Агробанк яна бир йирик ва муҳим лойиҳани ишга туширди
Агробанк мамлакат иқтисоди, хусусан қишлоқ хўжалиги учун муҳим ва фойдали бўлган уникал лойиҳа - Жиззах вилоятининг Ғаллаорол туманида
“Agro In Vitro” лойиҳасини ишга туширди. Лойиҳа доирасида қишлоқ хўжалигида серҳосил ва экспортбоп мева кўчатларини етиштириш, манзарали дарахт ва гуллар импортини камайтиришни таъминлаш кўзда тутилган.
Лойиҳа тақдимоти жорий йилнинг 7 июнь куни Ғаллаорол туманидаги “Agro In Vitro” комплексида бўлиб ўтди. Маълум қилинишича, мазкур лойиҳа мамлакатимизда кўчат етиштиришга янгича ёндашувни жорий қилади. Хусусан, “Agro Invitro” лабораторияси ўз соҳасида етакчи бўлган Европа компаниялари билан ҳамкорлик қилади. Лаборатория кўчатларни ташқи муҳитдан ҳимояланган, вирус ва касалликлардан тозаланган шароитда автоматлашган ва тизимланган услубда етиштиришни таъминлайди. Бу услуб кўчатларни кафолатланган (сертификатланган) ва сифатли бўлишига хизмат қилади.
Тақдимот давомида “Agro Invitro” лойиҳаси хорижий мамлакатлар шу жумладан, қўшни Қозоғистон, Қирғизистон, Тожикистондан келган соҳа мутахасислари ҳам катта қизиқиш билдириб, ҳамкорлик бўйича бир қатор таклифлар берилди.
Агробанк қишлоқ хўжалигида илм ва инновацияларга асосанланган янги лойиҳаларни тадбиқ этишни ҳамда қўллаб-қувватлашни давом эттиради.
