@BekalarUchun

2023-07-05 07:47:22   Ассалому алайкум
        ва раҳматуллоҳи
           ва барокатуҳ.
                           
Чоршанба тонги муборак
                      бўлсин азиз
                   диндошларим!.
                             
Янги тонг, янги кун
                 барчага хайрли   
                        бўлсин!.
                             
Аллоҳ умрингизга,
          ризқингизга  ва топган
          даромадингизга  барака
                      берсин!.
                            
Бугунги  кун омадли
          келсин. Кунингиз солиҳ
           амалларга ва яхшилик
             ларга  бой  бўлсин!.
                            
Оилангиз, яқинларин-
         гиз  бахтига  соғ бўлинг!.
                            
Яна бир  гўзал, таро-
             ватли  тонг муборак
                бўлсин  азизлар!
                       


@BekalarUchun
https://t.me/joinchat/AAAAAEr77g1BcYHrWupM0g Ochish/sharhlash

2023-07-05 05:49:09 ОТА УЙИМ!

Қалдирғочлар инини қурган,
Уйимизнинг айвонларига.
Арзирмикан дунё ташвиши,
Онам эккан райҳонларига.

Бўёқлари кўчган дарвоза,
Ота ҳовлим тафти бошқача.
Борсам ўпиб кетади онам,
Кўзларимдан оққан ёшгача.

Севинчидан елиб, югуриб,
Қумғонларда қайнатади чой.
Дастурхонлар тузаб мен учун,
Супаларга қилишади жой.

Мевасидан ширин данаги,
Набирасин ҳолини сўрар.
Тойчоқ ўғлим от қилиб минса.
Эҳ болама, болам деб кулар.

Сабзи тўғрар отам майдалаб,
Ош қилишга кетади уннаб.
Ўзим қилай ошни десам дер,
Не қиласан жонингни қийнаб.

Ўзи болам бугун келдинку,
Меҳмонсан сал дамингни олгин,
Совуқларда юргансан болам,
Мана новвот чойингга солгин.

Эҳ онамни сўзларин тинглаб,
Кўзларимдан чиқиб кетар ёш.
Томоғимга тиқилар жоним,
Тик қарашга етмайди бардош.

Ҳовлимизни тутиб кетади,
Чакки эмас отамни диди.
Димоғимни қитиқлар мени.
Ошга солган бехини хиди.

Тарвуз-қовун еймиз камига,
Отам қилган ошни еб бўлиб.
Шу ҳовлида ўтган болалик,
Ёшлигимни эслаймиз кулиб.

Кўз олдимда турар жилвакор,
Этигини бўёқ пастаси.
Қўлларида қадоқ изидан,
Ялтираган кетмон дастаси.

Алишмасдим дунё бойлигин,
Ярми очиқ қолган эшикка.
Онажоним бармоқ излари,
Тушган ўша ёғоч бешикка.

Фарзандлари йўқлаб келишса,
Нурсиз кўзлар нурга тўларкан.
Яна келгин жоним болам деб,
Ота-она мезбон бўларкан.

Бу ҳаётни тўлмайди ками,
Дардлар сиғмас шеърий битикка,
Арзирмикан дунёни ғами,
Отам кийган бир жуфт этикка.

@BekalarUchun
https://t.me/joinchat/AAAAAEr77g1BcYHrWupM0g Ochish/sharhlash

2023-07-05 05:48:59 Нодиржони кузлари севгидан порларди. Туй тугаб хамма уз уйларига келишди. Зулхумор атаб куйган сарполарини Келинига хадя килди. Иллохим куша каринглар, бахтли булинглар деб дуо килди. ~~Эртасига Келин - Куёв чимилдикка киришди. Янгалар елиб югуриб хизматда булишди. Хамма янгалар хуш хабар кутаётганди. Нодиржонни юзлари бир холда чикди. Ноилани янгасини чакирди. Янгасига пичирлаб бир нималар деди. Янгасиниям юзи узгариб колди. Зулхумор тинчликми деб улар олдига келишди. Келинни янгаси юзи кизариб ерга караб Ноилани чимилдикда Куёвимиз Ochish/sharhlash

2023-07-05 05:48:59 Айша исмли ҳофизи Қуръон қиз Туркиянинг Измир шаҳрида яшарди. Aйша ҳар куни бомдод намозигача баланд овозда Қуръон тиловат қилар, онаси ҳар сафар қизининг хонаси олдида қироатини тингларди. Кунларнинг бирида, Айша оқ қон касаллигига чалинди. Бу тузалмас дард билан олишар экан, ҳар кун Қуръон қироатини канда қилмади. Қиз касаллик сабаб, 16 ёшида вафот этди. Кунларнинг бирида она қизининг хонаси ёнидан ўтиб кетар экан, қизининг хонасидан йиғи овозини эшитди ва эшикни очиб қаради, лекин у ерда ҳеч ким йўқ эди. Бу ҳолат ҳар куни тундан қуёш чиққунча такрорланаверарди.
Бу ҳолатдан ташвишга тушган она Измирдаги машҳур шайхдан маслаҳат сўради. Бу воқеани эшитган имом қизни хонасига келиб ушбу ҳодисани ўзи кўриш истаги борлигини билдирди. Кечқурун имом қизни эшиги олдига келди. Ҳақиқатдан ҳам қизни хонасидан йиғи овози эшитилиб турарди. Қизни хонасига кирган имон «Аллоҳy Акбар» дея йиғлай бошлади. Бу ҳолатдан саросимага тушган онаси имомдан нега йиғлаётганини сўради. Шунда Имом: Ochish/sharhlash

2023-07-05 05:41:27 - Бир сабаб бўлган. Сафармо бунақа андишасиз аёлмасди. - Эгамберди ака фақатгина шу гапни айтди. Бошқа ҳеч нарса демади. - Майли дадаси, мен кетдим. Бугун мани навбатим дадамни олдиларида бўлиш деди Зулхумор пальтосини кийиб чиқаркан.
- Қоронғида қўрқмассан? деди эри телевизордан кўз узмай.
- Яқинку, дарров етиб оламан деди Зулхумор ва лекин эримга ҳам мани кузатиб қўйиш кундан кун эриш туюляпти деган ўй ўтди кўнглидан. Мана етти ойдан бери Эгамберди ака ёлғиз. Сафармо кетганидан сўнг орадан бир ой ўтиб мактуб ёзди. Эгамберди ака мактубни хонтахта устида қолдирганда Зулхумор яширинча ўқиб ҳам олди. "Сиздан бир умр миннатдорман" деганди Сафармо мактубида. Сиздай яхши инсон йўқ. Лекин барибир мен бу юртда бегонаман. Болаларингиз бири биридан яхши. Лекин мен улар билан мен сабаб муносабатингиз бузилишини истамайман. Сизни бир умр унутмайман. Менинг энг яхши инсоним...
Сафармонинг кетиши Эгамберди акага таъсир қилганини ўзи сездирмагани билан барибир билинди. Кўзларига Сафармо келганда кирган нур аста секин сўнди. Маъюс, камгап бўлиб қолди.
- Дадам Сафармода онамни топган эканларда деди Солиҳжон бир ўтирганларида сингилларига. - Бўлмаса бунча ичикмасдилар. Навбат билан олдиларида тунаб қоляпмиз, кўнгилларига қараяпмиз лекин барибир юракдаги бўшлиқни тўлдиролмаяпмиз. Зулхумор ўшандагина нима қилиб қўйганини тушунди. Ҳозир ҳам ота уйи дарвозасидан кириб ҳовли ўртасида туриб қолди. Кулранг парда ортидан дадасининг соясини аниқ кўриб турарди. Мана чойнакни олдилар. Чой совуб қолган шекилли янги чой дамладилар. Нимадир қидиряптилар... Соат кечки ўндан ошди. Ҳамма ўзи билан ўзи... Акам уйига кириб кетганига икки соатдан ҳам ошгандир. Раҳбар одам, дам олиши керак. Дадам кимдир келгунча ёлғиз... Дадажон... Дадажоним... Сафармо! Қайт Сафармо! Сени қаердан топай Сафармо?... Зулхумор кулранг парда ортидаги дадасининг соясига қараб унсиз йиғларди.
Тамом.

Муаллиф: ЗЕЙЛ ЛЕЙЛА МУСТАФАСАЙЯР.

@BekalarUchun
https://t.me/joinchat/AAAAAEr77g1BcYHrWupM0g Ochish/sharhlash

2023-07-05 05:41:22 Зум ўтмай қўлини сочиққа артиб Сафармо чиқиб келди.
- Келинг. Ассалом алейкум. Қайнонангиз яхши кўрарканлар. Тушберани устига келдингиз. Сафармо худди ҳеч нарса бўлмагандек, кечаги дилхиралик тушда бўлган каби илиқ қаршилаб ўпишиб кўришди.
- Ман Сизнинг уйингизга, Сизни таомингизни егани келдиммики манга қайнонанг яхши кўраркан дейсиз? Ўз уйимга келдим ман. Дадамга онам пишириб берадиган чучвара қилиб келдим. Эрталаб кириб айтиб ўтувдилар, ўзинг бир онанг пиширадиган чучвара қилиб бер, ҳеч чучвара егандай бўлмаяпман деб! бир қошини тепага кўтариб беписанд гапирди Зулхумор Сафармога.
- Аааа?... Мангаям тушбера қил дегандилар охи... Шунга...
Сафармонинг кўзидан икки томчи ёш яноғига тушди. Бошини кескин кўтариб Зулхуморга тик қаради.
- Ман Сизга нима ёмонлик қилганман?! Нимага ҳар доим қалбимга оғриқ етказасиз? Ҳозир ҳам атайлаб ёлғон гапирдингиз. Инсоф билан айтингчи, қилаётган ишингиз тўғрими? Сафармодан Зулхумор бунақа жасоратни кутмагани учун аввалига бироз эсанкираб қолди. Лекин дарров ўзини қўлга олди. Юзи кўкиш тус олиб лаби пир пир уча бошлади.
- Тилинг чиқиб қоптими келгинди? Сенда қалб борми? Инсофсиз демоқчимисан? заҳарханда билан писанда қилиб гапирарди Зулхумор қаршисида ёноқларида ёшлари думалаётган Сафармога. Шу пайт кутилмаганда Бахтовар онасининг оёқларидан қучоқлаб олиб Зулхуморга қараб бақирди:
- Кет уйимиздан! Доим сен келсанг очам йиғлайди. Келма!Тушберангни ҳам олиб кет!Бобомни ҳам хафа қиласан!
- Нимааа? Ҳозир тилингни суғуриб оламан сани! Қай гўрдан келиб қолдиларинг ўзи?!Ўввв, жодугар! Гадойвачангни йиғиштир! Бахтовар онасининг оёқларини қўйиб юбориб Зулхуморга қараб югурди. Энгашиб ердан кесак олаётган болакайни Зулхумор куч билан итариб юборган эди қарийб икки қадам нарига учиб бориб тушган бола бир типирчилаб жим бўлиб қолди.
