Abduqodir Toshkandiy

2021-12-17 02:37:42 O'zi bilmagan narsani "Alloh biladi" demaslik.

Ibn Abbos roziyallohu anhudan rivoyat qilinadi:
«Birortangiz hech qachon o'zi bilmagan narsani "Alloh biladi", demasin. Holbuki, Alloh undan boshqa narsalarni ham biladi. Bu bilan u o'zi bilmagan narsani Allohga o'rgatayotgan bo'lib qoladi. Bu esa Allohning huzurida katta gunohdir» dedi. (Arabiy matn)

Sharh: Bu yerda ba'zi odamlar mutakabbirlik ila o'zi bilmaydigan narsani "Bilmayman", degisi kelmasdan, o'z aybini yashirish uchun "Alloh biladi", deyish haqida gap bormoqda.
Ko'pgina hadislarda sahobalar roziyallohu anhumning "Alloh va Uning Rasuli biluvchi", deganlari kelgan. Rasululloh sollallohu alayhi vasallam buni inkor qilmaganlar. Chunki sahobalar bu gapni kibr uchun va o'z bilmasliklarini yashirish uchun aytmaganlar. Balki avval bilmasliklarini e'tirof qila turib, keyin ilmni Allohga va Uning Rasuliga nisbat berganlar.

Shayx Muhammad Sodiq Muhammad Yusuf, Odoblar hazinasi (Imom al-Buxoriy, Al-Adab Al-Mufrad, kitobining sharhi) Ochish/sharhlash

2021-12-14 17:05:35 Taqvo yo'liga endi kirganlarda shijoati juda kuchli bo'ladi. Bu taqsinga loyiq albatta. Lekin bu degani, siz his qilayotgan, siz tushungan narsalarni hamma tushunadi degani emas. Dinga amal qilmaydiganlarda islomofobik ruhiyatni uyg'otib qo'yishdan saqlanishimiz kerak. Ular ham bir kun bu yo'lga kirishlari mumkin. Va shunga umid qilamiz. Ularni qoralab, har qilayotgan ishiga raddiya beraversak, ola ko'zlar ila qarab tursak bu yo'lda muhabbati so'nishiga sababchi bo'lib qolmaymizmi?

O'tgan haftada tanishlarim bilan ko'rishdik. Peshin vaqti masjidga borib, ayollar xonasida namoz o'qimoqchi bo'ldim. Yonimdagi qizga siz ham kiravering, kitob o'qib turasiz desam, istamadi. Boshida romoli yo'qligi, namoz o'qimasligi uchun uyalyapti deb tushundim. Sovuqda turmang yuring deb olib kirdik. Natija nima bo'ldi? namoz o'qiyotsam, u qiz chiqib ketdi. Sababini so'rasam, qizlar qarashidan o'zini noqulay his qilganini aytdi. Masjidda o'tirishlari sabab qalblarini ochib qo'yishini umid qilgandim, shuni so'ragandim. Ammo... Xulosa o'zingizdan.

Bilmaymiz, o'sha bizga g'ayritabiiy tuyilayotganlar, ertaga bizdan taqvoda o'tib ketishi mumkin.

Saidumarova | blog Ochish/sharhlash

2021-12-10 00:04:30 "Ba'zi bir narsalarni so'z bilan tushuntirib bo'lmaydi, kitobdan topib bo'lmaydi. Uni qaysi ustozda yashiringanini Alloh biladi."

Ikrom Sharif. Ochish/sharhlash

2021-12-06 00:23:25 ...Alloh ham, odamlar ham meni yaxshi ko‘rsin.

Abul Abbos Sahl ibn Sa’d Saidiy roziyallohu anhudan:
- Rasululloh sollallohu alayhi vasallam huzurlariga bir kishi kirib dedi:
- Yo Rasululloh! Menga shunday bir amalni ko‘rsating-ki, agar uni qilsam, Alloh ham, odamlar ham meni yaxshi ko‘rsin.
Nabiy sollallohu alayhi vasallam dedilar:
- Dunyoga nisbatan zohid bo‘l (ko‘ngil berma), Alloh seni yaxshi ko‘radi. Odamlarning oldidagi narsalarga zohid bo‘l (ko‘z tikma), shunda odamlar ham seni yaxshi ko‘rishadi.

Ibn Moja va boshqalar rivoyati.

