Bilim hám mamanlıqtı bahalaw agentligi

2023-02-17 12:46:59 Diagnostikalıq test sınaqları jolġa qoyıldı

Bilim hám mamanlıqlardı bahalaw agentligi tárepinen joqarı oqıw orınlarınıń bakalavriat tálim baġdarlarına kiriw test sınaqları formatındaġı úlgi test tapsırmaları tiykarında diagnostikalıq test sınaqları jolġa qoyıldı.

Diagnostikalıq test sınaqları arqalı abiturientler óz bilimlerin sınap kóriwleri hám test materialları (test tapsırmaları kitabı hám juwaplar beti) menen islesiw kónlikpesine iye bolıwları múmkin.

Diagnostikalıq test materialları hár hápte de barlıq aymaqlarġa jetkerip beriledi hám talabanlar test materialların agentliktiń aymaqlıq bólimlerinen alıp ketiwleri múmkin boladı.

Bul xızmetten paydalanıwdı qálewshi talabanlar my.dtm.uz saytı arqalı diagnostikalıq test materiallarına buyırtpa beriwleri múmkin.

Telegram | Facebook | Instagram | YouTube Ochish/sharhlash

2023-02-14 12:29:29 Matematika hám biologiya pánlerinen milliy sertifikat imtixanı ushın ruxsatnama

2023-jıl 19-fevral (ekshembi) kúni bolıp ótetuǵın matematika hám biologiya pánlerinen milliy sertifikat imtixanları ushın ruxsatnamalar beriw baslandı.

Talabanlar test sınaǵında qatnasıw ushın ruxsatnamanı my.dtm.uz saytınan (“Milliy sertifikat” bólimi) alıwı múmkin.

Ruxsatnamada talabanlar qashan, qay jerde test sınaǵında qatnasıwı belgilengen bolıp, talabanlar belgilengen waqıttan keshikpegen halda keliwi soraladı.

Talabanlar test sınaǵı ótkeriletuǵın imaratlarǵa shaxsın tastıyıqlawshı hújjet (pasport) tiykarında:

-smenada 07:30 dan baslap (test sınaǵı 09:00 de baslanadı);
-smenada 12:30 dan baslap (test sınaǵı 14:00 de baslanadı) kiritiledi.

Test sınaǵına keshikken yamasa kelmey qalǵan talabanlar ushın qosımsha test sınaqları ótkerilmeydi.

Telegram | Facebook | Instagram | YouTube Ochish/sharhlash

2023-02-13 09:35:19 Matematika hám biologiya pánlerinen milliy sertifikat imtixanında qatnasatuǵın talabanlar dıqqatına!

2023-jıl 19-fevral (ekshembi) kúni barlıq aymaqlarda matematika hám biologiya pánlerinen milliy sertifikat imtixanları ótkeriledi.

Talabanlarǵa test sınaǵında qatnasıw ushın ruxsatnama 14-fevral kúninen baslap my.dtm.uz saytı (“Milliy sertifikat” bólimi) arqalı beriledi.

Ruxsatnamada talabanlar qashan, qay jerde test sınaǵında qatnasıwı belgilengen bolıp, talabanlar belgilengen waqıttan keshikpegen halda keliwi soraladı.

Talabanlar test sınaǵı ótkeriletuǵın imaratlarǵa shaxsın tastıyıqlawshı hújjet (pasport) tiykarında:

-smenada 07:30 dan baslap (test sınaǵı 09:00 de baslanadı);
-smenada 12:30 dan baslap (test sınaǵı 14:00 de baslanadı) kiritiledi.

Test sınaǵında talabanlarǵa 45 test tapsırması hám olardı islew ushın juwaplar betin toltırıw menen birge 2,5 saat waqıt beriledi.

Test sınaǵı nátiyjesi boyınsha eń joqarı balldıń keminde 60 procentin toplaǵan shaxslarǵa 3 jıl múddetke ámel etiwshi sertifikat beriledi.

Telegram | Facebook | Instagram | YouTube Ochish/sharhlash

2023-02-13 09:32:31 Ochish/sharhlash

2023-01-24 07:29:58 Test sınaqlarında baqlawshı sıpatında qatnasıw ushın ashıq tańlaw

Bilim hám mamanlıqlardı bahalaw agentligi 2023-jılda agentlik tárepinen shólkemlestiriletuǵın test sınaqlarında baqlawshı sıpatında qatnasıwdı qálewshi talabanlar ushın ashıq tańlaw daǵazalaydı.

Tańlaw 3 basqıshta ámelge asırıladı:

-basqıshta Bilim hám mamanlıqlardı bahalaw agentligi tárepinen talabanlardıń talaplarǵa muwapıq ekenligi úyreniledi.

-basqıshta aymaqlarda talabanlar qánigelik asırıw kursında oqıtıladı hám kurs juwmaǵında juwmaqlawshı qadaǵalaw ótkerilip, onıń nátiyjeleri tiykarında talabanlarǵa sertifikat beriledi.

-basqıshta Bilim hám mamanlıqlardı bahalaw agentliginiń aymaqlıq bólimlerinde sertifikatqa iye bolǵan talabanlar menen sáwbet ótkeriledi hám sáwbet nátiyjesine bola topar baqlawshılıǵına usınıs etilgen talabanlar menen shártnama dúziledi.

Tańlawda 25 jastan 45 jasqa shekemgi bolǵan joqarı maǵlıwmatlı, sociallıq isker Ózbekstan Respublikası puqaraları qatnasıwı múmkin.