- Бахтоваржоооонннн... Бачаммм! Сафармо боласини қучоқлаб юзига шапатилаб ўзига келтиришга уринар, изиллаб йиғлар, Зулхумор эса тахтадек қотиб қолган эди гўё.
- Очааа... заиф ингради гўдак.
- Бачам, Бахтовар, мани қўрқитма бачам! уни бағрига босиб дир дир титрарди шўрлик онаизор.
- Оча... Кетайлик оча?... Кетамиз бу ердан очажон. Сан йиғламайдиган ерларга кетамиз очаааа... - Бахтовар қўлчаси билан онасининг бўйнидан қучоқлаб унга қўшилиб йиғлаб юборди.
- Кетамиз бачам,кетамиз...
Сафармо шундай деб Бахтоварни кўтариб ўрнидан турди. Қаршисига келиб тўхтаган эди унинг нигоҳидан юраги товонига тушиб кетгудай бўлди Зулхуморнинг. Ўт чақнарди Сафармонинг гўё.
- Манинг бу уйдан икки баробар катта уйим бор эди деди у паст, лекин қатъият билан Зулхуморнинг кўзларига алам билан қараб. - Рўзғорим, оилам бор эди. Ватаним бор эди. Бир кечада рўзғорим пароканда, уйим вайрон, эрим ва уч боламнинг ўлиги билан қолдим. Ватансизликка, фарзанд доғига, беваликка кўндим. Биттагина шу Бахтоварим тирик қолсин деб юртма юрт сарсонликка кўндим. Лекин боламни хўрлашингизга кўнмайман. Ўзимни шууунча хўрладингиз, турткиладингиз чидадим. Боламга қўл кўтардингиз, бунга чидамайман. Сизни бошингизга тушмасин манинг куним, рўзғорингиз пароканда бўлмасин. Сафармо боласини қучоқлаб бағрига босганча боши эгик, елкалари силкина силкина оҳиста уй томон юриб кетди. Наҳотки кетса?! Хаёлига келган ўйдан Зулхумор чўчиб кетсада барибир унча ишонмади. Борарга ери бормиди?! Қўрқитмоқчи ўзича!Ўзини ўзи тинчлантирган Зулхумор барибир кўнглининг бир чети хижил бўлиб кўчага чиқди. Эртасига эрталад опаси шошиб кириб келди.
- Сафармо кетибти Зули!Шундоққина чучвараларни тугиб қўйиб бир устидаги кийими билан, ҳеч кимга ҳеч нарса демай кетибти қўйибти. Сен бирон нима демаганмидинг?
- Йўғааа... Ман кўрганим ҳам йўқ...
- Зулхумор юраги алланечук бўлиб кетсада билдирмай инкор қилди. Кечқурун акаси Солиҳжон Сафармони қидириб борганда Тожикистонлик қочқинлардан кўп қисми Сурхондарё томонга кетишгани, Сафармо ҳам ўшалар билан кетгани ҳаққида гап топиб келди. Ochish/sharhlash

