ВИЛОЯТ РАҲБАРИ ҚИЗИЛТЕПАЛИК ДУОГЎЙ ОНАХОНАР ХОНАДОНИДА БЎЛДИ
Бугун Қизилтепа туманига ташрифи чоғида вилоят ҳокими вазифасини бажарувчи Нормат Турсунов бир гуруҳ нуроний онахонларнинг ҳолидан хабар олди.
Ташриф жараёнида илк манзил Иккинчи жаҳон уруши қатнашчиси, 96 ёшли Рашида ая Ишкулова хонадони бўлди. Нуроний онахон билан учрашувда вилоят раҳбари Рашида аяни байрам билан табриклаб, ҳол-аҳвол сўради. Самимий суҳбат жараёнида онахон уруш йилларидаги воқеаларни эслади, Мустақиллик давридаги ислоҳотларни эътироф этиб, юртимизга тинчлик, хонадонларга хотиржамлик сўраб дуо қилди.
Навбатдаги манзил “Ванғози” маҳалласидаги Азизовлар хонадони бўлди. Ташриф жараёнида ўз фарзандлари билан бирга яна 4 нафар қизларни тарбиялаётган оиланинг бу хайрли иши юқори баҳоланиб, вилоят ҳокими хонадон эгаларига миннатдорчилик билдирди.
Шу билан бирга, ушбу хонадонда истиқомат қилаётган 88 ёшли Холой ая Норқулова билан самимий суҳбатлашилди.
Навоий вилояти ҳокимлиги
ахборот хизмати.
