Bek-Khwarizmi

2022-01-11 07:56:27 #Easy
Savol 6. Faraz qiling sizda ikkita ip bor, ularning har biri to'la yonib tugashiga aynan 1 soat vaqt ketadi, lekin ip bir xilda yonmaydi: masalan ipning yarmi yonishi uchun 10 daqiqa, qolgan yarmi yonishi uchun esa 50 daqiqa ketishi mumkin. Shu ikki ip yordamida 45 daqiqani o'lchay olasizmi? Sizda istalgan payt olov yoqish imkoniyati bor. Ochish/sharhlash

2022-01-10 18:47:37 Yechim 5. Toq marta o'zgartirilgan eshiklar ochiq qoladi, ya'ni eshik nomerini bo'luvchilari soni toq bo'lishi kerak. Demak bo'luvchilari soni toq bo'lgan natural sonlarni topishimiz kerak - bunday sonlar faqat to'la kvadrat bo'lganlari (isbotlashga harakat qilib ko'ring). Demak javob 1, 4, 9, 16, 25, 36, 49, 64, 81, 100. Ochish/sharhlash

2022-01-10 07:22:48 #Medium
Savol 5. 100 ta eshik bor, dastlab barcha eshiklar yopiq bo'lsin. Biror kishi barcha eshiklardan bir necha marotaba o'tadi va ularni bazilarini quyidagicha o'zgartiradi: agar eshik ochiq bo'lsa yopadi, yopiq bo'lsa ochadi. U birinchi yurishda har bir eshikni o'zgartiradi, ikkinchi yurishda har ikkinchi eshikni o'zgartiradi, ya'ni, 2, 4, 6, 8, ... uchinchi yurishda har uchinchi eshikni o'zgartiradi, ya'ni 3, 6, 9, ... Xuddi shunday, 100-chi yurishda esa 100-eshikni o'zgartiradi. Qaysi eshiklar ochiq qolishini toping. Ochish/sharhlash