2023-07-05 05:41:22 Ҳеч йўқса шу бугун тилини тияр деган умид билан ўтирган Сафармо яна айбсиз айбдор бўлди, яна йиғлади. Барчанинг таъби хира бўлди. Туни билан ухлолмаган Эгамберди ака чошгоҳдан ўтиброқ Зулхуморникига кириб келди. Отасини кўриб Зулхумор аввалига шошилиб қолди. Кейин болаликдан тантиқроқ, ота онаси бошқалардан кўра эркароқ ўстирган қиз Эгамберди аканинг бўйнига осилиб йиғлаб юборди. Ўзининг ҳам кўнгли алланечук бўлди Эгамберди аканинг.
- Ҳеч кўниколмаяпман дадажон. Онамнинг арвоҳлари ҳовлимизда чирқираб юргандай туюлаверади деди чой қуйиб узатаркан ҳиққилаб Зулхумор.
- Унинг айби нима қизим? Энди сан ҳам сал ўйлагинда бундоқ. Менга қолса онанг...
Эгамберди ака кўнгли тўлиб бир муддат жим қолди. - Манга бу гапни айтиш оғир. Лекин эркак кишига ёлғизлик қийин экан қизим. Дунёни аввал эр аёлидан олдин тарк этсин экан. Нима десанг ҳам шу Сафармо уйимизга келгач бироз бўлса ҳам ўзимга келдим. Иссиқ совуғимгв қараб турибти. Бундан буён бунақа қилма она қизим. Сенга охирги айтар сўзим онангнинг кўнглимдаги ўрнини ҳеч ким эгаллай олмайди. Дастурхон четини ҳимариб ўтирган Зулхумор бир нима дейишга чоғландию лекин айтмади. Эгамберди ака чойини ичиб бўлиб юзига фотиҳа тортиб турди.
- Ўтиринг дадажон. Чучвара қилмоқчи эдим. Еб кетинг. Айбдорона мўлтираётган қизининг пешонасидан ўпиб Эгамберди ака шаҳарда иши борлигини айтди.
- Келишда дорихонага ҳам киришим керак. Ошқозоним оғрияпти деганди Сафармо.
Бу гапни эшитиб Зулхумор яна қовоқ тумшуғи осилди. Яна ўша Сафармо! Ҳар тугул бир нима дейишдан ўзини тийди. Отасини кузатган эди ҳамки опаси келиб қолди. Ундан ҳам эшитарини эшитган Зулхумор дилини охири опасига ёрди:
- Ўзику майли опа, энди уни ану етимчасини биз ука деймизу дадам ўғил деб уй-жойли қиладиларми? Кеча кўрмадингиз, мевани кесиб олдини ўшанга узатадилар дадам. Ол уни, е ол буни е деб жонларини бергудай! Худдики ўша келгинди тожикбачагача фарзанду-неварани кўрмагандай! Гулбаҳор синглисини биринчи марта кўриб тургандай ҳайрон бўлиб қараб қолди.
- Зули?... Сенга нима жин урган ўзи синглим? - Гулбаҳорнинг овозида бироз хавотир ҳам сезилди. - Ахир етимнинг бошини силаш савоб. Одамлар кўприк қуради, масжид қуради, беморларга нажот бўлади, сен... сен нималар деяпсан? Сафармо бировга зарари тегадиган аёлмас. Мол боқиб, томорқада ишлаб ҳам ўғлини эплайди.
- Ўша мол билан томорқа дадамникими? Бизникими?Ёки Сафармога ўтиб кетдими опажон?! Зулхумор кесатиқ ва киноя билан берган саволига опасининг кўзига тик қараб жавоб кутди.
- Товбаааа... Менинг синглим оқ кўнгил, меҳрибон ва яхшиликка ёндош эди. Худди бошқа одамга айланиб қолгандайсан Зули... Шайтонга ҳай бер синглим! Дадамниям ўйла ахир! - Гулбаҳор синглини биринчи марта кўриб тургандай кўзлари катта катта очилиб қараб қолди. Юзида қаҳр ва алам зоҳир Зулхуморга гап уқтириш бефойдалигини билиб ўрнидан турди.
- Онагинам раҳматлик ҳам дадамнинг тинчларини бузиб дилларини оғритаётганингдан руҳлари безовта. Тушимга кирибтилар. Кўзингга қара сен қиз! Нохушлик иси келяпти қилиқларингдан! - Гулбахор синглига қарамай ўзига ўзи гапираётгандай сўзлаб дарвозага йўналди.
- Чучвара еб кетинг опа. Дадам ҳам емай еетдилар. Мана ҳозир сувга солсам тайёр бўлади, тугилган тайёргина... деди Зулхумор опасига ошхона томонга имлаб.
- Ёмайман. Лекин дадамга ёки жўнатгин ёки ўзинг олиб бор. Чучварани яхши кўрадилар дадам... Гулбахор охирги жумлани паст, қандайдир дардли оҳангда айтди. Маҳорат билан тугиб катта сопол товоққа терилган чучварани олиб ота уйига кириб келган Зулхуморни Сафармонинг ўғилчаси Бахтовар кутиб олди.
- Уйда ким бор? Онанг қани? сўради Зулхумор ундан.
- Очам (онам) ошхонада. Тушбера (чучвара) қиляптилар - Бахтовар ҳадикли қараб жавоб берди.
- Нимага олаясан? Ажинаманми манга бунақа қарайсан? Бор онангни чақир. Ана ман олиб келдим тушбера!
Дўқ ва койишга мойилроқ оҳангдан норози Бахтовар Зулхуморга яна бир ёвқараш қилиб ошхона томон кетди. Ochish/sharhlash

