Bekpoʻlat Baxtiyor

2022-08-14 10:58:50 BOLAM

Koʻzlari dur, munchogʻim,
Ey, mening ovunchogʻim,
Baxtga oʻrar quchogʻim,
Koʻzimning nuri bolam,
Qalbimning duri bolam.

Alloh bergan neʼmatim,
Bagʻrimdagi jannatim,
Muhammadga ummatim,
Koʻzimning nuri bolam,
Qalbimning duri bolam.

Kulging quvnatar koʻnglim,
Koʻzingda ravshan yoʻlim,
Qaro koʻzim, jon, dilim,
Koʻzimning nuri bolam,
Qalbimning nuri bolam.

Zorlik koʻrmay ulgʻaygin,
Xorlik koʻrmay ulgʻaygin,
Sen bilan yuzim rangin,
Koʻzimning nuri bolam,
Qalbimning nuri bolam.

Ajdodlarga munosib,
Buyuklarga munosib,
Xur yasha, unib oʻsib,
Koʻzimning nuri bolam,
Qalbimning nuri bolam.

Bekpoʻlat BAXTIYOR

https://t.me/bekpolat_baxtiyor Ochish/sharhlash

2022-08-09 17:14:46 Prezidentimiz Shavkat Mirziyoyev Hindistonning Chennay shahrida bo‘lib o‘tgan 44-Butunjahon shaxmat olimpiadasida chempionlikni qo‘lga kiritgan jamoamiz bilan telefon orqali muloqot qilib, ularni ushbu buyuk g‘alaba bilan qizg‘in tabrikladi.

O‘zbekiston Prezidentining Matbuot xizmati

https://t.me/bekpolat_baxtiyor Ochish/sharhlash

2022-08-07 15:33:50 Toshkent viloyati Chorbogʻ (Chorvoq) oromgohidan fotolavhalar...

Bekpoʻlat BAXTIYOR

https://t.me/bekpolat_baxtiyor Ochish/sharhlash

2022-08-01 15:35:43 Kerak boʻlib qolsa, Twitterdagi profilimni ham eslatib oʻtay

Twitter / BekpolatBX Ochish/sharhlash

2022-07-31 09:28:54 BUNCHA SOXTA ODAMLAR

Soʻzlagani malomat,
Ko'zlagani mol-davlat,
Koʻp keltirar nadomat,
Sirli bosar qadamlar,
Buncha soxta odamlar...

Koʻngling boʻlsa gʻurbatda,
Yoʻqlasang musibatda,
Noming boʻlar gʻiybatda,
Qoʻl tutarlar hush damlar,
Buncha soxta odamlar...

Omonat bu dunyoda,
Inson boshi g'avg'oda.
Mehrlar ham savdoda,
Yurak toʻla alamlar.
Buncha soxta odamlar...

Bir-bir yoʻldan adashgan,
Shayton bilan sinashgan,
Afsus, dunyo talashgan,
Opa-singil, ukamlar,
Buncha soxta odamlar...

Tana boshqa dard bilmas,
Vafosiz ko'p, ahd bilmas,
Kerak payti yo'qlamas,
Oʻzgacha bir olamlar,
Buncha soxta odamlar...

Ishi tushsa muloyim,
Bekmi yoki begoyim,
Dardsiz dardkashdir doim,
Yozib, yozmas qalamlar,
Buncha soxta odamlar...

Yuzga aytsang xatosin,
Koʻrasan soʻng, javosin,
Yogʻdirar koʻp balosin,
Unut boʻlar yordamlar,
Buncha soxta odamlar...

Muhabbatda - manfaati,
Muhabbatda - nafrati,
Muhabbatsiz siyrati -
Alamzada sanamlar,
Buncha soxta odamlar...

Senda boʻlsa eʼtibor,
Boʻlsang mudom xaloskor,
Har kun holdan xabardor,
Sensiz oʻtmas bayramlar,
Buncha soxta odamlar...

Xoʻp tuslanar maftunkor,
Sodda odam, beozor,
Soʻngra bilsang, dilozor,
Pardozli qalb shiramlar,
Buncha soxta odamlar...

Bekpoʻlat BAXTIYOR

https://t.me/bekpolat_baxtiyor Ochish/sharhlash

2022-07-16 18:03:50 Oʻzbekiston davlat jahon tillari universiteti Xalqaro jurnalistika fakultetida 2022-2023 oʻquv yili uchun quyidagi taʼlim yoʻnalishlarida kunduzgi, kechki va sirtqi shaklda talabalar qabuli davom etmoqda:

“Xalqaro jurnalistika”,
“Axborot xizmati va jamoatchilik bilan aloqalar”,
“Siyosatshunoslik”.

Imtihonlar ijodiy va test shaklida oʻtkaziladi.

Biz sifatli taʼlimni kafolatlaymiz!

Murojaat uchun telefon: 97 777 80 54

https://t.me/bekpolat_baxtiyor Ochish/sharhlash

2022-07-13 19:19:25 Mehringizdan aylanay
SHAHNOZABONU
2015-yil

https://t.me/bekpolat_baxtiyor Ochish/sharhlash

2022-07-09 04:41:37 Assalomu alaykum!

Sizni va Siz orqali barcha oila aʼzolaringizni bugungi Qurbon hayit bayrami bilan chin qalbimdan muborakbod etaman.

Ulugʻ ayyom oilangizga doimiy fayz-u baraka, tinchlik xotirjamlik olib kelsin. Yurtimiz tinch, osmonimiz musaffo boʻlsin.

Hurmat bilan,
Bekpoʻlat BAXTIYOR
___

Ассалому алайкум!

Сизни ва Сиз орқали барча оила аъзоларингизни бугунги Қурбон ҳайит байрами билан чин қалбимдан муборакбод этаман.

Улуғ айём оилангизга доимий файзу барака, тинчлик хотиржамлик олиб келсин. Юртимиз тинч, осмонимиз мусаффо бўлсин.

Ҳурмат билан,
Бекпўлат БАХТИЁР

https://t.me/bekpolat_baxtiyor Ochish/sharhlash

2022-06-27 06:51:52 Bugun 27-iyun — Matbuot va ommaviy axborot vositalari kuni munosabati bilan xolislik va adolat kuychisi boʻlgan ustozlarimizni hamda barcha hamkasblarimizni chin qalbimdan muborakbod etaman.

Sizni tinchlik-omonlik, sihat-salomatlik oilaviy xotirjamlik sira tark etmasin. Zahmatli va sharafli kasbingizdan doimo kamol topib yuring.

Bayramingiz muborak boʻlsin aziz hamkasblar!

Bekpoʻlat BAXTIYOR

https://t.me/bekpolat_baxtiyor/ Ochish/sharhlash

2022-06-19 17:59:33 Tugadi...
0:2 Ochish/sharhlash