Янги таҳрирдаги Меҳнат кодекси. Бугунгача бўлган санадаги муносабатларга қайси кодекс қўлланилади?Бугундан янги таҳрирдаги Меҳнат кодекси кучга киради. Бугундан биз неча йилдирки қадрдон кодексимизни "эски таҳрирдаги Меҳнат кодекси" деб атаймиз.
Энди биз олдин бўлган масалалар бўйича ҳам янги Меҳнат кодекси доирасида иш олиб борамизми? деган савол туғилиши табиий. Бугунга қадар бўлган ҳолатлар айнан эски таҳрирдаги Меҳнат кодекси доирасида иш олиб борилади. Бугундан бошлаб юзага келадиган вазиятлар учун янги ва амалга кирган Меҳнат кодекси доирасида ҳал этилади.
"Норматив-ҳуқуқий ҳужжатлар тўғрисида"ги Қонун 41-моддасига кўра, норматив-ҳуқуқий ҳужжатлар орқага қайтиш кучига эга эмас ва улар амалга киритилганидан кейин юзага келган ижтимоий муносабатларга нисбатан қўлланилади.
@bahodirahmedoff
