida sumkasini unutib
qoldirgan ekan, shuni yig'lamoqdan beri bo'lib
gapirdi.
— Sumkada nimalar bor edi, xolamoyi?
— Yangi paltocha, yana boshqa mayda-chuydalar...
— Vey, qoldirgan joyingizda turarmidi. Boshko'zingizdan sadaqa endi. Sumkangizda tilla yo'q
ekan-ku, ishqilib!
Kampirning gumoni oshib, yuragi achishdi:
— Bugun nevaramning tug'ilgan kuni.
Paltochani maktabga kiyib bormoqchiydi.
— O'sha bekatda odam ko'pmidi, xolamoyi?
— U yonimda bir kishi, bu yonimda yelkasiga papka osgan qizaloq o'tiruvdi.
— Ko'rsangiz, taniysizmi o'sha bekatni?
Kampir indamay har tarafga alangladi. Haydovchining toqati toq bo'ldi.
— Ortiq olib yurolmayman ko'chama-ko'cha, xolamoyi. Vokzalga chiqib
ketyapman.
— Tag'in ozroq yur, jon bolam, manavi ko'chaga, — deya turib, kampir
birdan qichqirib yubordi. — Ana, ana shu.
U cho'ntagidan pul chiqardi-da, haydovchining yoniga tashladi. Haydovchi buni bilmaganga olib, kampirni mashinadan tushirdi. Ko'k soyabon ostidagi
skameykada o'n yoshli chamasi qizcha yelkasida papka, tizzasida jigarrang sumkani quchoqlaganicha diydirab o'tirardi. Kampir inqillab-sinqillab bordi-yu,
qizchani bag'riga bosdi. Ko'karib ketgan betlarini silab-siypab:
— Voy, umringdan baraka topkur, tasaddug'ing ketay, bolajonim-e, yaxshiyam sen borsan-a! — deya duo qila ketdi.
— Hali avtobusga chiqayotganingizda ketingizdan sumkani oborgan edim,
qaramasdan ketib qoldingiz, — dedi qizcha.
— Esginam qursin, — deb kampir duxoba paltosi cho'ntagidan bir so'm
chiqarib qizga uzatdi. Qizcha xuddi xunuk narsaga ko'zi tushganday ijirg'andi,
pulni olmasdan kampirning betiga "nima uchun?" deganday kinoyali qarab
qo'ydi-da, yo'lakdan pildirab jo'nadi. Kampir uning ketidan:
— Munchayam orli, tortinchoq bo'lmasang, hoy, qiz, otingni ham aytmading-a, — deb angraygancha qoldi.
1.9K views03:44