@BekalarUchun

2023-04-24 07:50:50 КЎККА ЕТМАГАН НОЛАЛАР

Ўшанда чамаси тўққиз ёшда эдим.
Саратоннинг авжи. Кун пешиндан оққан бўлса-да, қуёш олов пуркайди. Уйимиздаги катта шохтут тагидаги сим каравотимизни яхши кўрамиз. Ҳам салқин, ҳам шу каравотда ўтириб овқатланган мазза-да. Эски каравотни эски симларини ғижирлатиб “качалей” учиб, ердаги косага ёки тарвуз палласига талашиб тортишиб қўл чўзиб қорин тўйдирганмисиз? Э, яшаворинг! Унда мазза қилмабсиз, бу дунёга келмабсиз!
Катталарга ҳайронман. Нуқул "юриб нон ема, дастурхон ёзмай тамадди қилма!", - дея ҳол жонимизга қўйишмайди. Увол бўлармиш! Иштаҳамиз дастурхон атрофида эмас, антиқа жойларда очилса айбдор эмасмиз-ку!
Қорасувга кулчатой оқизиб ейиш, ўрикнинг тепасига чиқиб канфет шимиш, ошхона ойнасининг синган кўзига қўл чўзиб совуқ чойни банкадан ютоқиб ичиш, эгатда қизариб қолган қулупнайларни узмай, тиззалаб ўтириб тишлаш жони дилимиз бўлса. Бу ғаройиб одатларимиздан қорнимиз ҳам, иштаҳамиз ҳам мамнун эди...
Ўша йили рўза ёз ойларига тўғри келгани ёдимда. Уйдаги катталар нима сабабдан кун бўйи оч юришганига унчалик тушунмасак ҳам, айнан шу палла нишолдалар мавсуми бўлишини яхши билардик. Шунинг учун ҳам катталарнинг “оғзи ёпиқ” бўладиган рамазонни орзиқиб кутардик.
Хуллас, ўша куни ҳам укаларим билан сим каравотда качалей учардик. Тандирдан узилган иссиқ кулчаларни дадам олиб келган сопол косадаги нишолдага булаб паққос тушираётганимизда қўшни кўчадаги Холида хола бостириб кирса бўладими:
- Ҳой ким бор? Маликахону..Маликахон...
Уф! Яна шу кампирми? Ҳойнаҳой, кўк сомса олиб келгандир. Иштаҳани ҳам белига тепди. Ҳозир ойим уларга пешвоз чиқади-да, айланиб ўргилиб, сўрига таклиф қилади. Кейин кампирнинг минг ямоқ дастурхони очилиб, жонга теккан кўк сомсалар пайдо бўлади...
Шу кампир сал анақароқ. Алмойи жалмойи гаплари-ку майли, ичига ўт тўлдирилган сомсалари жонга тегди. Йил ўн икки ой сомса кўтариб юради. Байрамларни-ку қўяверинг. Наврўз, май, ноябрдаги парад, ҳаттоки қаҳратон қиш ҳукмрон бўлган – Янги йил байрами куни ҳам кўк сомсасиз кунимиз ўтмайдигандай қорбобони кутаётган пайтимиз “совға”сини кўтариб кириб келаверади.
Қачон қараманг бировларнинг томорқасида, ариқларнинг лабида куймаланиб ялпиз, отқулоқ, бедага ўхшаш еса бўладиган ўтлардан эски бўз халтачаси қаппайиб кетгунича тераверади. Қишда, ўт ўлан ковжираган ёз саратонида кўкни қаердан топаркин? Бу жумбоққа нафақат биз болаларнинг, катталарнинг ҳам ақли бовар қилмасди.
Айтганимдай бўлди. Ҳозиргина нон ёпиб бўлиб, тўкилган шафтолиларни тераётган ойим, липпаларига қиситириб олган кўйлак этакларни тушириб, чақирилмаган меҳмонга пешвоз чиқди. Қарасам, икки укам аллақачон қуённинг расмини чизишибди. Ҳар дойим шунақа, Холида хола келиши билан Музаффар ва Хуршида беркинишади. Ёки ямоқ дастурхон очилмай, холага қуюқ салом бериб кўчага қочишади. Аммо бу сафар улгуришмади чоғи, дарвоза олдида кампирнинг чангалига тушишди.
- Айланай болаларим тўхтанглар.
Сомсачининг “очил дастурхон”и очилдими, тамом! Қўлингга мажбур тутқазилган сомсани едирмай қўймайди. Уни алдаб ҳам бўлмайди. “Кейинроқ ейман” деб кўр-чи, ишониб бўпти! Оғзингга мажбур солдиргани етмагандай, кўзингдан ёш чиқиб аранг ютмагунинга қадар лўқ этиб қараб туради.
Балки сиз кўк сомсани яхши кўрарсиз? Э, сиз Холида холанинг чангалига тушмагансиз-да?! Ана укам ва синглимнинг аҳволини бир кўринг.
- Жон хола, хозиргина овқатландик, қорнимиз тўқ.
- Овқат? Майли бир чопсанг ҳазм бўлади. Кўкнинг ўрни бўлак. Кони фойда! Ҳой Маззамхон, санам кел!
Бормиман! Сопол косани ариқчада ювиш баҳонасида қочмоққа чоғландим, аммо ойимнинг зийрак нигоҳларига тутилиб, эшиттириб чуқур уф тортганча ортга қайтдим. Сомсаси бошидан қолсин! Неча марта едим деб, чайнаб юта олмаганларимни Жекнинг ялоғига тупуриб ташлаганимни билмайди-да.
Фақатгина биз эмас, Холида кампирни ҳамма болалар ёмон кўради. Ҳамида, Қодир, Отабек, Нурхон... Баъзилар кампирнинг қораси кўриниши билан дарвозани танбалаб олишади. Рост-да, мазза қилиб жевачка шишириб ёки Раззоқ бобонинг қуртини шимиб ўтирганингда қўлингга мажбур кўк сомса тутқазишса кимга ёқади? Гўштли бўлса ҳам майли. Ochish/sharhlash