2023-07-05 05:41:21 Дўстининг ҳе-ҳелаб кулаётгани ва гапларини жиддий олмаётганидан Дангалнинг ростакамига жаҳли чиқди. Бироз лабларини қимтиб норози қиёфада қараб тургач ҳозир кўрасан дегандай маъноли бош қимирлатиб ҳовли тўрига қараб бор овози билан Солиҳжонни чақира бошлади: XOLIDABAXA19:
- Солиҳ! Ҳууу Солиҳҳҳҳ!
Дерезадан Солиҳжоннинг боши кўринди.
- Чиқ бу ёққа еееее!...
Эри қазо қилса аёл кўникаркан. Эркакка қийин экан! Солиҳжон ҳам отасининг уст бошларини гоҳ хотини, гоҳ сингиллари ювиб беришсада баъзан кечалари ҳаммомда кир юваётганини кўрарди.
- Бу нима иш дада? Келинингиз ювиб беради. Қўйинг тоғорани дея қўлидан тоғорани тортиб олмоқчи ҳам бўлди.
- Мани келин,қизлар олдида уятли қилма болам. Ич кийим, пайпоғимни уларга асло ювдирмайман. Отам хотиним, сингилларимга қарашга бети қолсин десанг қаршилик қилма! Эгамберди ака Солиҳжон ўзим ювиб берай деганига ҳам унамаганди. Байрамларда ҳам ҳамма шўх шодон ўтирган маҳаллар отасининг кўзига бир лаҳза бўлса ҳам мунг, маъюслик қўниб ўтади. Ҳаммасидан ҳам ҳамма уй уйига тарқаб, Солиҳжон ҳам уйига кириб кетганда отаси ёлғиз қолиши юракни эзарди. Чироғи алламаҳалгача ёниқ уйида кул ранг ҳарир парда тутилган дерезадан эски оила албомини қайта қайта кўриб ўтирган бўларди Эгамберди ака. Шундай қилиб Аскар Дангалнинг маслаҳати маъқул келди. Солиҳжонга. Сингилларини чақиртириб маслаҳат солди. Катта сингил Гулбаҳор кўзи ёшга тўлсада билинтирмай розилигини айтди:
- Майли акажон. Қанийди энди тақдир битган бўлиб дадамга тегишга рози бўлса.
- Мен норозиман! Онам юрган ҳовлиларда энди бир келгинди юрадими бека бўлиб?!Келгиндимас, Кентнинг каттасини сингли бўлган тақдирда ҳам онамнинг ўрнига бошқа аёл келишига ман қаршиман! кичик сингил Зулхумор очиқ норози бўлди.
- Эркакка ёлғизлик осонми Зули? Дадамни ўйламайсанми?Доғ кўрган, боши деворга теккан бир аёл экан, сен...
Гулбаҳорнинг гапи оғзида қолди.
- Дадамга нима қипти?! Дадам тирик! Онагинам эса эллик икки ёшда қаро ерга кетдилар. Дадамни ўйламайсанми дейсиз? Дадамнинг мол дунёлигина эканликларини, акамнинг тадбиркор, пулликкина эканликларини Аскар амаки шипшитиб орада ўзлари ҳам бир нималик бўлиб қолмоқчи! сўзлари тиши орасидан чиқиб вишиллади Зулхумор. Гулбаҳор кулгисини тўхтатиш учун лабини тишлади.
- Нималар деяпсан сен? Аскар амаки келиб келиб дадамга хотин сотадими? Жинни бўлма. Зулхумор жиғибийрон бўлиб турганида опасининг кулгиси келаётганидан жаҳли чиқиб яна ташланмоқчи эди. Лекин қатиққўл Солиҳжоннинг сингилларига азалдан нигоҳи кифоя эди. Ўшанда ҳам Зулхумор дами ичига тушиб жим бўлиб қолган эди. Орадан икки ой фурсат ўтиб Сафармони олиб келишди. Ош дамлаб қўни-қўшнига билдирган бўлишди. Қоп-қора қошлари туташ, оқ юзли, кўзлари оҳуникидай чиройли, хуш қомат Сафармони кўриб Солиҳжоннинг хотини бир муддат анграйиб тургач эрига деди:
- Дадаси... Товба... Раҳматлик ойжонимга ўхшайдия? Қаранг, қуйиб қуйгандай бўлмаса ҳам ўхшашлиги борэээййй...
Солиҳжон унинг сўзларини маъқуллаб бош ирғади. Гулбаҳор янгасига қўшилиб кулимсираб бориб кўришди. Зулхумор эса кўзларидан дув дув ёш оққан куйи жим кузатарди. Дадасига худди гина қилгандекми, аразлагандекми ғалати нигоҳ ташлаб қўярди. Сафармога эргашиб келган тўрт ёшли қош кўзлари онасига ўхшаб кетадиган ўғилчаси онасининг этагидан тутганча нотаниш одамларга ҳайрат билан боқарди. Сафармо тез чиқишиб кетди. Қўл оёқликкина, чақон чиқиб қолди. Эгамберди ака ҳам аста секин ҳаётига ранг кириб кўзларида аввалгидай мамнунлик, юзида нур пайдо бўлиб қолди. Таърифу тавсифга не ҳожат, Сафармо қисқа қилиб айтганда кўнгилдагидай аёл эди. Фақат... Фақат ҳеч очилиб кулмас эди. Ҳамма кулгудан қотиб қолгудек бўлса у кулимсираб қўярди. Ўша кулимсирашида ҳам синиқлик, ғамгинлик қоришиқ бўларди. Бирмас уч фарзандни, умр йўлдошини йўқотган аёлнинг табассумини тасаввур қиларсиз? Ҳамма билан тил топиша олган Сафармога фақат Зулхуморгина эл бўлмади. Ота уйига кам келадиган бўлди Зулхумор. Келганда ҳам Сафармони кўрса балони кўргандек тутақиб кетарди. Бир баҳона топиб чақиб оларди. Мана бугун отасининг туғилган куни ҳам татимади ҳеч кимга. Ochish/sharhlash

