Уйингизга тинчлик тилайман “Ассалому алейкум' ибораси уйингиз | BlogerUz | ортга йўл йўқ!

Уйингизга тинчлик тилайман

“Ассалому алейкум" ибораси уйингизга тинчлик тилайман маъносини билдиришига барчамизга маълум. Дунё халқ ва элатларида саломлашиш турли кўринишларда ифодаланади. ҳиндларнинг «намасте»си икки қўл кафтлари юзлаштирилиб юқорига йўналтирилиб қош рўпарасигача етказилади ва бу билан ўз худолари билан сўрашганликларини билдиришади. Конго халқларида ҳар икки қўл юзлашган кишилар томонидан ўзаро бир-бирига йўналтирилиб унга пуфлаш билан салом берилади.

Корейс ва хитойликлар салом-алигидан хабарингиз бор, уларда яна “бугун бирон нима тановул қилдингими” ёки “Бугун гуруч едингми"? Деган савол ҳам салом ўрнида ишлатилади. Жавоб эса худи бизларга ўхшаш раҳмат, ҳаммаси яхши каби ”ҳа едим “ деган жавоб янграйди.

Тибетликлар ўнг қўли билан бош кийимини ечиб олишади ва чап қўлни қулоққа қўйишиб, тилларини чиқаришади. Бу билан хаёлида ҳасад ва ғаламислик сизга нисбатан йўқлигини билдиришади. Полинезичликлар бир-бирининг елкасини силашади ўзаро ҳидлашишади ва бурунларини бир-бирига текизишади. Кенияда эса юзингизга тупиришса, дарҳол қўлни мушт қилиб “разборка”га тушиб кетманг, улар шундай сўрашишади.

Муҳаббат мамлакати Францияда машҳур «la bise» — икки ёноқ бўсаси ва “воздушный” бўсани қўлласа барчага маъқул келади. Таиландликлар жуда чиройли тарзда сўрашишади. Бундай сўрашиш ”Вай” деб аталади. Кафтлар бир-бирига юзлаштирилади ва бироз энгашган ҳолда кўкрак рўпараси ёки юзга яқинлаштирилади. Греландияда эса ҳарорат-40 0 С бўлиб турса ҳам ”Ажойиб обу-ҳаво” деган ибора билан саломлашилади.
Хуллас биргина сўрашиш одоблари ва одатлари бир олам. Ўқинг, билим олинг, чинда бўлса ҳам. Бундан фақат ютасиз. Сўнгида эса ислом нуқтаий назаридан саломлашишнинг баъзи бир жиҳатларини келтириб ўтамиз. Ҳусайн Воиз Кошифий бундай ёзади: «Агар «Саломга жавоб бериш одоби қайси?» деб сўрасалар, «Бунинг еттита шарти бор», деб айт. Биринчидан, саломга хурсанд бўлиб алик олиш.

Иккинчидан, салом берганга «Раҳмат», дейиш. Учинчидан, Ислом миллатига мансуб бўлмаган одам салом берса ҳам алик олиш. Тўртинчидан, саломга алик олувчининг ҳам таҳоратли, пок бўлиши. Бешинчидан, кўп киши турган бўлса, ораларидан бир одам саломга жавоб қайтарса кифоялиги. Олтинчидан, саломга ишорат ёки имо билан эмас, овоз чиқариб алик олиш. Еттинчидан, саломга алик олганда салом берган кишининг эшитиши зарурлиги. Саломингиз бежавоб қолса ҳам, ўкинманг. Ҳалқаро саломлашиш кунида сизга саломларим бўлсин!

@blogeruzofficial каналига уланинг!