2023-04-24 07:50:40 ASSALOMU ALAYKUM

Boshlab olgan yangi Kuningiz muborak bo'lsin! Xar bir ezgu ishlaringizda Alloh yor va yordamchi bõlsin

Qalbingiz iymonga,
Uyingiz quvonchga,
Yuzingiz nurlarga,

Kuningiz hayrli va Solih amallarga to'la bo'lsin!

Xonadoningizni fayzu baraka tark etmasin!

XAYRLI KUN


@BekalarUchun
Munis ayollar kanali Ochish/sharhlash

2023-04-23 19:10:56 Пешонадан ўпиш ва эпифиз бези

Росулуллоҳ саллоллоҳу алайҳи васалламнинг фарзандларимизни тез-тез ўпиб эркалашимиз ҳақидаги тавсиялари эсингиздами?! Замонавий тиббиёт ҳам буни тасдиқлади. Суннат амалларнинг аслида инсоният учун қанчалик фойдали эканлигини таъкидлаш ортиқча. Бизнинг фитратимизда мавжуд бўлган, вақт ўтиши билан одатий ҳолдек қабул қилинаётган кўплаб мусулмонларга хос амаллар аслида ҳаётимизда қанчалар аҳамиятга эгалигини биламизми?! Суратда кўриб турганингиз она боланинг сурати. Она боласининг пешонасидан ўпяпди. Пешонадан ўпилганда ўпаётган одамда ҳам, пешонасига ўпич қўндирилган одамда ҳам ажиб бир туйғу пайдо бўлади. Бунинг сабаби пешонадаги «Учинчи кўз» ҳисобланган эпифиз (pineal) безининг мавжудлигидир. Юздан ўпишдан фарқли ҳолда пешонадан ўпганда инсоннинг руҳиятига яқинлашасиз. Агар фарзандингиз инжиқлик қилаверса, уни тинчлантиришнинг энг яхши йўли пешонасидан ўпиш. Уйқуга ётаётганида ҳам пешонасидан ўпиб қўйсангиз бола хотиржам ва тиниқиб ухлайди. Шунингдек, боланинг басирати очилиб, ақлий малакаси мустаҳкамланади. Зеҳни ўткир, хотираси кучли бўлади. Гормонал ўзгаришлар ҳам меъёрда кечади, ўзига нисбатан ишончи ортади. Қўрқувлари камаяди, гапингизга қулоқ солади. Салоҳиятли бўлиб вояга етади. Чунки пешонанинг ўрта қисми зеҳнга таъсир қилиш нуқтаси ҳисобланади. Росулуллоҳ саллоллоҳу алайҳи васаллам болаларнинг пешоналаридан ўпардилар, ҳозирги замон мутахасислари ҳам буни тавсия қилишмоқда. Ҳар бир ишида ҳикмат бўлган пайғамбаримиз саллоллоҳу алайҳи васалламга сўнгсиз дуруду саловотлар бўлсин!

@BekalarUchun
https://t.me/joinchat/AAAAAEr77g1BcYHrWupM0g Ochish/sharhlash

2023-04-23 19:10:54 Ochish/sharhlash

2023-04-23 09:08:18 Торт Сникерс БЕЗ ДУХОВКИ!


@BekalarUchun
Munis ayollar kanali Ochish/sharhlash

2023-04-23 09:08:18 Tushlik uchun tez va oson tayyor bo'ladigan taom


@BekalarUchun
Munis ayollar kanali Ochish/sharhlash

2023-04-23 09:08:18 ҚАНДАЙ ҚИЛИБ...

#Албатта_ўқинг

САВОЛ: Қандай қилиб Жаннатда уйингиз бўлиши мумкин?
ЖАВОБ: Ихлос сурасини 10 марта ўқинг.

САВОЛ: Қандай қилиб Жаннатда хазинангиз бўлиши мумкин?
ЖАВОБ: “Лаа ҳавла ва лаа қуввата илла биллаҳ” ни айтинг.

САВОЛ: Қандай қилиб сизга Жаннатда хурмо дарахти экилиши мумкин?
ЖАВОБ: “Субҳаналлоҳил Азим ва биҳамдиҳ” деб айтинг.

САВОЛ: Қандай қилиб ҳар бир калима учун сизга Жаннатда дарахт бўлиши мумкин?
ЖАВОБ: “Субҳаналлоҳи валҳамдулиллаҳи ва лаа илаҳа иллаллоҳу валлоҳу Акбар”ни айтинг.

САВОЛ: Қандай қилиб гуноҳингиз денгиз кўпигича бўлсада мағфират қилинади?
ЖАВОБ: “Субҳаналлоҳи вабиҳамдиҳи”ни 100 бор айтинг. (ва гуноҳларга қайтманг)

САВОЛ: Қандай қилиб Аллоҳ таоло ғам-қайғуларингизга кифоя қилиши мумкин?
ЖАВОБ: “Ҳасбияллоҳу лаа илаҳа илла ҳува Алaйҳи таваккалту ва ҳува Роббул АршилАзим” ни 7 марта айтинг.

САВОЛ: Аллоҳ сиздан қандай рози бўлиши мумкин?
ЖАВОБ: “Розийту биллаҳи Роббан Ва бил Ислами дийнан Ва би-Муҳаммадин соллоллоҳу алайҳи васаллама набиййан ва росулан” деб 3 марта айтинг.

САВОЛ: Аллоҳ қандай қилиб гуноҳингизни мағфират этишимумкин?
ЖАВОБ: “Астағфируллоҳал Азималлази лаа илаҳа илла ҳувал Ҳаййул Қойюм ва атубуилайҳ”ни 3 марта айтинг.

САВОЛ: Қандай қилиб 1000 яхшиликка эришиб, сиздан 1000 ёмонлик ўчирилиши мумкин?
ЖАВОБ: “Субҳаналлоҳ”ни 100марта айтинг.

САВОЛ: Қандай қилиб Роҳманнинг арши мисолидек ҳасанотга эришиш мумкин?
ЖАВОБ: “Субҳаналлоҳи ва биҳамдиҳи ва зината аршиҳи” деб айтинг.

САВОЛ: Қандай қилиб махлуқотлар ададича, арш оғирлигича, Аллоҳнинг ризоси ва У Зотнинг сўзларининг сиёҳи мисолича ажрга эришиш мумкин?
ЖАВОБ: “Субҳаналлоҳи вабиҳамдиҳ адада холқиҳи ва ризо нафсиҳи ва зината аршиҳи ва мидада калиматиҳи” ни 3 марта айтинг.

САВОЛ: Қандай қилиб ҳар бир муслим ва муслима, мўмин ва мўмина учун яхшилик қила олишингиз мумкин?
ЖАВОБ: “Аллоҳуммағфир лий валил муслимина вал муслимат вал муъминина вал муъминат ал-аҳяу минҳум мамат” ни ўқинг.

САВОЛ: Қандай қилиб Қуръони каримни тўлиқ қироат қилганнинг ажрини олиш мумкин?
ЖАВОБ: Яна Ихлос сурасини 3 марта ўқинг.

САВОЛ: Қандай қилиб шу амалларни ҳаммасини бир неча баробари савобига эришиш мукин.
ЖАВОБ: Шу рисолани қўлингиздан келганча тарқатинг. Ҳар бир ўқиб амал қилганнинг савоби сизга келиб туради.


@BekalarUchun
Munis ayollar kanali Ochish/sharhlash

2023-04-23 08:59:35 “ҚОТИЛ” ГИЁҲЛАР!!!

