Bilim hám mamanlıqtı bahalaw agentligi

2022-12-13 15:17:35 Ana tili hám ádebiyat páninen test variantı specifikası hám test úlgileri

Mámleketlik test orayınıń rásmiy web-saytına ózbek tili hám ádebiyatı, rus tili hám ádebiyatı hám de qaraqalpaq tili hám ádebiyatı pánlerinen milliy test sisteması ushın test variantı specifikaciyası hám úlgi test tapsırmaları úlgileri jaylastırıldı.

Talabanlar test variantı specifikaciyası hám úlgi test tapsırmaları menen Mámleketlik test orayınıń rásmiy web-saytındaǵı “Milliy sertifikatlaw sisteması” bóliminde tanisıwları múmkin.

Esletip ótemiz, ózbek tili hám ádebiyatı, rus tili hám ádebiyatı hám de qaraqalpaq tili hám ádebiyatı pánlerinen milliy sertifikat imtixanları 8-yanvar kúni bolıp ótedi.

Bul pánler boyınsha talabanlardı dizimge alıw my.dtm.uz saytınıń “Milliy sertifikat” bólimi arqalı ámelge asırılmaqta hám 18-dekabrge shekem dawam etedi.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-12-01 12:27:41 Nege jańa sabaqlıqlar test sınaqlarına tayarlanıw ushın usınılmaǵan?

2022-jıl 28-oktyabr kúni Mámleketlik test orayınıń rásmiy web-saytına JOOlarına kiriw test sınaqlarına tayarlıq kóriw ushın usınılǵan sabaqlıqlar hám oqıw ádebiyatlarınıń dizimi jaylastırıldı.

Onda 2022-2023-oqıw jılında Xalıq bilimlendiriw ministrligi tárepinen bilimlendiriw sistemasına 6-, 7- hám 10-klasslar ushın jańa engizilgen oqıw dástúrleri tiykarında jaratılǵan sabaqlıqlar keltirilmegen.

Málim bolǵanınday, hár bir test tapsırması mámleketlik bilimlendiriw standartlarına hám oqıw rejedegi pán dástúrlerine sáykes bolıwı tiyis.

Testologiya tiykarlarına muwapıq tańlaw imtixanlarında qollanılatuǵın test tapsırmaları tańlanıwshılar tárepinen ózlestirilmegen oqıw dástúrleri tiykarında qáliplestiriliwi múmkin emes.

Aytıp ótiw kerek, ulıwma bilim beriw mekteplerin 2022/2023-oqıw jılında pitkeretuǵın oqıwshılar 6-, 7- hám 10-klasslar ushın jańadan engizilgen oqıw dástúrleri hám olar tiykarında jaratılǵan jańa sabaqlıqlar tiykarında bilim almaǵan.

Sol sebepli 2023-jılda ótkeriletuǵın JOOlarına kiriw test sınaqlarına tayarlıq kóriw ushın usınılǵın oqıw ádebiyatları diziminde jańa sabaqlıqlar berilmegen.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-11-22 13:32:15 Jızzax hám Qashqadárya wálayatlarında kóshpeli qabıllaw

Mámleketlik test orayı adminstraciyası tárepinen Oray iskerligine baylanıslı máseleler boyınsha fizikalıq hám yuridikalıq shaxslardıń múrájátlerin kórip shıǵıw maqsetinde kóshpeli qabıllawlar shólkemlestirilmekte.

Náwbettegi kóshpeli qabıllawlar:

23-noyabr kúni Jızzax wálayatında Mámleketlik test orayınıń direktorı Karimov Madjit Malikovich tárepinen;
24-noyabr kúni Qashqadárya wálayatında Mámleketlik test orayı direktorınıń orınbasarları Batirov Sherzod Negmuratovich hám Radjabov Sardor Baxtiyorovich tárepinen ótkeriledi.

Kóshpeli qabıllawlar tómendegi waqıtlarda bolıp ótedi:

23-noyabr kúni 11:30 de — Ózbekstan Respublikası Prezidentiniń Jizzax wálayatındaǵı Xalıq qabıllawxanasında;
24-noyabr kúni 12:00 de — Ózbekstan Respublikası Prezidentiniń Qashqadárya wálayatındaǵı Xalıq qabıllawxanasında.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash