Музработда аҳоли мурожаатлари ўрганилди Бугун Музработ тумани | Surxondaryo viloyati hokimligi
Музработда аҳоли мурожаатлари ўрганилди
Бугун Музработ туманида аҳоли мурожаатларини жойига борган ҳолда тинглаш, ўрганиш ва ҳал этиш мақсадида вилоят ҳокими Улуғбек Қосимовнинг аҳоли билан учрашуви бўлиб ўтди.
Ўзбекистон Республикаси Президентининг Сурхондарё вилояти Халқ қабулхонаси билан ҳамкорликда туманнинг “Шодлик” истироҳат боғида ташкил этилган мулоқот давомида 115 нафар фуқаронинг турли масалалардаги 137 та мурожаати қабул қилинди. Масъуллар иштирокида мурожаатларни ўрганиб чиқилиши натижасида 23 та масала шу ернинг ўзида ижобий ҳал этилди.
Қолган мурожаатлар тегишлилиги бўйича ўрганиб чиқиш ва ҳал этиш топшириғи билан масъулларга ижро учун йўналтирилди.
Шунингдек, учрашув давомида ишсиз фуқароларнинг бир гуруҳига субсидия асосида сув насослари топширилди.
Surxondaryo viloyati hokimligi . Web site: http://surxondaryo.uz/. Ishonch telefoni: 998 (76) 224-02-89, 1088 . Elektron pochta: gov@surxondaryo.uz . Yuridik manzili: Termiz shahri, At-Termiziy ko‘...