2023-07-05 05:41:21 КУЛРАНГ ПАРДАЛИ ДЕРЕЗА.

Қўлида овқат солинган косалар терилган патнисни олиб кирган Сафармо Зулхуморнинг ҳам қаҳрли, ҳам беписанд ва нафратомуз нигоҳидан бир дам ўзини йўқотиб қўйди. Хонтахта устига патнисни қўйиб дастурхон атрофидагиларнинг олдига устига ошкўклар сепилган лағмонни қўяр экан яна навбат Зулхуморга келганда унга ҳадиксираб қаради Сафармо. Овқатни, қатлама патир, салатларни ҳамма мақтаб мақтаб еди.
Фақат Зулхумор лағмондан бир икки қошиқ еган бўлдию, бошқа ҳеч нарсага қўл ҳам урмади. Овқатдан кейин келтирилган ёнғоқли ҳолвайтар ҳам ҳаммага маъқул бўлди.
- Зулхумор?... Ол қизим, нега ҳеч нарса емаяпсан? Сафармо фарзандларингиз келади деб икки кундан бери тараддуд қилади деди Эгамберди ака қизининг олдига ҳолвайтарни яқинроқ суриб.
- Э, ҳақиқатда борку, гап йўқ пазандалигига Сафармонинг. Ошга жой сақлаб турибман. Хотин, бу ҳолвайтарни қанақа тайёрланишини сўраб олгин Сафармодан. Гулбаҳор иккаланг пиширасан туғилган кунимда. Зулхуморнинг бугун кайфияти йўқ, унга гапирмай турай. Шунча мазали ноз неъматдан қуруқ қоляпсанааа Зули? Акаси Солиҳжоннинг ҳазилига янгаси ва опаси Гулбаҳор кулимсирашган эди, Зулхумор зўрға турган эканми, тутақиб кетди.
- Ҳа акажон, кайфиятим йўқ. Ноз неъматни Сизлар енглар, мен егандек! Хайрият онам ўлиб Тожикистондан уруш бўляпти деб етим боласини судраб қочиб келган шу Сафармога дадам уйланган эканлар. Бўлмаса мазали ноз неъмат емай кетаркансизлар!
- Зули! Зулхумор опаси Гулбаҳорга еб қўйгудай қараб вишиллади:
- Нима Зули?! Нима Зули?!Онагинам ҳеч ширин таом пиширмаган эканларда а?!Сафармо келгунча ширин ош емаган экансизларда?!
Боятдан бери бошини эгиб вазмин ўтирган Эгамберди ака бошини кўтариб қизига тикилди.
- Сен қачон бунақа бағритош бўлиб қолдинг қизим?Сафармода нима айб? Амакинг, аканг, опангни қистови билан мен уйландим унга. Ўзи келгани йўқку? Нега бунча уни турткилайсан? Зулхумор отасидан бунақа гап кутмаган экан шекилли гезариб кетди. Кўзи жиққа ёшга тўлиб музтаргина бўлиб ўтирган Сафармога ғазаб билан қаради.
- Мен турткилаб нима қилибман дадажон? истеҳзо билан сўради у. - Сизнингча онамнинг ўрнида бошқа аёлни кўриш осон эканда бизга? Сиз унутган бўлсангиз унутгандирсиз, биз онамни унутганимиз йўқ.
- Ўчир овозингни! Зулхумор акасининг қаҳрли овозидан сапчиб тушди. Лаблари титраб акасига бироз қараб турдида ўрнидан туриб уввос солганча чиқиб кетди. Синглисининг ортидан чиқмоқчи бўлиб туришга чоғланган Гулбаҳорни акасининг қаҳрли нигоҳи қайтиб ўрнига ўтқазиб қўйди.
- Кузатиб қўяй девдим ака... Кўнгли учун. Ҳеч ким ортимдан чиқмади демасин-ботинмайгина деди Гулбаҳор акасига мўлтираб.
- Керакмас! Биров унга заҳр-марг дедими?!
- Солиҳжон?... Оғир бўл болам. Зулхумор... кенжамиз. Онангнинг эркаси эди. Энди... Тушунишга ҳаракат қилайлик ўғлим. - Отасининг бу гапидан сўнг Солиҳжон чуқур уҳ тортиб жим қолди. Эгамберди ака азалдан хотиржам ва босиқ одам эди. Лекин ҳозир бармоқлари титраётганидан унинг ҳам асаблари таранг тортилиб турганини билдириб турарди. Хотини вафот этганидан сўнг орадан уч йил ўтиб мана шу Сафармони болалик дўсти Асқар дангал сабаб бўлиб уйига олиб келишди.
- Эгамберди, хабаринг бор Тожикистондан уруш сабаб бечора халқ қочқин бўлиб юрибти. Хотинимнинг укаси янги уйга кўчиб ўтгач эскиси бўш экан. Ўша ерда бир оила яшаяпти. Бир келинчакни хотиним сенга маъқул келармикан деяптида шу десанг. Ўттиздан ўтган, қирққа етмаган экан. Биргина тўрт ёшли боласи билан омон қолибти, уч боласи ва эри вафот этишибти. Бир кўрасанми а, жўра? - Аскар дангал саломдан сўнг сўрашишни ҳам унутиб мақсадини бира тўла баён қила қолди.
- Ман кўрганим билан манга тегаман деб кўзи учиб турган эканми? кулди Эгамберди ака. - Эллик еттини уриб қўйган бир чолга тегарканми у ҳали қирққа етмаган бўлса? Аввал бундоқ уйга кир, бир пиёла чой ич. Дарвозадан кира солиб совчиликни бошлайсан? Ochish/sharhlash

2023-07-05 05:38:47 Ochish/sharhlash