Bandixon Yangiliklari

2021-02-13 09:41:58 Sanoat mahsulotlari ishlab chiqarishda Bandixon eng past natija koʻrsatgan

Surxondaryo viloyat sanoat ishlab chiqarish hajmi tarkibida eng koʻp ulush:
Termiz sh. – 21 foiz;
Jarqoʻrgʻon – 18,5 foiz;
Denov – 15,7 foiz koʻrsatkichga erishgan.

Eng past koʻrsatkich esa:
Bandixon – 0,1 foiz;
Qiziriq – 1,4 foiz;
Boysun – 1,8 foiz tumanlari hissasiga toʻgʻri kelgan.

@BandixonYangiliklari Ochish/sharhlash

2021-02-12 17:29:42 Surxondaryo aholisi 2681 ming kishini tashkil yetib, 1,9 foizga oʻsgan

Jumladan, shahar aholisi soni 971,4 ming kishini (36,2 foiz), qishloq aholisi soni 1 709,6 ming kishini (63,8 foiz) tashkil etdi.

Aholi sonini tumanlar kesimida oladigan boʻlsak:
Denov – 382,3 ming;
Qumqoʻrgʻon – 238,7 ming;
Jarqoʻrgʻon – 222,1 ming;
Sariosiyo – 213,1 ming;
Shoʻrchi – 212,7 ming;
Sherobod – 197,4 ming;
Termiz sh. – 182,9 ming;
Oltinsoy – 180,1 ming;
Uzun – 173,9 ming;
Muzrabot – 144,2 ming;
Angor – 134,2 ming;
Boysun – 117,5 ming;
Qiziriq – 115,9 ming;
Termiz – 78,5 ming;
Bandixon – 77 ming.

@BandixonYangiliklari Ochish/sharhlash

2021-02-11 22:38:17 Assalomu Alaykum, aziz yurtdoshlar barchangizga Sayyid-ul Ayyom, Hajj-ul Masokin bo'lmish Juma muborak bo'lsin!
Alloh bu kunda qilajak duolarimizni mustajob qilsin, solih amallarimizni boyitsin!

Juma ayyomingiz muborak boʻlsin!

@BandixonYangiliklari Ochish/sharhlash

2021-02-11 14:02:45 #BILASIZMI

Surxondaryo viloyati tarkibidagi tumanlar qachon tashkil topgan?

● Jarqoʻrgʻon tumani – 1926-yil 29-dekabr (1962-yil 24-dekabrda Shoʻrchi tumani bilan birlashtirilgan. 1964-yil 31-dekabrda qayta tuzilgan).

● Denov tumani – 1926-yil 29-sentyabr.

● Boysun tumani – 1926-yil 29-sentyabr (1962-yil 24-dekabrda Sherobod tumani bilan birlashtirilgan. 1965-yil 29-dekabrda qayta tuzilgan).

● Sherobod tumani – 1926-yil 29-sentyabr.

● Sariosiyo tumani – 1926-yil 29-sentyabr (1962-yil 24-dekabrda Denov tumani tarkibiga qoʻshilgan. 1964-yil 22-fevralda qayta tuzilgan).

● Shoʻrchi tumani – 1935-yil 9-fevral.

● Uzun tumani – 1942-yil 12-yanvar (1959-yil 15-oktyabrda Sariosiyo tumani tarkibiga qoʻshilgan. 1991-yil 29-martda qayta tuzilgan).

● Angor tumani – 1952-yil 16-aprel (1962-yil 24-dekabrda Termiz tumani tarkibiga qoʻshilgan. 1979-yil 4-dekabrda qayta tuzilgan).

● Muzrabot tumani – 1968-yil 25-dekabr (1994-yilgacha Gagarin deb atalgan).

● Qiziqir tumani – 1975-yil 6-mart.

● Qumqoʻrgʻon tumani – 1977-yil 24-mart.

● Oltinsoy tumani – 1981-yil 23-noyabr.

● Bandixon tumani – 1992-yil 18-may (2020-yil 31-yanvarda qayta tuzilgan).

@BandixonYangiliklari Ochish/sharhlash

2021-02-09 21:03:46 Toʻra Bobolov yoshlar tomonidan koʻtariladigan masalalar uchun yangi telegram kanal ochmoqchi

Surxondaryo viloyati hokimi Toʻra Bobolov Yoshlar parlamenti aʼzolari va vohadagi eng faol yoshlar bilan uchrashdi.

Ayni paytda viloyatda 500 mingga yaqin 18 yoshdan 30 yoshgacha boʻlgan yigit-qiz istiqomat qilmoqda. Hozirgacha “mahallabay” rejasi orqali uyma-uy yurilib, ularning 421 mingtasi roʻyxatga olindi. 88 mingdan ziyod yosh “Temir daftar”ga kiritildi.

Uchrashuvda faol yoshlarning taklif va istaklari tinglandi. Sektorlarda yoʻl qoʻyilayotgan kamchilik va muammolarni viloyat hokimi bilan birgalikda yechish, bartaraf etish yoʻllari izlandi. Shu maqsadda viloyat rahbarining maxsus telegram kanalini tashkil etib, yoshlar unga hududdagi kamchilik va muammolar, yechimini kutayotgan masalalarni kiritib borish taklifi ilgari surildi.

