AXYORLAR

2022-07-09 04:30:20 Аллоҳ таоло Зулҳижжа ойининг муборак кунларида қилган ибодатларимизни, тутган рўзаларимизни, Аллоҳ учун бўғизлаган жонлиқларимизни ва ҳожиларимизнинг ҳаж ибодатларини Ўз даргоҳида қабул қилсин! Барчамизни кейинги байрамларга офиятда ва иймонда устивор ҳолимизда етказсин!

Ийдул-Азҳо — Қурбон ҳайити барчамизга муборак бўлсин!

┈┉┅━۩❀ ❅ ❀۩━┅┉┈
Каналга уланиш:
https://t.me/axyorlar Ochish/sharhlash

2022-07-07 21:34:37 Арафа куни жумага тўғри келса, шу куннинг ўзида рўза тутиш макруҳ эмас. Чунки бу кунда рўза тутаётган одам жума кунини улуғлаш учун рўза тутмайди, балки жума кунига тўғри келиб қолган Арафа рўзасини тутади. Агар унга пайшанба рўзасини ҳам қўшиб тутса, янада яхшироқ бўлади. Чунки пайшанба куни рўза тутишнинг ўзи мутлақо суннат, қолаверса у Зулҳижжанинг ўн кунида келяпти ва жума куни тутилаётган Арафа рўзасига шерик бўляпти.

Шайх Солиҳ ал-Усаймий

https://t.me/islomnuricom Ochish/sharhlash

2022-06-30 19:00:08 Зулҳижжа ойининг ўн кунида қилинадиган амаллар:

• Ҳаж;
• Қурбонлик;
• Aрафа куни рўза тутиш;
• Aллоҳга тасбеҳ, такбир ва ҳамд айтиш;
• Aллоҳга ёлвориб дуо қилиш;
• Қуръонни тадаббур билан тиловат қилиш;
• Яхшилик йўлида хайру эҳсон, садақа қилиш;
• Одамларни яхшиликка буюриб, ёмонликдан қайтариш;
• Ой бошида 9 кун рўза тутиш.

Абдуллоҳ ибн Аббос розияллоҳу анҳумодан ривоят қилинади: Расулуллоҳ соллаллоҳу алайҳи ва саллам айтдилар: “Бу кунлар (яъни зулҳижжанинг аввалги ўн куни)да бажарилган солиҳ амалларчалик Аллоҳга суюклироқ бўлган амаллар йўқ”. Саҳобалар дедилар: “Ё Расулуллоҳ, Аллоҳ йўлида жиҳод қилиш ҳам (зулҳижжанинг аввалги ўн кунида қилинган амалларга тенг келмайди)ми?”. “Аллоҳ йўлидаги жиҳод ҳам унга тенг келмайди, фақат мол ва жони билан жиҳодга чиқиб, бунинг ҳеч қайси билан уйига қайтмаган (яъни жанг майдонида шаҳид бўлган) киши бундан мустаснодир”, дедилар.

Бухорий ва Термизий ривояти.

┈┉┅━۩❀ ❅ ❀۩━┅┉┈
Каналга уланиш:
https://t.me/axyorlar Ochish/sharhlash

2022-06-30 13:20:06 Зулҳижжа ойининг аввалги ўн кунининг фазилати.

Шайхулислом Ибн Таймия раҳимаҳуллоҳ айтадилар:
«Зулҳижжанинг аввалги ўн куни рамазоннинг охирги ўн кунидан афзалроқ, рамазоннинг охирги ўн кечаси зулҳижжанинг аввалги ўн кечасидан афзалроқдир».

«Мажмуъул фатово», 25/287.

┈┉┅━۩❀ ❅ ❀۩━┅┉┈
Каналга уланиш:
https://t.me/axyorlar Ochish/sharhlash

2022-05-03 07:00:45 Шаввол ойидан олти кун рўза тутишнинг фазилати

Абу Айюб ал-Ансорий розияллоҳу анҳудан ривоят қилинади: Пайғамбаримиз соллаллоҳу алайҳи ва саллам: «Ким Рамазон рўзасига Шавволдан олти кун рўзани эргаштириб қўйса, йил бўйи рўза тутгандек бўлади», дедилар (Имом Муслим ривояти, 1164-ҳадис). Шу ҳадиси шарифга биноан, Шаввол ойидан олти кун рўза тутиш суннат ҳисобланади.

Бу рўзани тезроқ тутиб қўймоқчи бўлган киши ҳайитнинг иккинчи кунидан бошлаб тутиши мумкин. Биринчи ҳайит куни рўза тутиш харомдир. Пайғамбаримиз соллаллоҳу алайҳи ва саллам ҳар икки ҳайитнинг биринчи кунида рўза тутишдан қайтарганлар.

Бу олти кунни Шаввол ойи давомида тутса бўлаверади. Уни кетма-кет тутиш шарт эмас.

Рамазон рўзасидан қарзи бор опа-сингилларимиз аввало қарзларини тутиб, кейин Шаввол рўзасини тутганлари яхши. Аммо қазоларини тутишлари сабабли Шаввол ойи тугаб колиши эҳтимоли бўлса, қазоларини кечиктириб, Шавволнинг олти кунини тутишлари афзал. Чунки, Шаввол рўзаси фақат Шавволда тутилади ва уни қазо килиб бўлмайди. Рамазоннинг қазосини келгуси Рамазонгача тутиб берсалар бўлаверади. Валлоҳу аълам.

┈┉┅━۩❀ ❅ ❀۩━┅┉┈
Каналга уланиш:
https://t.me/axyorlar Ochish/sharhlash

2022-05-02 07:30:23 Aссалому алайкум, қадрли аҳли ислом биродарлар!

Барчаларингизни кириб келган муборак Рамазон ҳайити — Ийдул-фитр билан муборакбод этамиз. Aллоҳ таоло Рамазон ойида қилган ибодатларимизни ўз даргоҳида қабул этсин, кейинги Рамазонларга тинч-омонликда, сиҳат-саломатликда, иймонда устивор ҳолимизда етказсин!

Бутун Ислом оламига байрам муборак бўлсин!

┈┉┅━۩❀ ❅ ❀۩━┅┉┈
Каналга уланиш:
https://t.me/axyorlar Ochish/sharhlash