Бахтиқаро маликам Бугун аёл бахти куни экан. Лекин негадир м | BlogerUz | ортга йўл йўқ!

Бахтиқаро маликам

Бугун аёл бахти куни экан.
Лекин негадир мен бир аёлни бахтиқаро қилишгани ҳақида чуқур ўйга толдим. Балки бунга XXIV қишқи олимпиада ўйинлари якуни сабаб бўлгандир. 109 та медаллар жамламаси учун 15 та спорт турида 92 давлат вакиллари ғолиблик учун кураш олиб боришди. 2871 нафар “Оқ олимпиада” иштирокчилари орасида Ўзбекистондан биргина вакил қатнашди. Бу жуда ҳам уятли ҳолат. Менимча биз ўз юртдошимизни хор қилганимиз учун ҳали–вери ўнгланмасак, тавқфи лаънатдан қутилмасак керак.

2019 йилда Наврўз байрами арафасида Новосибирск қабристонларидан бирида мўъжаз қабр пайдо бўлди. Бу қабрга 51 ёшли Лина Анатольевна Черязова қўйилганди. 1994 йилда Норвегиянинг Лиллехеммерида ўтган Олимпиада ўйинларида Ўзбекистон учун ягона олтин медални олиб берган, узоқ йиллик хасталик ва инсоний қадр қиммати топталишидан ўксиб-ўксиб дунёни тарк этди. Унга берилиши керак бўлган квартира, унвонлар берилмади. Лекин у Ўзбекистон деган юртни жонидан ортиқ севар эди. Ва бу муҳаббат уни сўнги нафасигача тарк этмаганига ишонаман. Фристайл бўйича жаҳон кубогида ўзбекистонлик қизнинг қатнашиши қанчалик қизик эди.

Қишки спорт турлари айниқса тоғ-чанғи турлари чимёндагина ҳаваскорлик даражасида ўтадиган давлат фуқароси, Россия Федерацияси эмас, Ўзбекистон номидан қатнашишга қарор қилди. “Оқ олимпиада” олтини унга ниҳоясиз изтирблар олиб келишини билганида балки у бугун орамиздаги оддий одамлар қаторида тирик бўларди. Энди кеч.

ЛИНА АЗИЗИМ биз гумроҳ юртдошларингни кечир ва дуоибад қилмаганинг рост бўлсин. 64 катакли шоҳмот тахтаси атрофидаги машмашаларга ечим топа олмаётган бу жамият қачон спортчини оёқ ости қилиш, аёл шаънини иснод қилишдан тўхтар экан...

Шаҳматимиз маликаларига эса фақат ва фақат оқ йўл ва энг юқори шоҳсупаларни тилайман! Бизга муштумзўрлар кўпроқ асқотадиган кўринаяпти. ММА ва боксчилар даврони экан.

Нима ҳам дердик?!

Царство небесное тебе, Лина Анатольевна! Миллати бошқа бўлса ҳам шу юртда киндик қони тўкилган ва Ўзбекистонни сиз ва биздан ортиқ севиб қолувчи юртдошлар барчангизни осмон қадар севаман.

@blogeruzofficial каналига уланинг!