Ўзбекистон Гинекологлари, ҳалқимиз меҳрини қозонган ва минг дарга даво ҳисобланган ушбу 10 хил доривор гиёҳни ҳомиладорликда истеьмол қилишни қатьиян ман қилишади.Ҳомила тушишига олиб келувчи ҳақиқий қотиллар.

Хавфли доривор гиёҳлар:

1)исириқ
2)укроп
3)…

Рўйхатни тўлиқ ўқиш…. Ochish/sharhlash

2023-04-23 07:51:45 ГУНОҲЛАР ОРТГАН САРИ...

Бир йигит тақдир тақозоси билан узоқ сафарга отланди. Йўлда ҳориб, бир катта дарахт соясида дам олиш учун ўтириб ухлаб қолди ва туш ҳам кўрди.
Тушида у катта йўлда бораётган эмиш, йўл четидаги бепоён далада кишилар буғдой экаётганмиш. Буғдой тезда етилар, улар ҳосилни йиғиб олиб, кейин ёқиб юборишаётган эмиш.
Бир одам катта тошни кўтаришга ҳаракат қилар, аммо уддалай олмасмиш. Бироқ устига бир тош қўшилса қийналмай кўтарар, учинчиси қўшилганда эса иши яна-да осонлашаётган эмиш.
Бир нечта киши қўйнинг устига миниб, югуртириб боришаётганмиш. Орқаларидан кўп одамлар чопишар, аммо етишолмасмиш...
Йигит уйғониб, тушини қандай таъбир қилишини билмай, хаёл билан катта бир шаҳарга кириб бораркан, унга биринчи учраган нуроний отахон бўлди. У кексаларга хос синовчанлик билан қаердан келаётгани ҳақида сўради. Йигит отахоннинг саволига жавоб берди ва тушида кўрган ғалати воқеаларни ҳам айтди, ҳикматини билмайсизми, деди. Отахон йигитнинг тушига шундай изоҳ берди:
– Далага экин экиб, йиғиб олган ҳосилини оловга отганлар яхшилик қилиб, кейин уни ҳамма жойда мақтаниб гапириб юрадиган одамларни ифодалайди. Тошга тош қўшиб кўтаргани сари иши енгил кечаётган киши эса шуни англатади: одамга илк қилган гуноҳи оғир келади. Аммо тавба қилмасдан яна бу йўлида давом этаверса, бориб-бориб гуноҳлар юкини ҳис қилмай қўяди. Қўй миниб олганларга келсак, унга минган – олимлар ва мўминлар. Югуриб етолмаганлар эса эътиқодсиз кишилардир.
Аллох кечиргувчи ва мехрибон. Аммо биз хам гунох килишдан тийилиб савоб ишлар килишга интилайлик.