Bunıń ushın talabanlar 2023-jıl 23-yanvardan 23-fevralǵa shekem my.dtm.uz saytınıń “Topar baqlawshılıǵına tańlaw” bólimi arqalı dizimnen ótiwleri tiyis.

Esletpe: Studentler, repetitorlar, oqıw oraylarınıń direktorları hám oqıtıwshıları tańlawda qatnasıwı múmkin emes.

Telegram | Facebook | Instagram | YouTube Ochish/sharhlash

2023-01-20 15:27:17 Shet tili imtixanları ushın talabanlardı dizimge alıw baslandı

2023-jıl 20-yanvar kúni fevral ayında bolıp ótetuǵın shet tilin biliw dárejesin anıqlaw test sınaqları ushın talabanlardı dizimge alıw baslandı.

Talabanlardı dizimge alıw my.gov.uz saytı arqalı ámelge asırılmaqta hám 30-yanvar (tólemdi ámelge asırıw waqtı 31-yanvar) ǵa shekem dawam etedi.

Dizimnen ótkende talabanlar imtixan tapsırıw aymaǵın ózleri tańlawları hám sol aymaqta test sınaqlarında qatnasıwı múmkin.

Bunda test sınaǵınıń jazba (tıńlap túsiniw, oqıw, jazba jumıs) bólimi 12-fevral kúni bolıp ótedi. Sóylew kónlikpesin bahalaw imtixanları bolsa jazba imtixanlardan aldın shólkemlestiriledi.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2023-01-20 10:00:11 Ana tili hám ádebiyat páninen milliy sertifikat ushın test sınaqları

Ana tili hám ádebiyat páninen milliy sertifikat ushın imtixanlar barlıq aymaqlarda 2023-jıl 29-yanvar kúni bolıp ótedi.

Bunda test sınaqları ózbek tili hám ádebiyatı, rus tili hám ádebiyatı hám qaraqalpaq tili hám ádebiyatı pánlerinen ótkeriledi hám saat 10:00 de baslanadı.

Test sınaǵında talabanlarǵa 45 tapsırma beriledi hám olardı islew ushın juwaplar betin toltırıw menen birge 3 saat waqıt ajıratıladı.

Test sınaǵı nátiyjesi boyınsha eń joqarı balldıń eń keminde 60 procentin toplaǵan shaxslarǵa 3 jıl múddetke ámel etiwshi sertifikat beriledi.

Talabanlar test sınaǵında qatnasıw ushın ruxsatnamasın 23-yanvar kúninen baslap my.dtm.uz saytı arqalı júklep alıwları múmkin boladı.

Esletpe: Talabanlar test sınaǵı ótkeriletuǵın orınlarǵa saat 08:30 dan baslap shaxsın tastıyıqlawshı hújjet (pasport) tiykarında kiritiledi.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-12-20 16:28:52 Ochish/sharhlash

2022-12-15 13:41:47 Oqıwdı kóshiriw boyınsha tiyisli qarar Joqarı hám orta arnawlı bilimlendiriw ministrligi tárepinen qabıl qılınadı

Mámleketlik komissiyasınıń 7- hám 8-sanlı bayanlaması menen tómendegi aymaqlardan Ózbekstan puqaralarınıń oqıwın Ózbekstandaǵı mámleketlik JOOlarına belgilengen tártiplerden tısqarı kóshiriwge ruxsat berilgen:

7-sanlı bayanlaması menen — Kursk, Bryansk, Belgorod, Voronej, Rostov hám Krasnodar aymaqları;

8-sanlı bayanlaması menen — Qrım hám Sevastopol aymaqları.

Bunda:

Oqıwdı kóshiriw boyınsha arzalar Mámleketlik test orayı tárepinen qabıl qılınıwı;

Studentlerdiń haqıyqatında da JOOlarda oqıǵanlıǵın tekseriw Sırtqı isler ministrligi tárepinen ámelge asırılıwı;

Oqıwdı kóshiriwge ruxsat beriw boyınsha qarar Joqarı hám orta arnawlı bilimlendiriw ministrligi tárepinen qabıl etiliwi belgilengen.

Sol sebepli Mámleketlik test orayı tárepinen 1-30-noyabr kúnleri oqıwdı kóshiriw boyınsha arzalar qabıl etilip, barlıq maǵlıwmatlar Sırtqı isler ministrligi hám de Joqarı hám orta arnawlı bilimlendiriw ministrligine berilgen.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-12-15 13:40:22 Fizika hám ximiya pánlerinen milliy sertifikat ushın test sınaqları

Fizika hám ximiya pánlerinen milliy sertifikat imtixanları barlıq aymaqlarda 2022-jıl 18-dekabr kúni bolıp ótedi hám test sınaqları 10:00 de baslanadı.

Test sınaǵında talabanlarǵa 45 test tapsırma hám olardı islew ushın juwaplar betin toltırıw menen birge 2,5 saat waqıt beriledi.

Test sınaǵı nátiyjesi boyınsha eń joqarı balldıń keminde 60 procentin toplaǵan shaxslarǵa 3 jıl múddetke ámel etiwshi sertifikat beriledi.

Talabanlar test sınaǵında qatnasıw ushın ruxsatnamasın Mámleketlik test orayınıń my.dtm.uz saytınan júklep alıwları múmkin.

Talabanlardan test sınaǵı ótkeriletuǵın aymaqqa 09:00 ge shekem shaxsın tastıyıqlawshı hújjet (pasport) hám ruxsatnama menen keliwleri soraladı.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash