Ваниҳоят!!! Энди мактаб дарсликлари бепул бўлади. Маълумки ке | BASTION
Ваниҳоят!!! Энди мактаб дарсликлари бепул бўлади.
Маълумки кейинги кунларда мактаб дарсликларининг ижараси 3 баравар ошгани тўғрисида хабарлар тарқалган ва кўпчилик бундан норози бўлган эди. Ўзбекистон Республикаси Президенти Шавкат Мирзиёев бунга ўз муносабатини билдирди.
Президент матбуот котиби Шерзод Асадов: “Мактаб дарсликлари ва машқ дафтарларининг ижара тўловлари миқдорлари кескин оширилиши муносабати билан кенг жамоатчилик, ота-оналар томонидан билдирилган эътирозлар юзасидан Президентимизга ахборот берилди. Мактаб дарсликлари болаларнинг умумий ўрта таълим олишида фавқулодда муҳим ўрин тутишини ҳисобга олиб ҳамда мактаб ўқувчилари ва уларнинг ота-оналарини, қонуний вакилларини қўллаб-қувватлаш, ижтимоий адолатни таъминлаш мақсадида давлатимиз раҳбари Вазирлар Маҳкамаси ва Халқ таълими вазирлигига мактаб дарсликлари ва машқ дафтарларини бепул ижарага беришни тезкор йўлга қўйиш юзасидан топшириқ берди”.
