Ўзбекистонда яна бир хусусий банк - 'HAYOT Bank' очилади Ban | Bankvabiznes.uz

Ўзбекистонда яна бир хусусий банк - "HAYOT Bank" очилади

Bankers.uz ўз манбаларига таяниб хабар беришича, Марказий банк "HAYOT Bank" АЖ банк фаолиятини амалга ошириш учун дастлабки рухсатнома берди.

Банк таъсисчиси Ўзбекистондаги йирик тадбиркор эканлиги, банк бошқарувида эса Ўзбекистондаги рақамли банкда тажриба орттирган мутахассислар бўлиши айтилмоқда.

Маълумотларга кўра, янги очилиши кўзда тутилаётган банк универсал банк сифатида фаолият юритади ва кенг турдаги банк хизматларини таклиф қилади.

Эслатиб ўтамиз, амалдаги тартибга кўра, банкни рўйхатга олиш ва унга лицензия бериш учун муассислар дастлабки рухсатнома олинган кундан бошлаб узоғи билан олти ой муддатда қонун ҳужжатларида белгиланган талабларни бажаришлари керак. Банкни рўйхатга олиш ва унга лицензия бериш ҳақидаги қарор Марказий банк талаблари бажарилган кундан кўпи билан бир ойлик муддатда чиқарилади.

@bankbiznesuz