ТҮС. Сәт. ҮРЕЙ.
(Еділбек Дүйсенге)
Сол түсті мен де көрдім...
Көзі қашалмаған тас пұттардан қаланған қамал
көкжиек жағалай қоршап,
сақ-сақ күледі құлақ тұндыра.
Жаңғырыққан күлкі қамал ішінде
құйын көтеріп,
Әлдебір бесікті ұшырып әкетті.
Білем,
ол мені де айналдырып кетпек
меңіреу тасқа
немесе
көзі қашалмаған,
алыстан болар-болмас көрінетін күлегеш, заржақ пұтқа...
Есіме
түстің аяқталатыны,
Оны тек қана бақытқа жоритын әжемнің
аспанға көшіп кеткені түсті.
..Қала тағы есінеді,
есінеді
бәрі бірдей түс көретін тұрғындар.
#АсыланҚуанышұлы
#АршыланШаттық