Imom Navaviy, Arbain hadislar to'plamidan. Ochish/sharhlash

2021-12-03 22:10:19 Qishning aldamchi quyoshiga ishonib, bevaqt ochilgan hovlimizdagi gullar izg'irinda va qor ostida qoldi...
Ularga qarab, odamlarning olqishlariga mahliyo bo'lib, maydonga barvaqt tushib olgan yoshlar, iste'dodlar, shogirdlar... yodimga tushdi.
Gullarku bu qahratondan butun chiqib olar... qolganlarga ham shuni tilayman

Mubashir Ahmad. Olim, Odam va Olam kitobidan Ochish/sharhlash

2021-12-02 22:58:51 Mo'min bir teshikdan ikki marta chaqilmaydi.

Abu Hurayra roziyallohu anhudan rivoyat qilinadi:
“Nabiy sollallohu alayhi vasallam: "Mo'min bir teshikdan ikki marta chaqilmaydi", dedilar"

Sharh: Biz “teshik” deb tarjima qilganimiz ibora aslida igna sanchmay, tishlab chaqadigan zaharli hayvonlarning uyasi maʼnosida kelgan. Misol uchun, ilon. Bir odam bilmasdan qo‘lini iloning uyasiga tiqib, chaqtirib olsa, aqli bo‘lsa ikkinchi marta o‘zini bu musibatga giriftor qilmaydi . Mo‘min kishi dunyoni barcha ishlarida shunday bo‘ladi. U ziyrak va ehtiyotkor, bir xatosini yana takrorlamaydigan inson bo‘ladi.
Mo‘min-musulmon har bir xatodan saboq olib, bir qilgan xatosini ikkinchi marta takrorlamas ekan.
Rasululloh sollallohu alayhi vasallamning bu hadisni aytishlariga sabab Abu Izza degan shoir odam sabab bo'lgan. U badr urishida mushriklar safida bo'lgan va musulmonlarga asir tushgan. Shunda Rasululloh sollallohu alayhi vasallamdan uni xolisona qo'yib yuborishlarini so'ragan. Nabiy sollallohu alayhi vasallam uni xolisona qo'yib yuborganlar. Ammo Abu Izza Uhud urushida yana mushriklar bilan birga musulmonlarga qarshi qurol ko'tarib kelgan. Yana asir tushgan va Rasululloh sollallohu alayhi vasallamda yana xolisona qo'yib yuborishlarini so'ragan. Shunda Nabiy sollallohu alayhi vasallam biz o'rganayotgan mazkur hadisni aytganlar.

Shayx Muhammad Sodiq Muhammad Yusuf, Odoblar hazinasi (Imom al-Buxoriy, Al-Adab Al-Mufrad, kitobining sharhi) Ochish/sharhlash

2021-11-30 21:40:46 Xususiy maktublardan

Kaminalari xususiy kabinetlarda o'tirib, yangigina pochtalyon tomonidan topshirilgan do'st-dushman maktublarini o'qib, goh kular edilar, goh yig'lar edilar (Qodiriy o'zini nazarda tutyapti). Mana do'st-dushman maktublaridan bir necha nusxa :

"Oyog'ingga qarab yur! Kechagi gazetada men haqimda aljiganingni, bu galcha, bola-chaqang hurmatiga kechirdim. Yo'qsa, bitta kallakesarga zakaz berilgan edi... (imzo)"
Javob:
- O'zim ham jondan to'yib turibman...

Julqunboy (Abdulla Qodiriyning taxallusi)
"Turkiston" gazetasi, 1923-yil.

P.S: Javohir Izzatulloh postidan ko'chirma. Ochish/sharhlash

2021-11-29 22:07:06 Koshki qizlarimizga iffatingni saqla, odobli bo‘l deb aytganimiz qadar o‘g‘illarimizga ham aytsak edi, hammasi yana-da yaxshi bo‘lar edi.

Tunchiroq Ochish/sharhlash

2021-11-29 01:23:01 Hamma kerak!!!

To‘xtab qolsa nogoh karvon yo'lidan,
Itlar jim bo'lishib qolishar ekan.
Shu bois, ularning vovullashidan
Karvondagilar shod bo'lishar ekan:

"Biz manzil tomonga siljidik beshak,
Itlarning ovozi beryapti darak!"
Doimo oldinga odimlash uchun
Ko'rdingizmi, do'stlar, itlar ham kerak!

Xayrulla Hamidov Ochish/sharhlash

2021-11-26 01:06:39 Kitob o‘qigan kishi o‘lmasidan oldin minglarcha hayot yashaydi. Hech o‘qimaydigan kishi esa faqatgina bir hayot yashaydi.

Tunchiroq Ochish/sharhlash