@BandixonYangiliklari Ochish/sharhlash

2021-02-09 12:53:00 Rasman: Konstitutsiyaga oʻzgarish kirdi. Saylovlar oktyabr oyida boʻladi

Prezident Konstitutsiyaga oʻzgarish kiritish toʻgʻrisidagi 2 ta qonunni imzoladi.

Birinchi qonunga koʻra, Prezidentlik saylovi, Oliy Majlis Qonunchilik palatasiga, Qoraqalpogʻiston Joʻqorgʻi Kengesiga, viloyatlar, tumanlar, shaharlar davlat hokimiyati vakillik organlariga saylovlar ularning konstitutsiyaviy vakolat muddati tugaydigan yilda – oktyabr oyi uchinchi oʻn kunligining birinchi yakshanbasida oʻtkazilishi belgilandi (bungacha dekabr oyida edi).

Bu degani joriy yilgi Prezidentlik saylovi 24-oktyabr kuniga toʻgʻri keladi.

Ikkinchi qonunga koʻra, “qonun hujjatlari” degan soʻzlar “qonunchilik” soʻzi bilan almashtirildi.

P/s: Ikkala qonun ham bugundan kuchga kirdi. Demak bugundan hammasi boshqacha bo'ladi

@BandixonYangiliklari Ochish/sharhlash

2021-02-08 12:55:16 Oʻzbekistonda dollarning rasmiy kursi pasaydi

Markaziy bank xorijiy valyutalarning soʻmga nisbatan yangi kurslarini eʼlon qildi. Ushbu almashuv kurslari 9-fevral kunidan kuchga kiradi.

Unga koʻra, dollarning rasmiy kursi 9,61 soʻmga pasaygan va bir dollar 10 530,83 soʻmni tashkil qilgan.

Yevro kursi 110,65 soʻmga tushib, 12 681,23 soʻmga teng boʻldi.

Rubl kursi esa 1,91 soʻmga koʻtarilgan va 1 rubl 141,10 soʻmni tashkil etgan.

@BandixonYangiliklari Ochish/sharhlash

2021-02-08 09:19:28 2021-yilda 3 935,8 km avtomobil yoʻllari qayta quriladi va taʼmirlanadi

2021-yilda 4 577,4 mlrd soʻm mablagʻ oʻzlashtiriladi hamda 3 935,8 km avtomobil yoʻllari qayta quriladi va taʼmirlanadi.

Jumladan:

investitsiya dasturi doirasida 2 165,0 mlrd soʻm oʻzlashtirilib, 95,8 km avtomobil yoʻllari qayta quriladi;

kapital taʼmirlash dasturi doirasida 355,0 mlrd soʻm oʻzlashtirilib, 100,0 km avtomobil yoʻli kapital taʼmirlanadi;

umumiy foydalanishdagi avtomobil yoʻllarini joriy taʼmirlash va saqlash boʻyicha 1 801,8 mlrd soʻm miqdorida ishlar bajarilib, 2 540,0 km avtomobil yoʻllari taʼmirlanadi;

ichki xoʻjalik yoʻllarini taʼmirlash boʻyicha 255,6 mlrd soʻm miqdorida ishlar bajarilib, 1 200,0 km ichki yoʻllar taʼmirlanadi.

P/s: Bandixonni yo'llari ham shu pullardan tamirlanib qolsa ajab emas

@BandixonYangiliklari Ochish/sharhlash

2021-02-07 08:19:04 Bandixon tumanida sodir etilgan YTHda piyoda vafot etdi

Bandixon mahallasi hududidan oʻtuvchi ichki 4R 100 avtomobil yoʻlining qatnov qismida arava tortib ketayotgan fuqaroni “Jiguli” mashinasi haydovchisi urib ketdi. Haydovchining soʻzlariga koʻra, tungi vaqtda qarama-qarshi yoʻnalishda kelayotgan mashinaning chirogʻi sabab u piyodani koʻrmay qolgan. Fuqaro voqea joyida vafot etdi.

@BandixonYangiliklari Ochish/sharhlash

2021-02-03 15:02:07 Haydovchi maʼmuriy bayonnomaga oʻz fikrini yozishi mumkin

Huquqbuzar maʼmuriy bayonnomaning mazmuni yuzasidan bayonnomaga oʻz fikr-mulohazalarini yozib qoʻyishga, shuningdek mazkur maʼmuriy bayonnomaga imzo chekishdan bosh tortish sabablarini bayon etishga haqlidir.

Huquqbuzar maʼmuriy bayonnomani imzolashdan yoki yozma tushuntirish berishdan bosh tortgan taqdirda bayonnomaga bu haqda uni tuzgan shaxs tomonidan yozib qoʻyiladi.

Bunda guvohlar yoki xolislar ishtirokida dalolatnoma tuziladi va maʼmuriy bayonnomaga ilova qilinadi.

Kanalga ulanish:
@BandixonYangiliklari Ochish/sharhlash