@BekalarUchun
https://t.me/joinchat/AAAAAEr77g1BcYHrWupM0g Ochish/sharhlash

2023-04-23 07:51:18 ​​​Боядан бери индамай ўтирган ойим гапга аралашди.
– Ҳар ким ўзидан ўтганини ўзи билади, болам, – деди совуқ оҳангда. – Нима қиласиз бечорани уялтириб.
– Вой-вой-вой! Манов одамни қарайла! – Ҳури сатанг бирдан жиддий тортди. – Ман осин деб этагига осилвотманми?! Манам ўзимдан ўтганини ўзим биламан. Бирамас, иккита тирик етимни боқиб ўтирибман.
– Нима қипти сизга? – деди ойим қовоғини солиб. – Бинойидек юрибсиз.
Гули, ҳар қалай, шу матодан кўйлак кийишни жудаям хоҳлаётгани кўриниб турарди.
– Саксон сўмга бўладими? – деди секин.
– Саксон сўмга марожний об енг. Марожний осайиз, эрийиз билан маза қилиб ейсиз.
– Жудаям унақа ноинсофлик қилманг. – Ойим яна гапга аралашди. – Бир жойдаги одамлармиз, тобуткашмиз.
– Ўлсам, тобутим кўчада қолмас. Ким ўлади, ким қолади, худо билади! – Ҳури сатанг матони Гулининг қўлидан юлқиб олди. – Аввал буёғини бир ёқлик қилинг. Туғиб олгунингизча ҳали нима гапу нима сўз.
Гули эсанкираб қолди. Ойимнинг ранги ўчди.
– Нимага унақа дейсиз? – деди таҳдид билан. – Манга қаранг, қўйинг, иккинчи менинг эшигимга бунақа нарсаларни кўтариб келманг. – У пашша қўригандек қўлини силтади. – Боринг! Бунақа ҳаром-ҳариш нарсалардан ҳазар қиламан.
– Ҳо, бўйиз етмагандан кейин пуф сассиқ бўлдими! – Ҳури сатанг сумкасини кўтариб шахдам одимлар билан жўнаб кетди. Зум ўтмай хотинлар тарқалишди. Ойим ҳам ўрнидан турди. Бир оздан кейин хонасидан унинг овози эшитила бошлади:
– Ниятинг ўзингга йўлдош бўлгур, диёнатсиз! Ўзи-ку, икки йўлнинг ўртасида ўтирибди. Нима қиласан бечорага бунақа деб. – Ойимнинг қизиқ одати бор. Жаҳли чиқса, ўзи билан ўзи гаплашади. Ҳозир ҳам эшикдан секин мўраласам, дераза ёруғида тугма қадаб ўтирганча ўзига гапиряпти: – Ундан кўра эсон-омон қутулиб олгин, дегин, ёшсан, ҳали бундан яхшиларини киясан, дегин… Пул жонингни олгур, очофат, ўлсанг пулдан кафан қилмайди-ку, имонсиз!
Ҳаммасини билиб турсам ҳам эшикни очиб, секин сўрадим:
– Ҳа, ойи, кимни уришяпсиз?
У секин бурилди.
– Э, – деди қўл силтаб. – Ҳар хил одам бор экан-да, бу дунёда…
…Ўшандан кейин ҳам дарвоза олди одатдагидек гавжум бўлаверди. Болалар чуғурлашади, “шара-бара” келади, хотинлар тўпланади, фақат Ҳури сатанг бошқа кўринмади. Бироқ, икки ойча ўтгандан кейин қизиқ воқеа бўлди. Ишдан келиб ойимнинг хонасига кирсам, Ҳури сатанг ўтирибди. Кўзига сурма тортмагани учунми, йиғлагани учунми, қизариб, хунуклашиб кетибди. Лўппи юзи янаям шишиб, баркашдек бўлиб кетган. Синчиклаб қарасам, бриллиант тақинчоқлари ҳам, тилла узуклариям йўқ. У мени кўр-ди-ю, бир нимадан чўчигандек, шоша-пиша ҳовлига отилди.
– Нимага кепти? – дедим энсам қотиб.
Ойим сурилиб ёнидан жой кўрсатди. Тушундим, зарур гапи бор. Иккиланиброқ кўрпачага ўтирдим.
– Тинчликми?
Ойим дарров жавоб бермади. Чойнак устидаги латта қалпоқчани олиб чой қуйди.
– Очилип деганни танийсанми? – деди анчадан кейин.
Нима эди? дедим сергакланиб.
Ҳурини газетага уриб чиқмоқчи эмиш. Қўй, болам, шуни ёзмай қўя қолсин.
Танимайман дедим ёлғон гапириб.
Сен уни танимасанг ҳам, у сени танийди-ку, деди онам осойишталик билан.
Таниса нима қипти! дедим зарда билан. Биласиз мен бунақа ишларга аралашмайман!
Биламан болам биламан. Ойим ўйланиб қолди. Кейин яна ўша гапни қайтарди. Қўй шуни ёзмай қўя қолсин.
Энди росмана жаҳлим чиқа бошлади.
Қизиқсиз! дедим ғашим келиб. Қайси куни Ҳурини ўзингиз ҳайдаб юборгандингиз. Энди ёнини оляпсиз. Ким ўзи у! Битта ҳаромхўр чайқовчи-да
Ойим яна ўйланиб қолди
Тўғри, деди анчадан кейин. Ҳури ёмон, ҳаромхўр. Лекин бу бечора калтакесакнинг думидек гап, болам. Бунга оширадиганлар бошқа. Калтакесакнинг думини узганинг билан бошқаси ўсиб чиқаверади. У яна жимиб қолди. Чойингни ич деди юпатувчи оҳангда. Боласи бора бир эмас, иккита норасидаси бора ўғлим
Индамадим. Тўғриси нима дейишни ўзим ҳам билмасдим. Бу онамнинг охирги илтимоси эканини ўшанда билмаган эдим.
Мана, ҳозир ҳар куни ишдан қайтишда дарвоза олдидаги скамейкага қарайман Скамейка бўм-бўш На болалар бор на хотинлар Ҳатто шара-бара ҳам кўчамиздан ўтмайдиган бўлиб қолди.
Ўткир ҲОШИМОВ
Дунёнинг ишлари китобидан.

@BekalarUchun
https://t.me/joinchat/AAAAAEr77g1BcYHrWupM0g Ochish/sharhlash