Қулупнай кўчатини танлашдаги аҳамиятли жиҳатлар: 1. Кўчатлар етилган бўлиши. Етилган кўчатлар нимжон кўчатларга нисбатан 2-3 баравар юқори самарадорлик беради. Кўчатлар етилиши учун камида 60-70 кун мобайнида парваришланиши зарур 2. Кўчатларнинг барг ва илдиз тизимида турли касалликларнинг мавжуд бўлмаслиги. Кўчат баргларидаги турли доғлар замбруғ касалликларидан, қуриган ёш барглар қулупнай канаси борлигидан, баргларидаги рангсизлик кўчат бўғзидаги фитофтороз некрози касаллигидан далолат қилади 3. Кўчатлар она кўчатхона (маточник) да тайёрланиб, махсус шароитда етиштирилган бўлиши. Кўчатлар мавсумда ҳосил олинган тубдан олинмаслиги лозим, чунки ҳосил бериш жараёнида она кўчат асосий кучини йўқотади. 4. Кўчат барглари тўқ яшил рангда бўлиши лозим 5. Кўчат бўғзи қалинлиги 0.7-0.8 см.дан кам бўлмаслиги керак. Кўчат бўғзининг йўғонлиги юқори ҳосил гарови ҳисобланади 6. Кўчат илдизларининг намлиги сақланган ҳолда бўлиши зарур
